♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt: 123
حاسة براسها كاتمشي فوق الجمر وهي غادا جاياا فالبيت وكاتسنا عبير تخرج خلاص وتبشرهاا بالنتيجة ...وفلحضة فمكانهاا وقفات كي سمعات من الدروج حس ضجيج الخطوااات عرفاتو غايكون القائد والنقيب لي جااو .
تلفتات للخلف وباب الدار تفتح بالجهد وعلى وسعو مفرع للقنااات .... سرعات خطواتهااا باش تعلم عبييير باللي القائد جااا.
ولكن وقفات فنص طريقهااا مصدومة فالمنضر لي كاتشوف قدامهااا ...خرجات عينيهااا ووضعات يديها على فمهااا وبلا ماتحس صرخات بأعلى صوتهااا .
رباب: اشنووووو وااااقع؟؟؟؟
على اثر صرختهااا خرجااات عبير مفزوووعة وحاطة يدها على صدرهاا بالخلعة ماعرفات اشنو جابت ليها ودنيهااا ولكن كي شافت هاد المنضر قدامها المااا جمد فركااابيهااا ...كان ياااسر وعلي رافدين عهد بيناتهم وهو كي الشرويطة بين يديهم .
رجف قلبها بين ضلوعهااا وبلا ماتشعر نزلو دموعهااا ...هزاتها الدوخة مابقاتش قادرة حتى تبلع ريقهااا ولا توقف على رجليهااا ولا حتى تستوعب اللحضة لي هي فيهااا .
حطوه على الكنااابي و علي بدا كايعري فيه اما ياسر شاف فعبير لي واقفة فبلاصتها مصدومة كاتبكي فصمت و مركزة عينها فععهد وباين فيها كاتترعد .
ياسر: عاونيني الله يخليك ...خويااا كايموت اعبير.
شاف فرباب والدموع نازلين من عينو كي الولية يمكن هادي التالية ليه فالصبر ...برجولتو كبح دموعو حتى عيا وفهاد اللحضة مابقاش قادر يتحكم فراسو .
رباب كي شافت الدمعة قفزات من عين ياسر حرقاتها عاطفتهااا .. مسحات دموعها بزربة وشافت فعبير ....حركاتها بيديهااا وحاولات تفيقها من سهوتهااا .
رباب: عبيييير ....عبيييييرررر فيييقييي اصاااحبتي ماشي وقت الصدمة هادي خاصنااا ننقدو حياااة القاااائد .
ماوعات براسها حتى سمعااات اااخر جملة من فم رباب" خاصنا ننقدو حياة القائد" بلعات ريقها بزربة وبدات تاتبث راسها و تتحكم فمشاعرهااا وتسيطر فذاتهااا .
حاربات الإرتباااك والتوتر وحاولات تتسلطن بعقلها على حرقة قلبهااا والغصة لي هازااها من شرااييينو
" عملية ...خاصو عملية سريعة حيت منطقة الإصابة ماشي ساهلة و ...و ماعنديش المعدااات كلهم و "
ضاق بيها التفكير فراسها كاتككر غير جملة" اشنو ندير".
فالتالي قررو يغااامرو كيفما وقع ليها مع الرائد عمر من قبل ...لذا باشرو فالعملية باللي كان والكمال على الله .
لبسات على يديهااا الصباعيات ..دارت كمامتهااا واستدارت كاتشوف فيه كي مفطح على ضهرووو غاايب على الوعي ...تأملات ملامحو بانكسااار ودمعتها خانتها لمرة خرااا...لأول مرة كاتشوفو ضعيف ومنضرو كايألمهااا...!
صرفقاتو حتى شاف الشمس فنص الليل ...كاترجف بهستيرية وكاتترعد بطريقة مرعبة الشي لي خلاه مايزيدش معاها الهضرة .
شدات بيديها على شعرهااا وبدات غادا جايا قدامو كاتحاول تتتهدن ....رجعات شافت فيه عيونها خارجة من بلاصتهااا الغضب مستوطن نضراتها .
ليلى:القائدددددد انصااااابببب؟ هااااا؟؟؟ القاااائد عندو جوج رصاصات فكرشووووو يعني ممكن يمووووتت؟؟ ونتا جاي كاتقولهاليا وفرحااااان؟؟؟؟ الى مافكرتييش فياااا انا لي كانبغيه باش غانحس فاش غانسمع هاد الخبااار عليه فكر فرااااسك كلشي ساق الخبااااار اكيد غايبحثو فالموضوع ونمشيو فيهااا اناا وياااك فهمتي؟؟؟ هادي التالية ليناااا واش كاتفهمممم؟؟؟
عمر: ياااك الفكرة كانت ديااالك وانا جيت نبشرك بالخبر وبنتيجة افكاااارك .
شنقات عليه هازاااه من كول الفيييست ورجعات بعدات عليه كاتنهج وصلات بيها السخفة لمعدتهااا ....دارت خطوة خطيرة بلا ماضرب حسابها ودابا عاد حسات بخطورتهاا على القائد وعلى راسها.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
حركة (أكشن)▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
