♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:19
مافهمش شنو طرااا؟! ملي دار لقاها جاية على راسهااا ورجليها مقلوبين فوقهاااا المشكلة ماشي هنا المشكلة هي انها كاتضحك وراشقة ليها .
بهدوء هز القارورة الصغيرة من جنبوو مقابلها مع عينيه ...كي عرفها بللي مخدر. للكاس حول الشوفة ورجع شاف فصبعها لي باقي سااارد .
شاف فعدة اتجاهات تايململ عينيه ووجهو تزنك عليه وهو حابس الضحكة ....مد ليها يديه وهي شدات فيه تاتعكل فالوقفة .
عبير[كشرات ملامحها]: علاش كاضحك اسعادة القائد؟!
عهد:واش كنتي ناوية تقتليني؟! نتي غير لحستي صبعك ودختي وانا لي كنت غاناخد جوج حبااات؟!
على الكنابي جلسها وهو جلس القرفساء قدامها ...عبير رفعات سبابتها لفوق كاتحركها يمين شمال ودلات شفايفهااا فيه بخيبة امل
"ماشي حشومة عليك ؟!....انا غير بغيتك تعطي لراسك الراحة وتنساا عليك المعااارك على الساحة"
على شفايفها الممتلئة ،الوردية ،المغرية رصااات نضرة عينو وببطئ سركل الشوفة على ملامحهااا البنية حجبان كثيرة مطراسية ،شفران كثيفة ملتوية، خلفة خفيفة على آخر جبهتهااا مستيلية ..شعرها البني الطويل مسندل على جناب عنقهاااا النفيق ماغليض مارشيق مزيناه سليسلة دالنقرة خفيفة ضريفة ...السروال طلع على ساقها وبان عامر وبيض رطيطب يشهيك فالشوفة.
بزربة خطف نضرتو للإتجاه المعاكس عليها مغيرها ونطق بنبرة حادة مخاطبها .
عهد:واقلة نتي لي خصك ترتاحي .
وقف فمكاانو وهز داك الكاس ماديه للكوزينة يخويه تبعاتو الشوفة تادخل وتبعاتو تاخطواتهاااا لاحقة عليه .
كي جا يدور لقاها مسندة ضهرها على جنب الباب وراااه ...نترااات راسها رادة شعرها للجنب وهزات سبابتهااا ردات قصتها وراااا ودنهاااا ونطقات وهي كاتشوف غير الضبابة قدامها .
" هي مستر ...واش عارف كيفاش كايطلبو مني الناس شي حاجة فالمستشفى؟!"
حرك راسو يمين شمال شافق على حالتها وهي كملات كلماتها .
عبير: تايقولو [رققات صوتها] عافاك ادكتورة عتقيني عافاك ادكتورة عاونيني ...عافاك ..فهمتي؟! عااافاك .ماشي [غلضات صوتها ونفخات صدرها كاتقلدو] ديررري خددددمتك ادكتووووررة .واش كايصحابليك انا خدامة عندك؟! هاااا ؟!
فاتجاهها خطاا زوج خطوات متبث نضرات عيونو الغامضة فعيونها النايمة وبلا مايفكر تحنى بين يديه هازهاااا .هي كاتفركل برجليها وهو مزير عليها دخلها لبيتوو و لاحها فوق السرير ... حط يديه على نصو ووقف فمكانو كايشوف فيها .
ديقات نضراتها كاتتسائل شكايحاول يصنع وسرعان مافبالها جات فكرة كاتخلع ونقزات جاارة عليها الغطااا بفزع .
عبير[كاتحدرو بسبابتها]:عندااااك تفكر تستاغلني اعهد .
ضحك بطرف شفاهو على نبرتها الطفولية وجرأتها باش تعيط ليه بسميتو محرك راسو بلا حول ولا قوة إلا بالله قبل قوله .
عهد: ماترفعيش الكُلفة[صيغة الصداقة] ونتي كاتهضري معايا ...!
عبير[بتحدي]: علاش خاصني نحتارمك تانا ومانعيطش ليك بسميتك؟! كاتعجبني سميت عهد
علات صوتها تاتنادي بسميتو وهو عض على شنايفو محني فوق منها وساد ليها فمها .
عبير: ....ععععاهههههههد عههههههد. امممم .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Acción▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
