♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:75
ولأول مرة من دائرة غبائها كاتخرج ومن صفاوة نيتهاا كاتنفر كي فهمات قصدو عليه ململات عينيهاا للجنب تبسم بطرف شفاهه ومد يده تايحط ليها المرهم على كدماتهااا .
كي سالا وقف ونطق وهو داير يديه فجيابه والبرودة طاغية على ملامحه .
عهد: لبسي عليك مزيان ..الجو كايتغير .
هو قال كلامه ولبرا تنقل بخطواته اما هي عضات على شنايفها كي حسات باهتمامه وتبسمات فنفسهاا كاتهز من خلفه براسها طاعة لكلامو ... وقفات هازاا صاكهاا وتابعاه .
هو قدامها وهي وراه خطوتو على خطوتهاا كي متتبعة خطااه ..داير يديه فجيابه متازن فمشيته وكايتمايل بكتافه العراااض ... مرة مرة تعلي فيه العين وتعض على طرف من شفاهها السفلية بالحشمة كي تتفكر كلامو ." بلا ماطلبيني غانوريه ليك" .
قبل مايوصلو للسيااارة عهد توقف فمكانه ولجنبو قلب بنضراته كي لمحت عينو ليلى جااايا هي ورااجل غريب لأول مرة تايشوف خشمو فالمنطقة .
عللا حاجب ونزل الثاني وفبلاصتو بقا مكواني مستنيها توصل عليه .. عارفها لاش باغا توصل وفاش كاتفكر وشنو ناوية ماغاتلعبهااش عليه بتصرفاتها الصبيانية ...كي وصلات حداه علات حاجبها مبتاسمة بمكر أماا عهد حرك راسو بلا حول ولا قوة إلا بالله وربه استغفر .
ليلى: بلا ماتسولني ... هادا دكتور محلي ..جا على قبل الحملة الطبية غير تأخر شي شوية ...[شافت فعبير] ونتي بنتي ليا تأقلمتي وليتي تخرجي وباب الدار تدرجي ماعندي مانتسالك...كما انك فقلوب الناس دغيا درتي بلاصتك ماطلعتيش ساهلة .
بشوفاتها الكارهة طلعاتها ونزلاتهااا وعلى سنانها غزات كي شافتها لابسة حوايج عهد .
اما عبير بابتسامة مصطنعة فوجهها تبسماات وقربات عند عهد شاداا ليه فيديه .
عبير: كايقولو مايعاشر القنديل غير الفتيل ....كيفما ارتاحيت ليهم ارتاحو ليا .
نزل يديه المقونة بيدها مبتاسم ابتسامة شبه باهثة قبل مايشوف فيها وهي بدورها فيه عللات عينيهااا..دار ليها اشارة براسو بمعنة غانسبقك لسيارة
.اكيد الرجل ماعندوش دور فنقاش العيالات عكس الدكتور الجديد لي مع ليلى مستمتع بتبادلاتهم للقصف متحمس يعرف شكون غاتربح.... فكات منو عبير بهدوء وربعات يديهااا ....ليلى على صاكها فيدها كرزاات وفعبير نضراتها ركزاات .
ليلى: من بعد وغانتفاهم معاك ...دابا غانجمعهم ليك .
عبير: دابا جمعي غير ماتبقى ليك من كرامتك ..وغبري من قدام عينيااا .
ليلى[باستهزاء]:ماتبقايش تضحكيني الله يخليك .
عبير[قربات منها وهمسات ليها فودنها]: ماتبقايش تشفيني الله يخليك ...راجلي والله مايحطو فيك .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
