♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:13
خطف فيها الشوفة وغيَّر منحى نضراتو بزربة محرك راسو بلا حول ولا قوة إلا بالله ...نعت ليها بيدو لإحذى الغرف فالدار بلا ماينطق.... هي فهمات بلي قاليها تبدل عليها تما وهو كي خرج تلاقى مع علي رافد يدو ناوي يدق ...دار ليه اشارة بعينيه ودفشو لبرا خابط وراه الباب .
هو غادي قداموو وعلي وراه تايخمم منين يبدا وباش يكمل ... خطواتهم متتالية والسقيل سيد الموقف ....سلكو طريق عبارة عن بيست ترابية حتى وقفو جنب بعضهم حدا بحيرة صغيرة وسط القرية.
حنحن علي ببحة خافثة بعدما زعم يهضر .
علي:سعادة القائد ...كيبقا جرحك.
استدار ببطئ متبت نضرو فعينيه وبهدوء رد عليه "بيخير و ...هادلشي بفضلك"
علي[بارتباك]: ءء اكيد الدكتورة مشكلة عليك ضغط كبير فدارك...غانحاول نلقا حل فأسرع وقت ممكن باش تخرج من المنطقة بزربة
****:حاليا فكر غير فحمايتها ....الى مشات حتى طاحت بين يديهم راك عارف شنو ممكن يوقع ليها.....الى بقات هاد الأيام الثلاث سالمة خروجها ماغايكونش مرحلة صعبة كالأول.
علي:حاضر سعادة القائد ...غانخلي عيني عليها ونحرص على حمايتها...
****[طلع النفس وهبطها بزز] : امم الجو سخون ياك...واش غير انا لي كانحس بالحر؟
علي[باستغراب]:الحر؟؟؟
قرب بخوف منو وهز يدو قايس ليه جبهتو
علي:سعادة القائد واش حرارتك طالعة؟!!
_ نشفات شعرها وخلاتو مسندل ...لبسات عليها جاتها الكيطمة تقتل... .. واخا عريضة بعض الشيء لكنها مناسبة للجو البارد نوعا ما ... خفت رجلها وجابت تسركيلة فالدار متفحصة التفاصيل عن بعد متعمدة عدم اللمس لتفادي أي مشكل مع القائد الشيطان... وقفات قدام مكتبة عالية من الكتب الروائية والوثائق والسجلات والملفات المهنية لي الواضح عليها كافة اعمال القائد....خدات كتاب منهم وتوجهات لنفس الجليسة لي جمعاتها هي وعلي على قهيوة فالصباح ربعات رجيلاتها قدامها ولاحت عليها ملاية
قبل ماتباشر فالقراءة لتمضية الوقت الممل تكلمات هي ونفسها .
." بالرغم من انه غامض ،صارم .. الا ان شخصيتو محبوبة ...وهادلشي باين من الصداقة لي بينووبين المرافق ديالو ...ترى واش علاقتو مع الفريق ديالو كلها هاكاك؟!"
____
علي: حرارتك مرتفعة اسعادة القائد .
****: .كانضن من الجرح ..خاصني نعقم ونبدل الضمادة.
توخر علي اللور بشوية وشد ليه فدراعو بحنية ممشيه معاه.
علي: عطي لراسك الراحة ...عارفك كاتحاول ماتبينش اصابتك ..ولكن حاول على راسك فنفس الوقت..كفاية عليك تحمي المنطقة وناسها لاش كاتزيد بهمك هم خر وعلى قبلنا كاتعرض حياتك للخطر .
****[بهدوء]:منين جاك هاد الكلام العاطفي المليء بالمشاعر الحزينة دابا؟
علي[قهقه بشوية]. هه ..[ثم كمل بجدية]...بالنسبة لينا نتا القبعة المتلقية الضربات وحدة تلو الأخرى لحمايتنا اقل مانقدرو نديروه هو• الإهتمام بك ونتا فحاجة لينا •.
***:الى ماحميتكمش....شكون غايهتم بيا وأنا فحاجة ليكم؟!
كان عبارة عن سؤال فجواب يحمل في طياته الكثير من الوفاء.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
حركة (أكشن)▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
