♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:74
خدات دوش خفيف ولبسات عليهاا مزياان من البرد ..مالقاتش شي حاجة تلبسها من الفوق وتستراات بمونطوو صوفي ديال عهد .
تقابلات مع المراايا كاتقاد فشعرهاا وكي شافت وجهها تنهداات بحزن وهي تاتفحصو بيديهاا ...خدات مرطب للبشرة وبدات تغطي فلآثااار وتتآوه بألم كل ماقاستو .
سمع صوتها من براا قبل مايدخل...كي سمعات الباب تفتح جرات شعرهاا على جناب وجههااا وردات قب الدجاكيط على راسهااا ...فالأرض حنات نضراتهااا ووطاتو بخطواتهااا غادا وكاتكلم .
عبير: جيتي...واش غاتوصلني ؟!
خدات صاكهاا وبدات تجمع فيه معداتها الطبية لي جابت ليها رباب معاهااا ورجعات تاني عطاتو بالضهر ووقفات حداا المكتبة كاتقلب على شي كتاب تتسلى بيه فوقت الفرااغ ..هزات زوج وكي حسات بيه وراها دارت تاني عاطياه بالضهر وكاتهضر كاتتهرب منو ماباغاش تجيب فيه عينهااا وهو عارف شخصيتهاا وعارفها مقلقة وفنفس الوقت حشمانة منه وماقادراش تشوف فيه .
قرب منها بخطوات ثقيلة داير يده فجيابه وكي حسات بيه وجات تسلت غفلها من يدهاا رجعها لعنده ناطق بسميتها
عهد: عبير .
جرات القب على عينيهااا وحطات راسها فالأرض كاتحركو يمين شمال باش مايزكاش عليها نضره اماا هو وسع عينيه اللي احمرت جواانبهااا وقرن حجبااانه قبل مايمد يده ومن دقنهاا يعلي ليها راسها فيه .
لمح آثااار صبعانو مصورة ليهاا على فكيهاا بجوج كرز على يده وعض على فكه كي عرفهاا علاش كا تتهرب منو ...حاولات من جديد تفلت ولكن قاطعها كي مسح ليها المرطب لي غطات بيه الضرباات وشد وجهها بين يديه حاط نضراتو فنضراتها .
عهد[بصوت هاذئ]: واش كايضروك؟!
رمشات بعويناتهاا لعدة مراات كابحة دمعاتهااا وهزات ليه راسها بالإيجاب مدلية شنيفاتها بحزن .
سركل نضرو على تفاصيلها ورجع لعينيها المغرغرين ناطق من جديد
عهد: دكتورة ماتبقايش تتحدايني وتتجاهلي هضرتي ...ماتبقايش ديري لي بغيتي و تعصي كلمتي ... نتي دابا مابقيتيش ديال راسك نتي مراااتي سوا كان زواجنا صحيح ولاا رفيح راااه شرعي وقانوني وسميتك على كنيتي ...نتي دابا مرات القائد بيناتنا وقدام الناس واخا زواجنا ماعندوش ساس...وانا مانبغيش نسمع كلمة خايبة فحقك حيت محسوبة عليااا ومانبغيش مع غيري نشوفك حيت محسوبة ديالي.....احتارمي علاقتنااا المزيفة وماتبقايش تفقديني الششعوور ادكتورة .
نزلات دمعتهاا ومن يدو فلتات راسها حاطاه فالأرض .
عبير: سمح ليااا ...ماقصدتش والله هو لي ديمااا ورايااا .
تنهد شايف فالجنب ورجع مد يديه مسح ليهااا دمعاتهاا بإبهاماتو وجرها من يدهاا وراه يحط ليها مرهم على كدماتهاا
جلسهاا على احذى الفوطوياات ومشا جاب علبة الإسعافات ..جلس القرفصاااء امامهاا وجبد المرهم ..علا عينو فيهاا باش يحطو ليها شدات ليه يده قبل ماتوصل لعندها ونطقات .
عبير: وشنو عدرك على داكشي لي قوع بيناتنا فديك الليلة ...راني تفكرت كلشي ....نتا بستيني ونكرتيني .
عوجات ملامحهاا بخيبة امل .
"ماتوقعتهاش منك اسعادة القائد فيناهو الصدق ديالك ؟! [زفرات بغيض] وريه ليا الله يخليك".
عهد: غانوريه ليك بلا ماطلبيني ... زربانة تشوفيه ؟! .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksi▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
