♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:46
بكسيوة بالكماام صوفية غوزية منصصة الفخااض ..ساتية صدرهاا ومزيرة على خصرهاا ومؤخرتهاا ...مع بووت فالأسود يلمع ورججع اللون على فخيضاتهااا العامرين البوويض من الزغب خاليين .
على يدهاا طاوية مونطوو فالكحل وشعرهاا خلاتو على راحتو مسندل .
اكتفات بمايكااب خفيف برز تفاصيلهاا وملامحهااا ...العكر حمر باهت ماباينش والماسكاارا معلية الشفران وماضاهرااش ...كي خرجات قدامهم رغد وسعات فمهاا بوااو ووقفات كادور عليها مامتيقاااش ...عهد عللا فيها العين بهدووء مسكانيها من الأسفل للأعلى ورجع حدر بعينيه للتيلي فيده .
رغد:ووواااو ...فين كنتي مخبية هاد الجمال؟!
تبسمات عبير حانية راسها بحشمة وعهد جاوب من ورااا ختو .
"نمشيو؟!"
تبعاتو العين كي وقف ..هز سوارت الطوموبيل وخرج بالخف مخليهااا مغيرة من تصرفاته ...يمكن بغاتو يجاملها أو على الأقل غير يهز راسو فيهاا .
مدة قليلة وكانت فدار المرشاال ...مفرشة فراش بلدي ومزينة بالتقليدي من الباب تعجب العين تعشق فيها غير جليسة ونعيسة يولي قلبك وخاطرك للهم ناسسين ..ديكورهاا كلو عبارة عن أسلحة و بنادق والأشياء لي عندها علاقة بالمعسكر.
طبعا هادلشي مالفتش نضر عبير والسي سعد انتابه ليها ...فدارو رحب بيهااا ودغيا دارو بالطبلة العشا مستنيين .
سعد: مرحباا بيك اابنتي عبير ...حسبي راسك فدارك .
هزات راسها بالإيجاب مملمة عينهاا على ياسر لي متبت وعلى كرسيه ضهره مسند..رجعات لرغد لي مربعة يديها على الطبلة وكاتشوف فيها بإعجااب ..وشافت فعهد لي عاض على اشفل شفاهه وفطيليفونو حاط نضراته .
عبير: ترحب بيك الجنة ااعمي ...!
تبسم لحسن تربيتهاا ونقاهة كلماتهااا ورزانتها فالرد ورجع نطق من جديد .
سعد: شنو كايجيك السي فارس آل'صهاريس؟!
كانت حانية راسهاا وسطهم حاسة بالغرااابة وكي سمعات كلامو رفعات فيه عينها متعجبة .
عبير: و واش كاتعرفو؟!
ميل راسو متبث فيها نضراتو الغامضة وهي كي ماتلقاتش جواب على سؤالهاا رجعات جاوبات .
عبير:بابا ..بابا الله يرحمو .
سعد: قلبت عليك شوية ..عندك خلفية نقية ...سمعت بلي نتي اول وحدة كاتجري عملية للقلب وهي مزال متدربة ...وسمعت بين باقي الدكااترة عندك عليهم الهيبة ..وتطلبتي لعدة مستشفيات ولكن رفضتي العروض ...الأب ديالك كان صديقي الله يرحمو ويوسع عليه .
عبير حطات عينها فعينيه" بابا ..تاهو كان جندي ولكن ..فين تعرفتي عليه؟!"
سعد: قصة طويلة ..نهضرو عليها من بعد ..[بدل الموضوع] بالنسبة للرائد عمر ...ماتخافيش عليه راني سولت عليه ..وقالو بلي وللا مزيان وفأحسن حال بفضلك .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Боевик▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
