✦•مـــلاك هـــانســل ✦•
♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:96
لاحضاات كيفااش اعتارف باش يحد معاها النقاااش جاتها غريبة مولف يقلب اللعبة لصالحو ومايسكت حتى يسكت القلب ل اللي داوي معاه واخا يكون موضوع تافه وبسيط ...تبسمات برواء وهي كاتشوف فيه قايلة .
عبير: القائد الشيطان كايعتاارف قدام الدكتورة عبير ...لحضة تاريخية ...ولكن فالحقيقة كاتعجبني صراحتك .
عهد[ربع يديه وسند ضهره على الفوطوي]: عارف كانعجبك .
عبير[وسعات عينيها]: شكون قال كاتعجبني ؟! انا قلت كاتعجبني صراحتك ماشي نتا .
عهد[ميل راسو]: علاش انا ماكانعجبكش؟!
عبير[تفتفات بنضراتها]:ءء لا ..ماكاتعجبنيشش .
عهد: كاتكرهيني؟!
عبير[بلعات ريقها]: لااا .
عهد:هي كانعجبك .
جات تنطق لوا رجلو على رجل الكرسي ونترو العندو شهقات بالخلعة وجات مقلوبة عليه هو جالس مفرق رجليه وهي جالسة عليه بجنب ... شد على خصرهاا بشوييية عاد زير عليهااا مقادهااا فالجلسة...شد بيدو الخراا على حنكهااا وقرب وجهو من وجههااا حاط عينيه فعينيهااا ...هي بلعات ريقها كاترمش بشفرانها لعدة مرااات وهو ميل شوية راسو وتكلم بشفايفو على شفايفهاا .
عهد[بخفث]: متأكدة ادكتورة؟!
سدات عينيهاا كي حساات بنفاسو تخالطات بنفاسهاا وشفايفو تاتلامس مع شفايفهاا ..حطات يدها على يدو لي فخصرهاا وهي كاتحاول تقاوم احاسيسهاا وانجدابها القوي ليه ...كاتحاول تعااافر وتعفط على مشاعرهااا باش تكسب لون وجهها قدامو ... تكلمات بنفس نبرتو الخااافثة وكأنها كاتهمس ليه فودنيه
عبير: امم ...متأكدة
باسهااا بشوية من جنب شفايفهااا وهو تايغلغل صبعان يديه فشعراتهااا ورجع حط بشفايفو على شنيفااتهااا بالخااااطر مخلي البوسة طويلة وسطحية وهااادية
..نزل طابع بوسة ثقيلة فعنقهااا وهو تايتلمس ليهاا بحنكو مخلي حروشية لحيتو تدغدغهااا ورجع بنفس النبرة سولها .
عهد: متأكدة؟!
تهز قلبها من بين ضلوعها وحسات براسها ماقادراش مزال تنكر عضات على شنايفها وصوت انفاسها تعااالى كي هاجت شهوتهاا ليه ...تسنط لأنفاسهاا العالية وهي كاتضرب ليه فودنيه وبلا ماتتكلم وصل الجواب ليه...زاد زير عليها مسولها من جديد ناوي يسمعها من فمهاا باش تطلع بحلاوتهااا.
عهد: امم ؟!
جات تجاوبو وتفرش احاسيسها اتجاهو دخل طير من الشرجم تايفرفر وسط الدار وهي تقفز واقفة من فوق حجرو بالخلعة .
كي شافتو طيير شاف ابتسامتهاا الفاتنة ولمعة عيونهااا القتالة عض على شنايفه وميل راسه متأمل فرحتهاا من حاجة بسيطة وجاه فضول يعرف أدق التفاصيل على شنو كايعجبهااا وشنو لي للا ونطق مسولهاا
عهد: كايعجبووك الطيووور؟!
عبير: ااه والله ...أي طير كيفما كااان كايعجبني نلعب بيه تانبقاا نحط ليه الخبز وملي يجي عندي تانخطفو ليه
هي بدات تضحك على تصرفاتها الطفولية وهو سهى فضحيكتهاا مدوز لسانو على شفايفو تايتأملها بهدووء برائتهاا وعفويتهاا هوما نقطة ضعفو ..تايعيااا يحارب ويقاوم وفالتالي كاتجيبو كاااو بلطافة تصرفاتهااا وبرائة حركااتهااا وكمية الكياتة المجموعة فتفاصيل شخصيتهااا وصفاتهااا .
عهد: باغا تلعبي بيه؟!
عبير[رفعات راسها بأه ]: اه عافاك شدوو ليااا اعهد .
عض على جنب شفته السفلية وهو حاط عويناتو البحرية فعويناتها البنية ناطق بنبرة شهوانية
عهد: امم...غانشدو ليك تلعبي بيه .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksi▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
