♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:29
أمر بأمرو ساد عليها بابا البيت .. فتح لفريقو المتكون من 4 أشخاص ...علي ولي هو صديقو المقرب ،ياسر ولي هو الأخ ديااالو من لحمه ودمه ..يونس ويوسف ولي تاهو خوت .
هي قلبات الصاك لقاتو جايب ليهااا جوج بيجامات وحدة وردية قطنية وحدة بنية صوفية ...جابليها بانطوفة فالغوز بيبي مريشة وفالرجل خفيفة ....2 دوبياااس وحدة فالحمر وحدة فالكحل .... مع جوااارب وطاقية فنفس اللون .
دارت فوطتهااا الصحية ولبسااات السليب اللي فالحمر وبحكم ليغيكل و صدرهاااا طايب عليهااا ... متدارتش حمالات الصدر ....بقات بالتشرط والتريكو ديالو ولبسااا البيجااامة لي فالغوز بيبي من الفوق ...لبسات دوك التقاااشر وحشات رجلها فالبااانطوفة ....نشفات شعرها بفزطة وخلاتو مطلوق اللور ودارت عليه الطاقية .
طلااات من التقيبة لي فوق البوااانيي بان ليهااا مقتعد كرشي خشبي الصنع مسند ضهره للخلف وداير رجل على رجل فبنادم الشوفة كاينّْقع ... بين صبعان يدو كاااررو يالله بداه ويدو لخرااا شاد فيها سلاااح ....تايبان متقل ومرزن وفتفكيرو تابت وخاااتر ...الهضرة بالوزن والضحكة بالكرااام .
عهد: الكولونيل لي عطاك السلاح؟!
علي: اه اسعادة القائد قال بلي طيحتيه عندو نهااار ضرربتي الرائد عمر ....!!
بان ليهاااا شخص من يده لفوق الطبلة وهز كاس صغير عاد لمحااات شنو كاين فوق الطبلة قرعة دالنبيد كبيرة وكيسااان صغااار للسكرة ..
عبير[حطات يديها على فمها بصدمة]: هادا هو الإجتماع؟! كايشربو؟! هادلشي علاش قاليااا ماتخرجيش .
فهضرتهم كاع مادداتهااا حساات بالقنطة شداتهااا وبدات تفكر شنو غاتقوليه باش يخرجها ...بدات غادا جايا فبلاصتهاااا وحتى فكرة ماجاتها .
*ياسر: عهد ...سمعت قلتي ليهم باللي البنت لي عندك مراتك ...شنو غادير دابا؟! الى ليلى ساقت الخبااار غاتنوض الروينة فالدوااار .
علي[قهقه بطنز]: يمكن هادلشي لي بغااا سعادة القائد
ياسر[بادلو الضحيكة]: متافق معاااك خخ ...سمعت بلي خويا ليوم كان كايشري فأولويز .
كمل كلامو وباقي الجنود بداو كايضحكوو أما عهد ابتاسم بطرف شفااهه ونتر من الكارو نترة وحدة بلااا مايرد عليهم .
حس بالسكرة كاتطلع معاه ووقف مستأدن منهم .
فتح عليها لقاهااا غادا جااايا تاتفيبري بالبرد ....تسند بجنبو على رسل الباب وربع يديه بعينيه مساكينها .
عهد:فيك البرد؟!
عبير[هزات راسها بالإيجاب]: امم .
هو سد الباب وزول بانطوفتو من رجلو .. طلع للناموسية ودخل تحت الفراااش وهي ميلات راسها مكلمة نفسها
" سكرااان واش نسااايرو ...ولا نعايرو؟!"
هز فيها عويناتو النايمة وطبطب ليها فجنبووو بهدوووء وهي فهمااااتو ...فاللول ترددات حيت شافتو دايخ خافت... وفالتالي زعمات وجات تخشااات حداه كاتترعد بالخلعة والبرد .
شافها بعيدة عليه ودوز يدو من تحتها جارهااا لعنوو وحاط ليها راسهااا على صدرو .
عبير[بخوف]: ص صصحابك سكراانين اعهد ...و وحتى نتااا.
عهد[تايلعب ليها فشعرها]: شششت ...تخافي وانا معاك ادكتورة؟!.
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Acción▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
