♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:84
خدات وقتها الكافي فتنضيف نفسها بحكم جابت دورة فالقرية والغبااابر كلهم طارو عليها ...لوات الفوطة على نصهاا وفزطة ثانية على شعرهااا ووقفات قدام المراية كاتوضع كريماتهااا .
تفكرات ملي تقداهم ليها وبلا ماتحس تبسمات بعفوية ...جات دير مرطب لوجههاا وبقات مدة كاتشوف فصبعان عهد لي مصورين فحناكهااا ...تنهداات وغطاتهم بالكريم باش مايبانوش ...دهنات يديها ودرات واحد ثاني لرجيلاتها ...فكات الفوطة من شعرهااا وسرحاتو بالمهل وكي جات تخرج وقفات فمكانها كأنها تفكرات شي حاجة .
وقفات قدام المراية من جديد ودورات شعرها جنب عنقهاا ملاحضة طولو لي تزاااد فهاد المدة القصيرة ...قاست حنيكاتهااا ويمين شمال حركات راسها .
عبير:واش تزاديت فالوزن وطوال شعري ولا غير كانتخااايل؟!
نعلات الشيطان وخرجات تاتجر فبانطوفتها ...لبسات دوبياااس فالكحل وعليهم مباشرة دارت بيجامة فالبلومارين .
قبل ماتخرج تفكرات اللي نسات وبشفايفها تبسمات قبل ماترجع للبلاكار ..فتحات المجر وجبدات البواط لي لقات جنب السرير وخباتهااا ..فتحاتها بحماااس وجبدات منها العقد الماسي المميز بترصاعة حجيراتو ولمعانهم ...حمقها ستايلو وجمالو ...ماتردداتش فأنها توضعو على رقبتهااا وتكاودات مع مرآة البلاكاار كاتشوف كيف جاها .
سهات وهي كاتمرر عليه صبيعاتهااا بإعجاااب صوت الدقان فالباب العالي فرع طبلها وفيقها من سهوتها .
بخطوات سريعة خرجات فتحات ...طلعوها ونزلوهااا مخشية فالبيجامة الصوفية جاتها عريضة شوية وتبينها كيوت .. شعرها فازك على كتيفاتها كايقطر وخلعتها على وجهها ضاهرة .
رباب: باسم الله عليك اصديقتي .
عبير: ااش هاد الدقان خلعتيني .
رباب دخلات بلا ماتستأدن وياسر مع عبير تقدم تايتكلم
" القائد ماكاينش؟!"
عبير[سدات الباب]: ماشي بزاف باش خرج للخدمة .
ياسر[رفع راسو بالإيجاب]: قالت بغات تشوفك وجبتهااا .
تبسمات ليه فوجهو ومشات جلسات فجنبهاا رباب ضيقات شوفتها وبدات تحقق فيها طالعة نازلة معاها
رباب:صافي شريتي حوايج جداد؟! غلاضيتي بزاف...شعرك طوال تبارك الله...شنو دوك لي طراس لي على وجهك؟! واش القائد الشيطان ضربك؟!
عبير كانت ضاحكة على هضرتها وعلى آخر كلماتهاا تزنكو حنيكاتها وحنات راسها ماعارفة باش تجاوبها ...ياسر لمح الرعب لي تملكهاا وعرف بلي الشيطان دارهااا...شابك يديه قدامو وعض على شنايفه قبل ماينطق .
ياسر: دكتورة عبير ....أو بالأصح مرات خويا ... وبما أنك مراتو كانضن خاصك تعرفي حاجات مهمة عليه ...خاصك تعرفي بللي القائد عندو متلازمة انجر ..أو مايسمى بالوسواس القهري المفرط ...نتي دكتورة وغاتعرفي حسن مني شناهو هاد المرض .
رباب[بصدمة]: عقدة توحدية من الإنعزال والحدودية ...التملك والأنانية ...هو مرض واحد وفيه نوعين فنفس الوقت...الهوس بالنضافة والهوس بالتملك .
ياسر[شاف فيها]: أي حاجتو ..ماكايبغيش غيرو يقرب ليها ... الحاجات لي هي من خصوصيااتو ماكايبغيهاش تكون مشروكة .
وكيفما قلت ..نتي دابا مراتو ..يمكن بالنسبة ليك هاد الزواج ماشي حقيقي ...ولكن عهد كايآمن بالدلائل ..ونتي فالوراق شرعا وقانونا زوجة القائد...هادلشي علاش ردي البال لتصرفاتك .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
