♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt: 131
سالات علاقة القائد والدكتورة وسالات علاقة يااسر ورباب البريئة بسباابهم ...ولكن تفهمهااا وتفهم بلي خاصها توقف مع صاحبتها فهاد الفترة العسييرة تساندها وتكون فجنبهااا حيت اكيد غاتكون محتاااجاهااا معاها .. فالنهاية كاتبقا صديقتها الوحيدة ....رباب كاتفكر بلي بالرغم من ان علاقتها بياااسر يالله بادية إلا ان مشاعرهم جد صادقة لبعضهم وماقادراااش تبعد عليه ولاا تغفل ولو لدقيقة وحدة على عينيه ...احساااس خايب بزاااف رافع قلبها الهشيش وهي كاتفكر بلي ماغاتشوفوش لمدة طويلة كيفاش غاتقدر تعيش هاد المدة كلها بلا بيه؟ ....فما بااالك بإحساااس عبير لي علاقتهاا بعهد كانت متعمقة بزااااف ...وداباا فيهاااا ولد ...كيفاش غاتقدر تكمل حياتها بلا بيه؟! موحال واش تقدر اصلاا ..!
دفشات الباب بشوية وململات عينيها فأركان الدار مابانتش ليهاا ...وقفات الفاليزة جنبها وسدات وراها الدفة قبل ماتزول صندالتها وتنقلات بالحفااا ...قلبات عليها فكاع البيوووت وكي مالقاتهاش بدات تعيط ليهاا بسميتهااا وهي تاتزرب فشميتها بخفة ...هزها الخوف عليهاا وخافتها دير شي حاجة فراسها وترعبااات من هدوئها وعدم تواجدها ولكن كي وقفات فوسط الصالون لمحاتها على الكنابي مكمشة فداتهااا ومعنقة كرشهااا والنعاااس داهاا غارقة فدموووعهااا.
تنفسات الصعداء ومشات جابت ملاية خفيفة ...قربات منها بخطوات متباطئة غطاتها وتحركات جالسة ليها عند راسهااا ...حيدات ليها شعرها الفازكَ بالدمووع من فوق عينيها المنفوووخين الحمريين ...وبقات دوز ليها يديها على راسها وهي متأملاها بشفقة على حالتهااا.
▪أصبحنا وأصبح الملك لله▪.
خرج غاااسل اطراافو ومطرف حالتو شعرو فازك تايقطر على صحتو ... عريااان من الفوق جسمه الفولاذي مطراااسي وعروقو الهايجة خارجة فعنقوو وفدرااعيه بارزة.. ..مستور من التحت ببوكسوور فالكحل عليه علامة نايك التجااارية وفرجليه جار كلاكيطة من نفس لاماغك دالشورط .
وقف قدام المراااية تاينشف شعرو بيد وحدة ويدو الثانية حاطهاا على مكااان اصااابتو فجنبو الأيمن من كرشو كايحاول مايحركش ديك اليد باش مايعقرش راسوو .
نشف وجهو وعنقو ورفد المشطة من قدامو مدوزها على شعرو ...رش شوية من ريحتو على جناب عنقوو ودخل يلبس عليه ...مدة قليلة وخرج بالكاااط السوذوي و بسروال التريي مسلح جنااابو ومالبسش سترتو بقاا عريااان من الفووق ....حط الكاسكيط على راااسو وتكاود مع علي وياااسر لي واقفين مستفين ببذلتهم العسكرية قدااامو وكايتسنااوه يبدع ويشوفو اش ناوي يصنع وهو فهاد الحالة اللتي لا يرثى لهاا .
لبس التعليقة فيديه باش مايحركهاااش ....وخرج سااابقهم وهوماا وراه متتبعين خطاااه .
الجيش بكمالو ناعس على برااة حتى استفااق القائد غير شافوه نازل استقااامو فوقفتهم وجددو تحيتهن ووساااعت ابتسامتهم بفرحتهم ....الناس والجنوود بداو يتهاتفو ب " على سلامتك ملي فقتي اسعادة القائد "
وقف قدامهم وتبسم نصف ابتسااامة على جناب شنيفاته الوردية ونطق بنبرة شبه عالية راد على كلامهم .
عهدد:كنت كانشوف حلم زوين هاد ليااام ماسخيتش نفيق منووو
علي [نقز من وراه]: اش كاان الحلم اسعادة القائد؟!
عهد[تلفت شاف فيه]: ماعقلتش اش حلمت فيه .
قهقهوو الجنود كاااملين من هضاامتو وهو وسع ابتسااامتو مخليهم يردو الراحة لقلوووبهم وفنفس اللحضة جمع ملامحوو وغض على عينيه مضيق شوفتهم وبصرااامة نطق .
عهد: بصفتي قائد المركبة العسكرية وقائد جيش الجنود الفيليرااالية كانقسم ليكم برب الأمة البشرية وبالراااية الوطنية اني غانعلق الخاااين من رجليييه ...ونقطع ليه رااااسووو قدااام خوتوو لي تاقو فيه....واللي ساندو وعاونوو ولو بفكرة بسيطة ...غايتحرم من حقوقو كمواااطن مغريبي ويتطرد من بلادو بصفة نهائية .
"وعد من القائد الشيطاااان"
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksiyon▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
