♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:36
رغد قفزات فمكانهاا صارخااا بسميتو و تعرضات ليه معنقاااه أو بالأحرى خانقاه .
رد السلاح وراااه حتى بعدات عليه ورجع فجنبو بين السمطة ولحمو حشااه ...ميل راسو لايح بشوفتو الغامضة عند عبير ورجع رصصا تعابيرو الهامدة ف ختو .
عهد: علاش جيتي؟!
رغد[بدون خجل]: جيت نشوف شكون البنت لي شريتيليها اولويز .
حبس الضحكة بين شفايفو بالمهل وعبير حنات راسها للأرض مهزوزة بالخجل .
رغد شافت فيه وفيهااا وضحكات محاولة تنسيها .
"فين علي؟!"
تقدم مقتعد أحد الكرااسي وسط الدااار ورجع تايقاااد فسلاحه مجاااوب رغد بهدوء .
عهد[ببرودة]: مطلوب عند الكولونيل .
رغد[رفعت راسها بالإيجاب]: لقيتيني ...كانهضر انا وعبير على ليلى .
عهد رفع راسو فيها وحول نضرته فعبير لي باقا حانية راسهااا فاسحة مجاال المحادثة بين الأخوين ...هي كاتبقى طرف ثالث بعيد عليهم ولا قرابة بينها وبينهم .
رغد:تعرف شنو قالت مسكينة؟!..".داكشي قسمة ونصيب ...غايتزوج بيهااا وتكون ليه ويكون ليها الى كان مكتاااب ليهاا ...وغاتنسااه وتشوف غيرو الى كان خيرها ولا خيرو فغيرها ." غير مزال ماعرفاتهاش ...اما ماكانتش غاتقول هاكا .
المهم ...انا غانمشي ...[لحنات ااخر جملة] باش نشوووف علي.
حمر فيها عينيه وجمعات راسهاااا لعبير لايحة كلامها .
" شحال من صديقة عندك اعبير؟!"
عبير[علات فيها راسها بابتسامة]:وحدة .
رغد:شابهة لخويااا ماعزيزاش عليا الحاجة المشرووكة...ولكن بما انها جات قبل مني مقبوولة ... ديريني الثانية.
لربمااا رغد حسبات الجملة لي قالتهااا عادية ...لكن بالنسبة لعبير كانت جملة تمنات تسمعهااا من النهار لي دخلات فيه لهاد الدااار ...تمنات يكون شي حد قريب ليهااا تحكي ليه مابيها وهو يسمع ليهاا ...تمنات صديقة توانسها فوحدتهااا وتحط كتفها عليها .
وقفات دموعها على طراف جفونها و هزات راسها بالإيجاب لرغد قبل ماتخرج وتسد وراها الباب .
عهد[ميل راسو ]: شنو قلتو خر على ليلى؟!
وقفات تجمع الطبلة مجاوباه بهدوء .
عبير: غير هادلشي ....!
هزات الطبسيل بين يديها ووقفات حاطة فعهد عينيها .
عبير[كاتهضر بغضب]: الى ماكنتوش مكتابين لبعضياتكم ...غاتلقا لي يبغيهااا وفيك ينسيها .
سند ضهره على كرسيه وهي كملات كلامهاا كأنها كاتواسيه على البنت لي ماكايبغيهاش ولاسقة فيه وفنفس الوقت كاتحشي الهضرة ليه .
عبير: فقلب المرأة يعافيه النسيااان .أما الرجل ماكاينساااش .
عهد[ضحك بطرف شفاهه]: الى كان قلب المرأة يعافيه النسيااان ...قلب الرجل يعافيه النسواان .
هو عض على اسفل شفااهه قاريها بعينيه وهي عضات على سنانها بعصبية من استفزازاته القهرية ونطقاات بنبرة عالية .
عبير : علاش حاسة بيك حتى نتى كاتبغيها؟!
عهد[بهدوء]: وانا مالي فإحساسك؟! .
#توقعاتكم_لتحفيزي.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Hành động▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
