♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:87
بقوة ما ولات تفهمو ولات تخاف منو ..عارفا شخصيتو استفزازية استهزائية كلشي كايقلبو لصفو ...عضات على اسفل شفاهها وعلى صدرو حنات راااسهاا .
تبسم بطرف شفاهه عارف راسو حشمها فحوايجهااا ونزل يديه لخصرها حاطهم عليه بشوييية مزعزعهاا ...لسقهااا معااه كثر وخشاا راسو فعنقهاا تايستنشق ريحتها المميزة .
هي كاتجمع كتفها عند عنقها كي كايهورتهااا وبين الحين والآخر تغلق عويناتها وتفتحهم ببطئ مرتاحة للمسات لحيته الحرشة لجلدة لحمها الناعمة ...!
عبير[بلعات ريقها]: ع عععهد .
ساد عينيه تايطلع وينزل متلمس لحنكها وعنقها بحنكه وبحروشية لحيته الخفيفة كايبورشهااا ...شفايفه تايتلامسو مع لحمهاا وسخونة انفاسو كاتحرق جلدتهااا
عهد[غارق]:اممم .
توكضات بيديها لي محطوطين على كتافه مبعدة عليه شوية كاتشوف فيه ... فتح عيونه وتفحص تعابيرها بنضرة مضيقة وعويناتو شبه مهرسسة ...استرقت السمع لدقات قلبها المتعالية فحركات عهد منصهرة لآخر درجاتهااا ...بلعات ريقها بصعوبة وأحاسيسهاا مقلوبة رأسا على عقب مابقاتش قادرة تتحكم فيها...وللا عهد هو لي مسيطر عليهاا .
وقت ما بغاا يحييها ووقت ما بغاا يقتلهاا ..مرة يرفرفهااا ومرة يجرحهااا..!
نوات تهضر فالموضوع ولكن عارفاه غايحاول يغيرو بطريقتو ..فهمات بلي مابغاش يهضر فيه لذا من الأفضل تسكت وماتبقاش تجبدو ليه ..ربما لي فيه يكفيه ماخصوش بمشاعرهاا هي التالية ...ماناقصوش صدااعها على عزتهااا وكبرياء انوثتهااا
" وشنو غانقوليه؟! وكيفاش غانقولهاليه اصلا .؟!
سمحليا اسعادة القائد نسولك ؟! علاش كاتقرب مني الى كانت المسألة مسألة المتلازمة اللي عندك وماشي قضية حب أو مشااعر؟! "
"...أكيد غانطلع ليه فراسو بقوة الأسئلة التافهة على كرامة انوثتي وعزة نفسي ...وأكيد هادي ااخر حاجة تهمو... "
فنفسها قالت هاد الجمل الحائرة وتنهداات بلا ماتحس و كي وعات براسهااا حاولات حتى فلتات من بين يديه ...تبسم عاض على شنايفه باستهزاااء ومضيق عينيه وهو كايشوف فيها كاتحاول تنوض من فوقو مستنيها تسالي لي كاتحاول تصنع ...وقبل ماترمي رجلها للأرض من فوقو غفلهااا من يدهااا وقلبهااا تحتو .
تحط عليها بثقلو شاد بيد على خصرها واليد الثانية مكالي بيها جنبهااا .
عهد: فين غادا ادكتورة؟!
عبير[كاترمش بعويناتها]: ء للبيت نن ننعس .
عهد: علاش مامرتاحاش فالنعسة هناا؟!
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Ação▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
