✦•مـــلاك هـــانســل ✦•
♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:103
أربع خطوات عريضة بالحساااب وكااان واقف ورااا عهد مصوب أسلحتو قدامو وتايدور بيهم فجنااابو ....رجااال العدو المسمى"ساايفر" موجهين عليهم أسلحتهم ومشكلين ذائرة جااا القائد والنقيب والعدو وحتى عبير وإحذى الرجااال الوسط .
ياسر حول عينو لعهد كي معلي حاجب ومنزل الثاني ببرود .. مربع يديه ومكروازي رجليه مسند على اللوطوو بهدووء كاع مامسوق ورجع رفع عينو عند عبير لي بين قبضة واحد من دوك الوحوووش حاط ليها السلاااح فدماااغها وبصوت عالي كاينطق .
"يااا تمشي معااانااا نتااا ....يانديو هاد الزوينة معااانا"
شهقاااتهااا متعااالية وتنخصيصهاا مالي المكااان ...دمعاتهاا على خدودهاا مسرسبة وقلبهاا من الخوف قرب يطيح قدامهااا.
ياااسر شاف فعهد من جديد مخررج عينيه ومزير على الأسلحة بين يدييييه .
ياااسر: لااا اااعععهههههد ماشي هكاااا ....!
عهد حرك راسو يمين شمال بالرفض محرك عينو عند عبير بهدوء ...رمقاتو بنضرة خائبة الأمل فيه عضاات على شنايفهااا ودموعهااا زادو تسرسبو مخذولة منو .. حنات عليه عينهااا ماحاملاااش تشوف فيه.
رجف قلبو بين ضلوعو من نضرتهااا المنكسرة ليه حس بيها خرجاتو من ذائرة الرجولة فعينيهااا ... منضرها المثير للشفقة ووجهها عايم بدمووع الخوف والخيانة والخذل وخيبة الأمل فأكثر شخص كاتيق فيه وكاتشوف الآمااان فيه ...شعرها لاسق بالدموع على حنيكااتهاا المنزكييين بالدموع والرعب فنفس الوقت ...كايشوفها كاتترعد بكمالها مابقاتش قادراا تشد فراااسهااا ...شاف شوفتها لياااسر المترجية وكأنها تتسول ليه باش يعتقها من بين يدين هاد الوحش تزعزع عرش شموخوو ومابقاااش قادر يكمل فهاد التمثيييلة ...الى زاد غير شوية غايضعف بسبابهااا ويفشل قدام سااايفر .
دور عينيه بتثاااقل عليهم واحد واحد ورجع ركزها فعهد ...برودتو وهدوووئو ماشي طبييعييين ومن هادلشي لي عرف عليه فكاع هاد السنين ...برودتو خطر ...وسكوتو كغدر القدر ...وأكيد هاد الروااء هو الهدوء ماقبل العاصفة .
سااايفر: غير قولياا لاياااش كاتخطط؟!
ثبت عليه نضرته الحاقدة وبهدوء تايجبد سلاحو من جنبو ...دار فيه رصاصة وحدة وغلق السلاااح وهو كايهضر .
عهد: كانفكر ...واش نبدا برجالك ...ولا بيك ...وكانفكر نحقق ليك آخر أمنية فحياتك ... هادلشي علاش غانسولك باش تبغيني نبدا؟!
سايفر[قهقه باستهزاء]: الى كان كايصحابليك غاتهددني برجااالي [غمزو] راك غالط ...حيت اناا اليوم ..ماجبتش رجاالي المهمييين ...عندهم خدمة خرا... هادلشي علاش رافقوني رجالي الجداااد ...[دار اشارة والو بيدو] ماشي مهميييين .
عهد[ميل راسه مركز فيه الشوفة]:خدمتكم سااالات .
اللي كان شاد فعبير طلق منها والباقي تجمعو وراااه وبتشكيلة عسكرية وقداام عهد وياااسر ضربو تحية ورجعو مستفييين وراااهم وفوجه سااايفر رافعييين سلاحهم .
سايفر وسع عينيه وبلع ريقو مصدوم من لي كايجراا قدامووو شاف رجالو تقلبو عليه وبقا غير وحدو وسط الدائرة رجعو هوما لي دايرين بيه
عهد تبسم ليه بطرف شفاهه وهو مازال مميل راسه ومثبت فيه نضرااته وتايقاد فسلاحه .
عهد: لا غلطتي ...هادو ماشي رجال جداد وماشي مهميين...هاددو جنودي متنكرييين .
رجع بجوج خطوات اللور تايقرب لسييااااارتو ناوي يهرب وعهد زرب عليه طالق ليه رصاصة حدا رجلو قفز مغوت تايترعد فبلاصتو قريب يبول فسروالو وعبير صرخات و حطات يديها على ودنيهااا سادة عينيهاااا كاترجف بخوووف .
عهد: الى كان كايصحااابلك ...نصبتي لياا هاد الفخ بعقلك الذكي ...راك غالط ...كلشي كان تخطيطي .....سولتك واش نبدا بيك ولا برجالك ...تعطلتي ماقلتيش ليا شناهيااا أمنيتك... يعني دابا رجالك لي قلتي مهمين ...غايكونو ميتين .
شاف يمين شماال تايقلب على طريق تخرجو من هاد الورطة والحفرة لي حفرها بيديه ولقا راسو فيهاا ...ماعندوش حل ثاني من غير انه يبدا يتمسكن تايتمكن ولا يتلبد حتى يتجبد .
سااايفر[تايقفقف]: شش شوووف ...سعادة القائد الشيطااان انا عارفك ماكاديرش هادلشي غير بسباب خدمتك ومسؤووليتك وعارفك دزتي من بزاف بسابي باش تغادر الفيليرااال وتجي لهنااا ... عارف بلي حاقد وحالف ترد دقتك
.. ولكن ...ولكن راه
..حنااا راااه نقدرووو نتوصلو لحل يحل كاع هاد الصراعات والنزاااعاااات .
من كلامو عيونووو تجمرات وجنابها تحمراااات ....رمقو بنضرة حاقدة استوطنتها شرارة الإنتقااام كتمهااا لسنين وعوااام .
عهد[عرووقو برزااات]: حللك هااداا ...غايرجع ليااا الواليدة ولا صاحب المرشااال ومراااتو المتوفييين ؟؟؟؟!!!!!!
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksi▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
