♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:54
تسندات للخلف على الكرسي وبقات فكرة تجيبها وأخرى تديهااا حتى داز النعااس عليها .
دخل للدار فنص الليل لقاها مكالمية وهازهااا السقيل ...وقف فالباب وميل راسه كي قشعاتهاا عينه ناعسة على الكرسي معنكشة عرفها مامرتاحاش من تعابير وجهها المكمشة ...تبسم بطرف شفاهه وبلا حول ولا قوة إلا بالله حرك راسه قبل مايحرك فاتجااهها خطواته .
حط الملف لي كان فيدو فوق الطبيلة الصغيرة جنبوو وتحنى لمستوااها ناوي يهزهاا لكن بقاا على وضعيته لمدة قليلة متأملهاااا بمساعدة إضااءة القمر الخفيفة من الشرجم.....خصلاتهاا الرقيقة مداعبهااا البرد الخفيف المتسلل من النافدة...شفايفها الصغيرة منتفخة وحنيكاتهاا الوردية مزنكة ..رموشهاا متلاسقة ومخربقة ..هاد الأمور البسيطة كافية تخليه يعرفهااا كانت كاتبكي لربمااا هو هكااا كايقرا بنادم بنضرة ...ولا يمكن غير هي حيت وللا حافضهااا .
عض على اسفل شفاهه ورفعها بين يديه مدخلها لبيتو ....نزلهاا على السرير وغطاهاا بملاية بثوب رطب حرييير ....طرطق عنقو وهو كايعوجو يمين شمااال وتقاد فالوقفة قدااام الشباااك فجنبهاااا .
مدة طويلة وهو متأمل الخارج بنضراااتو الغامضة وتعابيرو الباااردة دليل على انه تايبرم ويخطط لشي حاجة كبيرة ومحتاااجة تفكير كبيير ....جر نفس كثيرة وساطهاااا خطرة وحدة من نيفه خاشي يده فجيبه ...جبد باكية دالكااارو ..قللع منها واحد وردها للجيب .
حطو بين سنانه وولع فيه العافية ببريكتو الحديدية
نتر نترة وعللا راسو باخ فالسنااا متبع ليه العين حتى خرج لبرااا ....رفع بريكتو قدامو وبداا يفتحهااا ويسدهااا وهادي عادة من عاداتو كي يكون محتااج تركيز فإحدى مهماااتو .
___ _____
رشف من قهوته وضيق فليلى نضراته .
عمر: شنو قلتيليها؟!
ليلى[قلبات عينيها]: شنو غانكون قلتليهاا فنضرك؟! نبهتهااا وحدرتهااا باش تفهم راسهاااا وتمشي فحالاتهاا بلا ماتطيح القائد فالمصائب والمصاااعب ولكن لي فراسها فراسها ...ودابا خليها تتحمل مسؤوولية افعالها .
عمر[تسند على الطبلة مربع يديه]:وشنو الى كانو بصح مزوجين؟! شنو غاديري الى كان بصح مزوج بيهااا؟!
ليلى[حمراات فيه عينيها]: ماتقولش ليااا تيقتي كدبتهم؟! انا عارفاهم مامزوجينش ...بل متأكدة من هادلشي وغانكشف كدبتهم طال الزماان ولا قصااار ...حلى ولااا مراار... غانخلي الحقيقة تبااان ونخرجها من طريقنا انا وعهد ....عاارفاه مانهاش علاقتنااا براحتو ...حيت هاد السنين كلهاا واخا كان كايتجاهلني...عمرو قاليا بلي كاع ماباغيني .
عمر[ضحك بطرف شفاهه]: حيت ماكانش مهتم أصلا ...تبغيه ولا ماتبغيهش ..تبعيه ولا خليه ماكانش مسوق ...ولكن نتي ملي متأكدة انهم مامزوجينش علاش كاتسوليها؟!
ليلى: حيت مابغيتش نتسرع ونآدي عهد ...مزال كانعطيها فرصة باش تنساااحب بلاا مشاااكل ...ولكن دابا غانوريهاا بنت العقيد علاش قاداا ....ونتاا واااش معاياا ولا معاها؟!علاش حاسة بيك كاتدافع عليها؟!
عمر[بجدية]: حيت نتي ماشي قدها ...واش عارفاها شكوناهيا بعدا ولالا؟!
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Боевик▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
