✦•مـــلاك هـــانســل ✦•
♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:100
رفعات حاجب وحطات الثاني هازا قنوفتها الفوقانية للفوق ..
هو صغر عينيه ونزلهم للحركة لي دارت بشفتها العلوية وهي نطقات
عبير: ورااه نتاا لي تفكيرك ساافل وعقليتك منحااارفة ..أما أنا قصدت غير الدم ... نعطي الدم لكلشي ...هادا كان قصدي .
عهد[متبع تحركات شفايفها]: بقاي تسمي ادكتووورة ... الى نتي بريئة راه حنا الجنود كلنااا تابعين نفس البرااا ...فمنا مبري مناا وتفكيرنا كايلعنااا.
كانت غاترجع تتقافز معاه وكي حسات بيه كايمعني ليهاا باش توزن فالكلام حنات براسهااا وتكلماات بنبرة خافثة وهادية .
عبير: ء واخااا غانبقا نرد البال لهضرتي قبل ماتطلع من فمي ...[شافت فيه] ماغانمشيوش؟!
صوتهاا زوين لدرجة ماتايكرهش يبقاا ينبش فيهاا غير باش تبقاا تهضر وماتسكتش ...تبسم رافع راسو بالإيجاااب وهي حاولات تاناضت من فوقو غااداا للبيت تبدل حوايجهااا ..ميل راسو متبعها العين كي كاتتمشاا مفركة رجليهاا وتبسم بطرف شفاهه حاس بالفخر على إنجازه...سمح فالبااكية دالكارو رفد غير وللاعتو دارها فجيبو ووقف خارج للسيااارة سابقهااا .
دارت فوطتهاا الصحيةة ولبسات ملابسهااا الداخلية ...من الفوق دارت تريكو كوول دالخيط وعليه قبية كحلة مع سروال دجينز ...دارت تقيشراات قصااار مع بوت طالع فالكحل وردات عليها القب مخلية شعرهاا اللي باقي فازك مسندل على كتافهاااا ...وقفات قدام المراااية لوضع مايكاااب خفيف وسهات كاتتأمل راسهاا ..تفكرات كي كانت ماعندهااش حتى ماتلبس داباا وللات كادير عرض أزيااء كاع ...خير عهد بااان عليهاا ..تبسمات بلطافة وهي كادير كلووز وردي لشنيفااتهااا وبماسكاارا خفيفة طلعات شفرانهااا و خرجاات .
خصااايل عهد تغيرو بزاف من بعد لي طراا بيناتهم ...كاتحسسو حنيين ودااافي وعليهاا قلبو رهيف ...نضراتو ليهااا عامرة مشاااعر كاتبين ليهااا بلي حاطهاا فوق عينيه ....خوفو عليهاا ،حنانتو فيهااا حركاتو تصرفاتو معااهااا
.. كلشي فيه مميز عندهاا ..وربماا حتى هو كايحاول يخليها تعرف بللي تاهي مميزة عندو .
عهد غطاا على قساوة شخصيتو وبرودتو وكشف ليها على جانب جديد من شخصيتو مخصص غير ليهااا ماتايشوفو حد من غيرهااا .
ابتسامتو الساحرة لي عمر شي حد ماشافها غير معاها كايبينهااا ... شوفاتو الجداابة ماكايشوفش فغيرهاا بمثلهااا ... حتى الهضرة كايطولهاا غير معاهااا ..كلشي غير ليهاااا ...!
ركبااات جنبوو فالسيااارة دايرة حزام السلامة وهو قللع روايضها منوض العجاج خلفه بلاا مايقلب الشوفة لعندهااا ..لاحضات كيفاش تجاهلهااا وطاح الشك فخاطرهاا مستغربة من غرابة مزاجو اللي كايتقلب بين الثانية وختهااا .
مدة وهو ساكت مركز فالسيااقة على بيست ترابية وسط الغابة وبين الشجرر روايض السياارة على الحجر تاتكركر ...رفع راسو تايشوف فيهاا فالمراااية كي هادية ومسندة على جنبهاا سارحة بنضرهااا فالمنضر الزوين لي قدامهااا .
عهد[تنفس بالجهد]: عند الدين ديمااك الزهر خدااام وحدي هاااد النهااار ...أما قسما برب الكعبة لاخرجتي معاياا مزيرة على طرفك .
عاد عرفااات شللي غيّْر مزااجه ..بلعات ريقهاا ودارت فبلاصتها عنده .
عبير[بنبرة حزينة]: راه ..مارديتش البااال ...وللفت نلبس هاكاا اعهد .
كي سمع نبرتهاا وقف السيااارة جنب الطريق ودار محمر فيهاتا عينيه
عهد[بغضب]: داكشي كااان شحااال هادااا فاش كنتي ديااال راااسك ....دابا نتي ديااال راااجلك وماغاديريش غير لي فبااالك مفهوووم؟؟؟؟
عبير ركزات غير فديك " ديال راجلك" وبابتسامة كيوت رفعات راسها بالإيجاااب .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksiyon▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
