♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:56
"لسانو سهم يصيب بالكلمات.. خطراات تجررح وتداوي خطرااات"
"إلى عندك شي حل ثاني قوليه ماتبقايش ساكتة ادكتورة" .
جف لعابهااا فحلقهااا بصعوبة كي وللات تبلع ريقها وهي باقا موسعة فيه عينيها بصدمة ولسانهاا عاجز يجمع شمل حروف الكلمة .
عبير:ءء ..ولكن .
قاطعهاا تايهز راسو بالإيجاب متكلم بجدية .
عهد: اه عندك الحق ...خطوة كبيرة ولكن راه ماكاينش حل آخر من غير الزوااج....حالياا لفثتي الإنتبااه ووليتي مصدر اهتمام كاع النااس ....السلطات العلياا سمعات بيك وولات مهتمة بيك يعني ماكاينش كيفاش تخرجي فالوقت الرااهن لأن كل الأعين عليك ادكتورة .
بالتأكيد قرا البلان ودرسو بالبياات عاد التاجئ لهاد القرار لأن القائد بطبعه معروف مايتكلم حتى يوزن كلامو ومايقرر حتى يفكر .
حنات بنضرها قدامهاا مدورة كلامو فراسهااا وكي لقات عندو الحق بكل حرف نطق بيه هزات عينها فيه .
عبير: عندك الحق الخطوة كبيرة بزاااف ...الزواج ماشي لعب وماشي هضرة ساهلة من الفم تركب ...ولكن ماعندناش حل آخر ...كيما قلتي خروجي فهاد الوقت غايثير شكوكهم خصوصا ملي غيطول غياابي اكيدو غانطيحك فالمشاكل...فكنضن الزوااج ومن بعد مدة الطلاق غايكون افضل حل ...كي يسمعو طلقنا ماغايكونوش شكوك وتساؤلات على الأقل .
تبسم ابتسامة شبه باهثة على كبر عقلهاا وعمق فهمهااا ورفع يده مدوزهاا بلطف على راسها .
"تماما" .
هاد الحركة البسيطة حسساتهاا وكأنها "بنية صغيرة " بادلاتو الإبتساامة وهزات راسها بالإيجاب مكملة كلامها .
عبير: ولكن شنو غانديرو فالإجراااءات؟! وشنو الى تكشفناا قبل مانكملوهم؟!
عهد[زول يده من فوق شعرها]: خلي هادلشي عليااا ....[وقف خارج من البيت] غدا غاتجيك استمارة الحملة الطبية ...عمريها بمعلوماتك الشخصية .
رجعات كاتفكر فكلامو مرة خرااا وهو دخل للبيت من جديد فيدو حاسوبه ....التفتت بنضرها فاتجااهه كي شافتو هاز البيسي فيده قرنات حواجلها بتساؤل حيت لأول مرة كاتشوفو فالدار.
عبير: واش مسموح باستعماله؟! على حد علمي الهااتف وبزز حيت كايكون مراااقب ولالا؟!
عهد[رجع جلس جنبهااا]: دكية .
عبير: يعني مامسموحش بيه وغاتستعملو؟! اووه راني قلتليك جندي متمرد .
عهد[خدام كايبقشش]:خلينا بعدااا نختارقو سيرتك التعريفية و نبدلو ليك ديك الحالة الإجتمااعية ....ومن بعد حاسبيني على اخترااق القوانين والقواعد.
عبير[شهقات]:اخترااااق؟! واش عندك مع الإختراااق؟!
عهد[هز فيها الشوفة بشوية]: راني قلتليك جندي من النخبة فالفيليراال .
ضيقات شوفاتهااا وعضات على اسفل شفاهها وتحنات كاتحبو فاتجااهه هو خدام تايزرب فالكلافي تايبان ليها منوض الحرب فالشاشة وهي بصدمة كاتبع صبعانو على لوحة المفاتيح حتى ضروها عينيها .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Боевик▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
