love like the galaxy { myanmar translation } (Unicode & Zawgyi

အခန်း 4-2

ချန်ရှီက သူ့အမေဟာ တော်တော့်ကို အကျိုးအကြောင်း မသင့်ဘူးလို့ခံစားရတယ်။ ပြီးတော့ စိတ်ဆိုးစွာပြောလိုက်တယ်။

''စာပေလေ့လာပြီး ဇနီးမယားယူတာက လုပ်ရမယ့်ကိစ္စ၊ ဒါပေမယ့် အငယ်အနှောင်းယူတာက….´´

သခင်မရှောင်းက ရုတ်တရက်လှည့်လိုက်ပြီး သူမယောကျာ်းကို ညင်စွာသာ ဝင်ပြောလိုက်တယ်။

''သခင်ကြီး မပြောပါနဲ့တော့။ ´´

''ကျွင်းကူးပြောသလိုပဲ လုပ်လိုက်ပါ။ ´´

သူမက အမေချန်၊ သခင်မကယ်နဲ့ အစေခံတွေ အကုန်လုံးကို ကျောပေးထားပြီး သူမယောကျာ်းကို မျက်လုံးမှိတ်ပြလိုက်တယ်။ အချက်ပြလိုက်ပုံ ရတယ်။ ဒါပေမဲ့ အမေချန်နဲ့ အခြားသူတွေက သူမရဲ့နောက်မှာမို့ သူမရဲ့မျက်နှာက အမူအရာကို မမြင်ဘူး။ ယွီချိုင်လင်ကတော့ သေချာမြင်လိုက်ရတယ်။ ချန်ရှီက မျက်လုံးမှိတ်လိုက်ပြီး လက်လျှော့လိုက်တဲ့ ပုံစံနဲ့ ပြောလိုက်တယ်။

''အမေပြောတာ ဟုတ်ပါတယ်။´´

'' အချိန်လည်း မစောတော့ဘူး။ ´´

''အမေလည်း ပြန်ပြီး အနားယူသင့်ပြီ။´´

သူမရဲ့သားနဲ့ ချွေးမလက်လျှော့တာကို မြင်တော့ အမေချန်က ထလိုက်ပြီး စိတ်ကျေနပ်စွာ ထွက်သွားတယ်။ အစေခံ ၇ယောက် ၈ယောက်လောက် နောက်ကလိုက်ပြီး ခေါင်းလှုပ် အမြှီးလှုပ်နဲ့ ကြည့်ရတာ အရှေ့ပင်လယ် နဂါးနန်းတော်က လိပ်အမတ်ကြီးနဲ့ တူတယ်။ သခင်မကယ်လည်း အမြန်လိုက်သွားတယ်။

စိတ်ထဲမှာတော့ သခင်မလေး ၄ ရဲ့ နေမကောင်းတဲ့ကိစ္စ ပြီးသွားပြီဆိုပြီး ပျော်နေတယ်။ ကြည့်ရတာ သခင်မရှောင်းက ကျွင်းကူးကို ကြောက်တုန်းပဲ။ ထပ်ပြီး မေးခွန်းတွေ မမေးရဲတော့ဘူး။ သူမက အရင်ရက်တွေတုန်းက စိုးရိမ်နေတာ ။ အရန်အကြောင်းပြချက်တောင် မသုံးရသေးဘူး။ ထွက်မသွားခင် သူမက သူမရဲ့ လူယုံတော် အိမ်တော်ထိန်းလီကို ''ကြည့် အကုန်အဆင်ပြေသွားပြီ´´ဆိုတဲ့ ဂုဏ်ယူတဲ့အကြည့်နဲ့ တစ်ချက်ကြည့်လိုက်တယ်။

အိမ်တော်ထိန်းလီကလည်း ပျော်ရွှင်နေတယ်။ ပြီးတော့ အမြန်ရှေ့တိုးပြီး ကူညီလိုက်တယ်။ဒါပေမဲ့ သူ့စိတ်ထဲမှာ ထူးဆန်းသလို ခံစားရတယ်။ လွန်ခဲ့တဲ့ ၁၀ နှစ်တုန်းက ဒီလိုမျိုး ယောက္ခမနဲ့ ချွေးမကြား စစ်ပွဲတွေ မကြာခဏ ဖြစ်ခဲ့တယ်။ အများအားဖြင့်တော့ သခင်မရှောင်းက ဥ်ီးညွတ်တောင်းပန်တယ်။ ချန်ရှီက ကာကွယ်ပေးပြီး ကိုယ့်အမေနဲ့ အကြာကြီး စကားများကြတယ်။