♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:51
حط رجل على رجل وبهدوء عليها عينو سركل .
عهد: غاتوافقي؟!
عبير[بحيرة]: ماعرفتش ...كانضن خاصني نوافق هوما راه محتاجين ليا ...خايفة نرفض ونندم وخايفة نوافق ونتقدم وفاللخر تخرج ليا شي كارثة تخليني نتصدم .
عهد: هو ماتايهمووهش المرضى ...تاتهمو السلطات العليا ...الى قدم دكتورة من المنطقة ديالو ...بكفائتك وجدارتك ودكاائك ...غايترقى بفضلك .
زول رجله من فوق الرجل الثانية وشابك يديه حاط مرافقهم على ركاابيه ومحني شوية بجسمه .
" عبير ...الى وافقتي على طلب الكولونيل العواقب غاتكون وخيمة ..ماغانتدخلش فيك وبقراري نحكم عليك ...لي غانقوليك هو هادا ماكانش قرار الكولونيل بوحدو ...هادي خدعة من الرائد عمر وطرف ثاني فالغاالب غاتكون ليلى "
هو وقف خارج وعبير وقفات قارنة حجبانها بتسااؤل .
" علاش الرائد وليلى ...ياك هي كانت خطيبتك يعني غاتكون ضده ولالا؟ علاش غاتوقف فصفه باش يطيحو بيك وفخ ينصبو ليك؟!"
عهد[استدار عندها]: تقدري تقولي... فاش تايكون عند جوج دالناس نفس الهدف واخا يكونو .اعدااء كايوليو اصدقاااء...ليلى هدفها تبعدك من طريقها وعمر هدفو يبعدني من طريقو .
عبير: واخا وشنو دخل الحملة الطبية فهاد العداوة؟!
عهد[ضيق نضره]: عبير حنا راه مامزوجينش ...واش غاتعطيهم وثيقة موثقة بحالة اجتماعية عازبة؟!
كالما نفسه ماباغيش يغوت عليها وخرج فأفكارها مخليها ...بقات تديها فكرة وفكرة تردهااا وتفكرات تسد الباب عليها وكي جات تسدو حبساتها ليلى بيديها ودفعاتو عليها ناوية على خزيت طاي طاي .
عبير[طلعاتها ونزلاتها بنضرة استحقارية]:شنو جابك تاني؟!
ليلى[بتمركين]: شفت عهد خرج وقلت نزورك ونستفسر على حوالك .
عبير: اهاه يسول فيك الخير ...ملي زرتيني وعلى حالي استفسرتي تقدري تمشي .
جات تسد الباب ورجعات شداتو ليلى قايلة .
" قولي طلعتي دكتورة."
عبير تأكدات من صحة قول عهد لذا ابتاسمات بخبث وعليها الباب رجعات حلات .
عبير:امم ..تماما .
ليلى: كنت عارفاها ..كنت عارفا هادلشي غير مخطط ليه باش يستر على شي امر ... ولكن ماتوقعيش منو بزااف ...هو راه ماكايحميكش نتي ...هو كايحمي راسو وخايف على خدمتو ماشي عليك ..والقائد معرووف بتقلب مزاجو وشخصيتو الكارهة ماكايهتم لحد دري كان ولا بنت ..ماغاتجيش نتي وتبدليه وبالخوف عليك تحسسيه ..ديريها فبالك ادكتورة ...القائد #معقققد بالخصوص مع البناات مستحيل يحن عليك ولا يحس بشي حاجة من جيهتك "
عبير[ببرودة]: هو ماشي معقد ...غير ماعندوش معاك.
ليلى:وخا تولي ولا تكوني فالأصل مراتو .......راه غير باش يرقع الوضع وفاللخر غايلوح بيك.. ... عهد عمرو يبغيك .
عبير: ايوا بيني وبين راجلي ..نتي اش مشاااليك؟!
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Hành động▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
