♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt: 130
حطات يدها على كرشها ونزلات ليها عينهاا وكأنها كاتصبر راسها هي والجنين ديالها ...ململات نضراتها فجنابها كاتودع المنطقة بناااسهاا لي كلهم كايشوفو فيهااا ويهضرو بينهم وبين نفسهم متسااائلين " فين غاتكون الدكتورة عبير غاديااا؟!"
عللات عينها لدار القائد الشيطان لآخر مرة واستدارت طالعة للطوموبيل بعدماا طلع ياااسر وجنبو رباااب ... كانت رغد كاتطل عليهم من السرجم دالبيت لي فيها عهد ... هوما حرككو اللوطو حاكين روايضهاا مع الأرضية ومنوضين وراهم الغبرة مخليين الجنود باقين ضاربين ليهم تحية ...راقباتهم حتى غبروو من قدامها وتنهدات مبتاسمة نصف ابتسااامة وعيونها على منضر الجنووود لي تابعينهم بعينهم.
رغد: نسيت بلي واخا هي دكتورة ...ماتقدرش تعالج قلبهااا ...!
دارت حاطة عينها على عهد لي مازال فاقد وعييو وحركات راسها بلا حول ولا قوة إلا بالله .
الطريق كلها وهو كايشوف فيها فالمراااية ديال ال Jip...وكلما كاتجي عينو فعينها كاتهرب منو باش ماتعطيهش فرصة يسولهاا ولا يحاول يستفسر منها سبب قرار مغادرتهاا ....زم شفايفو ورجع تايشوف قدامو ورباب كاتفرك فصبعانها قدامها ... ساااعات كثيييرة وهو سااايق والحال شد ضلاااموو ...تأخر الوقت بزاااف وكأن الجو تخربق ونقيطات خفاف دالشتاا كاينشنشوو ....تحرك شوية دالعجاج والشجر بداا يمشي ويجي هنا عبير
سدات عينيهااا ودموعهاا لوحدهم كاينزلو كي تفكراات كيفاش الحكااية بدات.
من هاد الطريق وفهاد الضلااام وفنفس الجوو و فنص الليل وحتى نفس النهااار سبحان الله بدااا كلشييي...!
رباب كاتنعت ليه طريق الدار وهو سااايق بحذر حتى لقدام الباب ....وقف السيارة على جنب وحط عينو قدامو ماراضيش بهادلشي ولكن كاتبقا حرة فقراراتها وفالطريقة لي بغات تعيش بيها حياتهاا وماعندوش الحق يتدخل فيهاا
نزلات وتبعاتها رباب جارة ليها فاليزتهااا ...قربات من الباب دالطوموبيل عند ياااسر وبلعات ريقها مباشرة فالكلام .
عبير: سمح ليااا مرة خرااا اياااسر...كانتمنى ...كلشي يكون مزيااان من هنا للقدام.
رفع راسو بالإيجاب بلا مايشوف فيها وتقدمااات كاتخطي خطوة وتحس بيها رافضة تتقدم للقدام ...فهاد اللحضة ماكرهاتش تتراجع فقرارهاا ولكن ماعندهااش حل آخر ... ولكن ضغطات على نفسهاا وحاربااات مشاعرها من جديد .
هي حنااات براسها قدامهااا والدموع وقفو على جفونهاا وهو نزل من الطوموبيل وسد الباب ورااه تسند عليه وربع يديه متأملهااا ...مدة طويلة وهو كايشوف فيها فالتالي دور يدو من ورا راسهااا وجرها لعندو خاشيها فحضنوو ....سمعها نبضاااتو وانفاااسو وزيرها لعندو معبر ليها على الإشتياااق القوي لي غايهزو فغياابها وفبعدها عليه ....رفع ليها راسهاا من دقنهاا خلاها تحط عويناتها المدمعين فعينيه وحط بشفايفو الدافيين على شنيفاتهااا لمدة طويييلة وكأنه كايشبع منهااا .
رجع بعدها عليه ومسح ليها دميعاتها بشوية قايل.
ياسر: علاش كاتبكي آنستي الأنيقة ؟![رجع حط ليها راسها على صدرو] كانواااعدك ...بعدماا يسالي هادلشي لي واقع مع القائد حاليااا ...غانرجع فأقرب وقت ونديك لابسة البيض كيف ديما حيت كايواتيك [قهقه بلطف] ...غير هاد المرة ماغاتكونش الوزرة الطبية ...غاتكون كسيوة دالعرس.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Acción▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
