♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:43
ابتاسمات ليه فوجهووو والدموع فعينيها محجرين ... فلتات يدها من يدوو ودارت كاتجري ر راجعة لعندو ....دخلات كاتحاول تبعدهم باش تدخل من وسطهم ...كي دخلات نزلات على ركبتهااا قايسة نبض عمر من عقنو ودارت شافت فالناس قايلة .
"بعدو شوية عليه ...انا غانشوفو " .
كثر سؤاال "واش نتي دكتورة " كلشي كاينطق بيه
عبير: اه انا دكتورة ...الله يخليكم بعدو شوية عليه ..عطيوه مجااال فين يتنفس
.قلبات ليه حنكو لقاتو حمرر متورم ومعصم يدو كذالك ..كايلهث بنفس قليلة مرتجفة وعينه مغلوقة ..
عبير: هو فحالة مابين فقدان الوعي و الوعي ...عندو اوراام عصبية على وجهو ومعصم يديه ...هادلشي كايعني انه عندي ورم ليفي عصبي .
تسلل رجل كبير فالسن من وسط الحشد بخطوات ثقيلة نضراا لسنه رامقهاا بأم عينيه الزرقة المالياااها تجااعيد .... ملامحو شهبة يكتسيها الشيب ..عندو عكاز فيده ومرجعهاا ورا ضهره ...الناس فسحو ليه الطريق ورجعو اللور مبعدة عليهم عبير هزات راسهااا بان ليها كلشي حاني راسو طاعة لداك الراجل وبعض الجنود من بعيد ضاربين تحية ..ماتسوقااتش ليهم وهزات بعينهااا لطبلة على برااا فالقهوة كانو حاجزينها بعض الجنود و عليها قراعي البيرااا .
.وقفات كاتتعتر ومشات كاتجري هزات ديك القرعة ...تفتفات بنضرها فجنابها بان ليهاا صالون حلاقة قريب ليها اسرعت داخلة ليه وبلا ماتشاورو هزات ليه مقص وموس دالحسااانة ... خرجات تاني تاتفتف بعينيها وهي كاترعد خايفة تخصرو الى ماسرعاتش يقدر يخرج روحو .
بانتليها طبلة كايتباع فيها عصير الليمون هززات واحد لاباي وكاااس ورجعات كاتجري طايحة على ركابيها حدااا عمر ...شللات دوك الأدوات كلها بالكحووول لي جابت وعراات على كرش عمر...قلباتو شوية على جنبو وفتحات ليه فتحة صغيرة فجنبو وبااان دموو كحلللل رهج ... خشات فيها ديك لاباي ودارت قدامها الكااااس ...وبدااات كاتدوز الدم للكااااس حتى خوااات البلاصة .
خرجات لاباي من تمااا كي الدم حبس وبنادم تفاجئ من أن ديك الفتحة ولات خاوية تماما ومافيهاااش الدم كأنها غير زايدة فالجسد ديالو ....شافت فجنابهاا كأنها كاتقلب على شي حاجة وعهد وقف عليهااا ماد ليها علبة الإسعافات لي عطاتها ليه إحذى السيدات من دارها ....بزربة قبطاتها منو جبدات الشاش وابرة والضماداات مع الفاصمة والمعقم ....دغيا دغياا خيطات ليه الجرح وبنادم ماقادش يشوف فيها وهي كادير فخدمتهااا ...كي كاتخشي البرااا بنادم تايشهق مبووورش .
غطات ليه الجرح بزربة ياش مايضربوش البرد وطاحت حداه كاتترعد .... على خدودهااا شقات دمعاتها طريقها حاسهاا بداتها كلها كاتقفقف عليهاا .
تدخل علي وياااسر تايشوفو فعهد ورجعو شافو فعبير لي سااهية فنقطة وحدة قدامهاااا .
علي: واش ...ننقلوه؟!
عبير[مصدومة]: اه ...من المحتمل يكون شرياانو كاينزف ....عالجوه بالأدوية ....خاصو يمشي للمستشفى باش يدير اشعة مقطعية ...!
علي هز راسو بواخة وتحنى هو وعهد هازين عمر بين يديهم وهي وقفااات ....شافت الناس كلها دايرة عليها وكاتشوف فيها وتلفات ....تقدم الرجل المسن لي دخل بهيبتو ونطق بصوت ثقيل مبحوح مسولها .
"علاش ماخليتيهمش ينقلوه من اللول ..علاش سعفتيه هناا بالضبط؟!"
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
