♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt: 126
ماعرفاتش كيفاش وووقتاااش حتى كانت فالبحيرة لي مولف يقعد فيها عهد وعلي....كانت ساهية وتابعة خطواتها تالقات راسها مقتاعدة صخرة جنبهااا .....مكمشة فذاتهااا وعينيهاا على صفاوة المااا مشرشر من فوق الصخر .
سرحات تخمم وتفكر حاسة بخاطرها فدقيقة وحدة عمر ....هضرة ليلى قاستهاا ماشي حيت هي ضعيفة وأي كلمة كاتأثر فيها ...بل حيت حسات بيها عندهاااا الحق ...من نهار دخلات لهاد المنطقة والمشاكل ملاحقين عهد.
كان خاصو يتزوج بيها بزز منو باش يحميهاا من السلطات العلياا...كان خاصو يحميها من حقد عمر ومن غيرة ليلى ....وكان خاصو يحميها من الوحش لي قتل ليها واليديهااا .
يمكن هادا هو الحل الوحيد لي تقدر حتى هي تحميه بيه وبُعدها عليه هي أقل مساعدة ممكن تقدمها ليه ....ويمكن هاكا تقدر على كاااع خيروو تجازيه.
حسات بيد تحطات على كتفها ومن سهوتها فيقاتها ... بزربة تلفتات لخلفهاا مخلوعة ولكن ارتاحت كي لقاتها رغد هي لي واقفة وراهااا .
تبسمات ليها وبنبرة شبه خافثة نطقات.
رغد: أخيراا لقيتك ...مدة وانا كانقلب عليك...!
عبير رجعات تشوف قدامها وبنفس نبرتها جاوباتها.
"نسيت راااسي ...ماعرفتش ايمتا و شحال جلست هنااا"
قربات مشاركة معاها الصخرة لي جالسة عليهاا وربعات يديها حتى هي كاتشوف فين كاتشوف عبير فالبحيرة.
رغد: اشنو كاديري هنا؟!
عبير[ساهية]: كانفكر.
رغد: فاااش؟!
عبير: بغيت نمشي فحااالي.
رغد وسعات عينيها ووقفات فبلاصتهااا ...جات قدامها وهزات ليها راسها من دقنها باش تشوف فيها
رغد: شنو قلتي؟؟؟ تمشي ؟؟
عبير رفعات راسها بالإيجاب بانكسااار...حيدات ليها يدها من تحت دقنهااا بهدوووء ورجعات كاتشوف قدامها كاتبان ماعندهاش طاقة للنقاااش.
عبير: من نهار دخلت لحياة خوك وهو فالمشاكل ...خليتو يكدب على الناس لي تايقين فيه ...خليتو يتزوج بيا بزز عليه ...وبزاااف ديال الأعداء بسبابي ناضو ليه ...الحل الوحيد لي قدامي هو نبعد عليه.... قراري النهائي ...غانمشي فحالي ونخليه فراحتو.
رغد: اشنو كاتقولي نتي؟ واش هو قالليك هادلشي بفمووو؟؟ راحتووو معاااك اعبيرررر مادامو هو مابعدش عليك وماجربش يبعدك عليه يعني هو مرتاااح معاك.....واخا وداكشي لي فكرشك كي غاديري ليه؟؟؟؟ عبيييييررر رجعي عقلك لراسك ....انااا شفتك ساهية قلت يمكن حايرة كيفاش غاتقولي ليه بلي راكي حاملة ...ونتي كاتقولي ليااا غاتمشي فحااالك؟ حتى لداباااا؟؟؟ هادشي كان عليك ديريه شحال هادا ماشي حتى لدابااا ...دابا فات الفوت على هاد القرار الغبي سمعتيني؟؟
عبير[بلعات ريقها]: ب.. باااش عرفتي بأمر الحمل؟
رغد[وراتها كاشف الحمل]: عبيييير ....نتي وخويا دابا بيناتكم ولد ...يعني ماتفكريش بوحدك .
عبير [وقفات]:واش كايصحااابليك ساهل عليا نبعد عليه[عينيها تعباو دموع] كانفرقو ساااعة كانحس بالدنيا ضاقت بياااا .....ماكانسخاااش نحيد عيني عليه وهو حداااايااا ....كاتضلام بيااا بلا بيه وكون نصيب نموت بين يديه والله ماساهل علياااا .... كانبغيه ارغددد كااانتوفاا على شي حاجة سميتها عهد .... قلبي عور قدامو مانقدرش نتخايل حياتي بلا بيه وانا بعيدة عليه ....ولكن ماقدامي حتى شي حل ارغد كانفضل نخصروو ونبقا نشوفو من بعيد ولا نخسرو بمرة فهمتي؟؟؟ كانفضل نخليه ونشوفو مرتاااح حتى انا غانكون مرتاحة....ولا شي حاجة تمسو حيت انا قريبة ليه .
نزلو دمعاتها وحدة ورا وحدة بهستيييريياااا وتعالى صوت شهقاتها ونخيصهااا ...رغد عنقاتهااا ضاماها لصدرهااا وكادوز يدها من فوق شعرهااا
رغد: كلشي غايكون مزيااان اعبير ....عافاك ماتتهوريش.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Боевик▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
