ا♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:70
بلع ريقه من القمعة لي عطاه وكرز على قبضة يده قايل .
عمر: كنت كانتساهل معاك على وجه الدكتورة عبير حيت دارت فيا خير ...ودابا سالات وقتك اسعادة القائد .
عهد: فالأساس الوقت عمرو ماكان وقتك باش تعرف ايمتا بدا وايمتا سالا ...حطني من عينك راك هاز همي كثر من همك.
ضحك ياسر على القصفات المتتالية لي عطاه عهد وخطاوه بخطواتهم راكبين سيارتهم وتحركووو مقلعين عليه غبار الأرض .
تبعهم العين حتى من قدام بؤبؤه غبروو وتبسم ابتسامة جانبية استهزائية خبييثة وجبد من جيبو سلسلة بحجاارها البيضااا تلمع وكأنها من الماااس الحر ...تأملها بنضرات ماكرة ونطق مكلم راسه .
عمر: هاحنااا غانشوفو الوقت فيدمن اسعادة القائد .
طلع فالدروووج لدارو ودق فالباب ...كانت عبير قريبة منو بحكم جايا من الكوزينة...البنات ماسمعوهش كانو مجمعااات وقهقهاتهم متعالية ..فتحات الباب واذا بها فعمر ضربات ... ميلات راسها وقرنات حواجبها بتساؤل قبل ماتقول .
عبير: سعادة الرائد عمر...شنو جابك؟!
عمر[جر نفس قليلة وساطها مبتاسم]:جيت نبارك ليك ...شفت الأخبار على الأنترنت ...وجبت ليك معايا هدية متواضعة كانتمنى تقبليها مني .
خرجات لعندو ونزلات عينهااا ليدو لمعات ليها السليسلة فعينيهاا ..تبسماات وهي كاتشوف فيها وتاهو تبسم حيت نالت اعجابها ...رفعات فيه راسها وعويناتها كايبريو قايلة .
عبير: فعلا شكرااا بزاف حيت تفكرتيني ...ولكن هادا ماشي دوقي فالإكسسوارات ...كانعتادر حيت غانردهااا ليك فوجهك .
رفع حاجبه وعينه محطوطة فعينها بصدمة وشاف فالسلسلة فيده ...زير عليهااا ورجع رفع فيها راسه قايل .
عمر: هاااه .كنت كانضن ...غاتاخديها مني حيت اكيد سعادة القائد كاع ماتفكرك ...ولكن كنت غالط .
عبير[استهزآت من قوله بابتسامة جانبية]: بيني وبينو ...يتفكرني ولا ينساني هادلشي كايخصني انا وراجلي ...!
حاس براسو يتلقى الضربات المتتالية هاد النهار بعدد القصفات...حنى راسو وضحك بطرف شفاهه مبرد على قلبه
" واخا تكون بيناتكم ورقة دالزواااج ...القائد قلبووو حجرة ماتتححركش عليك واخاا تشوفك تبكي الدم ادكتووورة"
تبسمات بجنب استهزاءااا على قوله وبخطى بطيئة قربات منه ...كي قابلات نضراتهاااا الكارهة لنضرااتو الساامة عللات حاجب ونزلات الثاني وهي مربعة يديهااا جاوباتو .
عبير:كلشي كايشفيه الوقت اا سعادة الرائد ...انا وياه مازرباانينش على مشااعرنااا .
عينو تفصحت أدق تفاصيل جماالهااا المميزة ...شفايفهاا الصغااار المطرااسين نيفها المنقااد المجبد ...عويناتهااا السيولية العسلية وشفيراتها الطوال مع حجباانهاا الكثااار ...خلفتها القليلة على جبهتها مزيناهااا وشعرهااا المجموع على شكل سفنجة مخربقة مسندلين منها بعض الخصلااات البنية كنيووول النيوووتيلااا بلونو
ابتاسم كي جمالها نساه فكلامهاا وقبل ماينطق عينو نزلات لعنقهااا وبانت لو طبعة عليهااا زرقة وصغيرة باينة عضة من بوسة .
عمر[كرز على قبضة يده]: بان ليااا كنت غاالط مرة خرااا
لمحاات فين كاتشوف عينوو ولاقات حواجبها بين عينيهااا باستغرااب من غرابة عقليته .
بلع ريقه مخنزززر ..لاح بالسلسلة تمااا وقلب طريقه بلا مايكلمهااا ...ميلات راسها وحركاتو يمين شمااال بتساؤل وكي تفكرات فين كانت تشوف عينه جبدات طيليفونهاا وتقابلات مع الشمس كاتشوف فيه عنقهااا واذا بها كاتلمح عضة فعنقهاااا مارداتش ليها البال حيت كانت لابسة تريكوه بالكووول وسسسعااات عينيهااا وتزاحمت دقات قلبها بسرعتهااا قبل مابترعيدة كلمات نفسها .
"باسني ...ونكرني؟!"
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Acción▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
