ا♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:14
- سهات وفكيرها عن وعيه غاب بحيث انغمست فحروف الكتاب اللي لامس قلبها وراحتها فيه صاب.. ولي قاس مشاعرها واحاسيسها حتى قفزها صوت الدقان فالباب .
قفزات فكوانها قبل ماترخي الكتاب من يدها وجا طايح فجنبها لحسن حضها ماصدر حى ضجيج أو صوت مزعج .... وقفات فبلاصتها سؤال يديها وآخر يجيبها "يا ترى شكون فالباب"...."شنو غاندير"...."القائد قال ماخاص تاواحد يعرف بوجودي فدارو واش خاصني نتخبى؟"..."ولا غير نقطع حسي تايمشي شكون ما كان الطارق لي على برا"
طلعات نفس كثيرة وهبطاتها بغمة وهي تاتفرك فصبعان يديها مع بعضهم ....دورات عينيها فجنابها مقلبة على فكرة تنقدها من بشاعة موقفها وفجأة سمعات صوتو لي لأول مرة تايكون كشعلة أمل انارت طريقها ...ركزات مسامع اذنها معاه كي قال
"زيارة مفاجئة حضرة الرائد "
"الرائد؟؟ ...يعني هادا شخص من الجيش العسكري "
قالت هاد الجملة فنفسها وهي تاتسلت على طراف صبعانها كي البنية الصغيرة شعرها تايتشاير فجنابها والكيطمة عريضة عليها تاتبان كي فرتلخيل فيامات العز ....كي كانت حدا الباب وقفات خاشية عينها فتقبة البوانيي بفضووول تعرف شكون هاد الشخص ..
طلعات معاه الشوفة كان ببذلتو العسكرية مسلح جنابه و يده فجيابه مقابل مع القائد وغارس فيه نضراته ....من شوفاتو الحقودة عرفاتو أحد اعدائه خصوصا كي مد يده زول القبعة من على راسه وبكلام يكتسيه التعالي والغرور نطق
الرائد[باستهزاء]: لاحضت غيابك من بعد الهجوم لي طرا البارح على المنطقة ...خفت تكون مدروب ولا مقيوس .... فالنهاية نتا "القائد "
عرفو حاول التقليل منه بحكم وقع هجوم خطير فالمنطقة لي هو حاكمها وهاد يعتبر نوع من الإستهتار والتغافل عل مسؤووولياته فقهقه حاني راسو باستهزاء هامس.. ورجع هزو تم تم بنضرات خبيثة وكلام كالرصاص راد اعتباره ومنتقم لكبريائه .
****: شكرا على اهتمامك.... ولكن ..واش ماكاضنش بلي ....[سكت شوية وهو تايقرب ليه] فهاد اللحضة خاصك تكون خايف على راسك ؟
عناصر القوات العسكرية من فريقك هي لي كانت فمهمة الحراسة الليلية لبارح...وتم اختراق المنطقة ورضع هجوم قوي كان من الممكن نخصرو فيه أرواح بشرية كثيرة......و لحسن الحض أنا هو "القائد ."
"ليته كان ترابا ....طلع القائد خبير فصدع العقول وصد القول .... شحال هاز فقلبو هاد الرائد ...غير باش يقللل منو ومن قوتو وإخلاصو اتجاه مسؤوووليتو جا تالدارو معدب رجيلاتو ...والقائد ردعو غير بكلماتو ...بلاتي علاش هاد كلمة "قائد "كاتعاود بزاف؟...ولا عندي فضول كبير نعرف سميتو الحقيقية"
رفقائو الأربعة لي كانو مستفين وراه فحال بواط السرديل كخو الضحكة من القمعة لي خداها رائدهم وكي دار حمر فيهم بعينيه زمتوها فيهم ورجعو توكضو ..شاف فجنابو لقا ناس القرية كللا فين مشير عينيه تايشوفو فيه ...عفوا " كايتشفاو فيه" بالغضب حمارو ودنيه وكرز على قبعتوو بين يديه قبل ماينطق
الرائد[وهو ماراضيش] : اءه واش كنتي كاتحاول تستافزني؟؟
****:[بهدوء]: لا ماعنديش مع المحاولات الفاشلة ..كنصيحة من عندي الوقت لي كاتبقا حاضيني فيه ...طور فيه مهارات فريقك العسكري ....!!
الرائد[ضحك باستهزاء]:نتا ماشي فموقف يسمحليك تعطيني فيه نصيحة ... انا فبلاصتك كنت نطلب القوة باش نديرها.
****:[دار يده فجيابه]:كل واحد كايطلب داكشي لي خاصو.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
