♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:80
الطريق كلها ماكلمهااش والشوفة لعندها مازاحهاااش ..حتى كي نزل من اللوطو مابرمش ليها عينو تمشا قدامهااا خطاويه السريعة سابقينو ..هي وراه كاتزرب معاه وتحاول تلحق عليه بخطواتها الصغيرة القصيرة حانية راسهااا و مزيرة على صاكهاا بيدهاا وقلبها مقبوض عليهااا بالخلعة .
هو فيدو مزير على الكونطاكت ويدو الثانية دايرهاا فجيبو مثبت نضرو قدااامو وبالأعصاااب غازز على سنانو ...دخل للدار وتسوخر للجنب حتى دخلات هي وردخ الباب حتى تقللع من مكااانه .
هي قفزات موسعة عينيها و معلية راسها فيه ...وهو بخطوات متثاقلة جر لعندهااا .
ميل راسه وكرز على قبضة يديه ناطق بصوت عصبي وفنفس الوقت خااافث .
عهد: واش كاتفرحي فاش كاتشوفيه ولااا شنو؟! .
عبير[بلعات ريقها]:عهد انا .
عهد[بصراااخ قاطعها]: عبيييييييييير .
تهز قلبها بين ضلوعهااا واللعاب جف فحلقهااا ...تجمعو الدموع فعينيهااا ورجعات بخطواتها للخلف ببطئ وكي لقات راسها بعدات عليه هربات داخلة للبيت وسدات عليها الباب خايفة منوو ...قوس حجبانو بين عينيه من الحركة لي دااارت وقرب من الباب ناطق .
عهد: حللي هاد الباب خلينااا نهضرو .
عبير[عينيهاا سراو دموع]: رااني عارفة الهضرة ديالك كي دايرة ...غاتضربني اعهد .
ااخر جملة لي كانت مكلمتين نطقاتهااا بحزن ونبرتها غالبة عليهااا بحة البكااا ...جر نفس كثيرة وساطهاا غالق عينيه وفاتحهم بملل ...حك على راسه بيديه مغلغل صبعانه فشعره ونطق من جديد بصوت خااافث مبحوح .
عهد: ماغانضربكش ...فتحي الباب اعبير .
عضات على شنايفها وبكمامها مسحات دمعاتهااا كاتفكر واش تفتح ليه ولالا ...بلعات ريقهاا وهي تاتنفس شهيق زفير للتركيز والتفكير واذا به كاينطق من جديد.
عهد: رراه نقدر نحل الباب بوحدي....حللي ماحدي كانعطيك فرصة .
كي سمعات كلامو وسعات عينيهااا ودارت كاتشوف وبسرعة البرق كانت طارت فوق السرير مربعة رجليهاا ورفعات عليها الملاية وهي فديك الوضعية مغطية .
فتح الباب بهدوء ودار يده فجيابه واقف تايشوف فيها كاتبان كي برطقيز فيامات العز..بلا مايحس ضحك حتى تسمعات فهقهتو وحنى راسو تايحركو بلا حول ولا قوة الا بالله .
زولات الغطاا عليهاا وميلات راسهااا بعويناتها المدمعين كاتطل عليه من لتحت باش تتأكد من انه كايضحك .
عبير[بنبرة باكية]: مادرت والو انا ...والله تاهو لي تايسوق عور ..وكون ماجرنيش أحمد كنت غانموت ...واش بغيتيه يدخل فيااا؟!
رفع راسو ببطئ مدوز لسانه على شفايفه دائريا وتنقل فاتجاه الباب تباطئيا ..سدو ورجع لعندهااا
..تحنى لمستواااهااا وقرب وجهو من وجههااا حاط عينيه فعينيهاا.
عهد[بصوت حنين]: ونتي بغيتيه يدخل فيك؟! .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksi▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
