♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt: 119
تحنااا لمستواها حاط ركبتو للأرض وطبع بوسة حنينة ودااافية على جبهتهااا ....بعد متأملها لعدة ثواني ورجع طبع قبلة خراا من فوق شنيفاتهااا الحاميين بتأثير الكحوول .
طول البوسة وبعد عليها وهو ماساخيش يفرقهااا ....جر عليها الغطاا مزياان وخرج بلا مايعاود يتلفت لعندها حيت يقدر يدير بنناقص ومايمشيش لخدمتو بسبابهاا.
تبعاتو العين حتى خرج وسد وراه الباب وسدات حتى هي عويناتها مستسلمة للنعاااس .
كمل النهار نهارو واللي كان خارج دخل لدارو ورباب لي ماعندها دار واقفة لعبير فالباب ...عيات تدق وحد مااستجاااب .
فالتالي بدات تفرع فيه ..دقات بيديها وبرجليها عاد سمعات بيهااا ...فتحات ليها وهي مبوقة عينيها مهرسين ومنفوخين وشعرها مخربق على كتافها منسدل ...وجهها مكشر ملامحها نعسانة وشادة على راسهاا باين فيها عيانة .
عبير[فاتحة عويناتهاا نص فتحة]: رباااب؟!.سمحيلي ماسمعتكش كنت ناعسة.
رباب[طلعاتها ونزلاتها]: واخااا تكوني ميتة ماشي ناعسة .
دفعات الباب بيدها وتقدمات داخلة ...عبير سداتو وراها وتبعاتهاا كاتجر فخطواتهااا ...وكي جلسات رباب سكاناتها بعويناتها ونطقااات .
"كايضرك راسك؟".
عبير[بلعات ريقها]: باش عرفتيها؟!
نعتات ليها بعينيها للقراعي جنبهاا فوق الطبلة وتبسمات ليها مضيقة عينيها .
رباب: الدليل فمسرح الجريمة ا زوجة القائد ....عارفا راسي مصاحبة غبية ذكية فهمتي هي هاديك مافهمتيش هو هاداك حيت تانا مافهمتش كيفاش تصاحبت معاك ...وعارفاك ماتفهميش فالشراب أكيد شربتي بلا ماتعيقي .
عبير[رفعات راسها بالإيجاب]: خليها على ربي ماعاقلااش شنو طرااا ...أكيد عصبت عهد قبل مايخرج.
رباب[ضيقات عينيها]: عهد ...اممم ..مابقاش القائد الشيطان؟!
عبير[وقفات]: غانجيب شي حاجة نشربوهاا.
رباب: كاتتهربي ولا شنو؟!
تبعاتها بعينهااا مركزة النضر فمشيتهاا وهي مضيقة شوفاتهاا حتى غبرات من قدامها ...رجعات جبدات تيليفونها كاتبقشش فيه بينما جابت عبير كؤووس العصير وجلسات قدامهاا .
عبير[شافت من الشرجم]: شكون جابك فهاد الوقيتة؟ كايبان لي مشا الحااال.
هي كاتسولها ورباب كاتطلعها وتنزلهاا .
عبير: مالك؟!
رباب: عوج ليك المشية ومازال ماباغاش تعاودي ليا؟!.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Aksiyon▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
