♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:68
خرج من الخيام ودخل للدار فجنبو لي مجموعين فيها الدكاااترة كانو باقين كايختارو غرفهم سركل عينو عليهم وتم راجع فحالو وسرعان مالمح نضره رباب وهي جارا فاليزتهاا باقا تادور فالدار وتستكشفهااا ماعرفها جاية لسياحة ولا حملة طبية ..ضحك بالخف عليهااا ووقف حاط يديه على نصه
" آنستي الأنيقة..!! "
عيط ليها بصوت خااافث وتكنا براسه مستنيها دور لعندو كي سمعات هاد اللقب وقشعات صوتو لي زعزع شبكة اذنها الصغيرة تلفتات بهدوووء ورسمات ابتسامة مصطنعة على شفتيهااا مستقبلاه بيها .
عض على اسفل شفااهه ودار يديه فجيااابه تايقرب لعندها بخطواته ...ضيق شوفاته وهو متفحص ملامحهااا المرعوبة ووجها المزنك عرفها مبتاسمة ليه بزز منهااا ..ضحك بطرف شفاهه وكلمها
ياسر : راني قلت ليك ماكانعضش البناات ...ضحكي ليا من قلبك ولا بلاش منها ..ماعنديش مع النفاق
رباب[حذفات ابتسامتها]: سمحليا ااسيدي .
حنات براسها للأرض شادة ففاليزتها قدامهاا وهو تبسم بلطاافة ونطق من جديد .
ياسر: تقدري تمشي ...!
رفعات راسها بالإيجاب وقلبات خطواتهااا مغادرة حتى بكلامه رجع وقفها وهاد المرة نبرته كانت صااارمة من مكانها زعزعاتها .
ياسر: بلاتي .
دارت لعندو موسعة عينيهااا ومميلة راسها باستفهام وهو حنحن بنفاخة وحول نضراتو لجنابو
ياسر: خليليا نمرتك ...غانبقاا نفيقك فالصباح .
بين عينيها لاقات حواجبها وميلات راسها حاكة فالأرض نضراتها جاتها غريبة هاد القضية ولكن اللهم تعطيهاليه وتمشي خلاص .
جبدات هاتفها من جيلها دغيا ومداتو ليه يقيد نمرتو...قيدها واتاصل براسو وهو مبتاسم فنفسو ..تأكد من ان القرم طلعليه ورجع ردو ليهااا ونطق .
ياسر[بصرامة]: سيري .
هزات راسها بواخااا وتحركات غادا وكاتزرب فمشيتهااا باغا غير ايمتااا تغبر من قدام عينيه اما هو نزل شوفتو لطيليفونو وابتاسم تالودنيه وتم خارج تانشط غادي وتايدندن بأغنية مجهولة الهوية محسوبة عليه هوو بحيث شقلب كلماتهاا ولحنها وكل مابهاا .
عفط ااخر عفطة برااا باب الدااار ووقف جامع ابتسامتو ومغير ملامحه النشطة الى ملامح غامضة تايكلع عمر وينزلو بشوفاته الحاقدة .
عمر فرق رجليه مقاد فوقفته وصغر عين وخلا الثانية وهو رافع حاجب ومنزل خوه .
"بانليااا نتا وخوووك عندكم اهتمام كبير بالدكتوراات ياك اسعادة النقيب؟!" .
دار تيليفونو فجيبو وقرب ليه حاط يديه على الأسلحة المعلقين جنب خصره مجاوبو ببرودة .
ياسر: بالنسبة لخوياااا دوقو خاص بيه ونتااا ماتبقاش حاضيه حيت ماغاتقدش عليه .
اما انا كيف شفتي ملزوم بالزواج قبل ماتسالي هاد الخمس أشهر الجاية ...[غمزو] حيت غانطلع كرااد عليك اسعادة الرائد ..هادلشي علاش كانقلب على راسي . .
عمر [تبسم من فوق خاطره]: اااه فهمتك فهمتك ومن حقك ...يعني نتا همك غير فالزواج على قبل الترقية وماعندكش مشكل فأي بنت كيفما كانت .
ياسر: تماما ...غير ماتكونش ختك واللي جات مرحبااا ...!
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
