love like the galaxy { myanmar translation } (Unicode & Zawgyi

အခန်း 15- 1

အခန်း ( ၁၅ ) အပိုင်း ၁

သခင်မရှောင်းက သူ၏စိတ်အစွဲကို ပြင်ဆင်ဖို့ ဆုံးဖြတ်လိုက်ပြီး ပြောတဲ့အတိုင်း လုပ်ခဲ့သည်။ သူမရဲ့ ဒီသမီးက ကယ်မျိုးရိုးလို စိတ်ထားဆိုးယုတ်တဲ့ သူအနားမှာ ကြီးပြင်းလာမှတော့ အစကနေ ပြန်သင်ပေးရမယ်လို့ တွေးထားသည်။

ဒုတိယမြောက်နေ့မှာ သူမက  “ကျီ့ကျိုကျန်း”  လေးတွဲ ၊ “ ဘန်ကျန်းပျန်း” လေးတွဲနှင့် “ချန်ကျွယ်ပျန်း” အတွဲပေါင်းများစွာ ဝါးပေလိပ်၁၀လိပ်ကျော်ကို ရှောက်ရှန်းဆီသ်ို့ ပို့လိုက်သည်။ နှစ်ကုန်ဆုံးချိန်ဖြစ်၍ အဆင်မပြေသောကြောင့်လား ဒါမှမဟုတ် ဒီကာလမှာ နည်းပြဆရာ ငှားရမ်းသော အလေ့ မရှိသောကြောင့်လား မသိပေ ။

အကျဥ်းချုပ် ပြောရလျှင် သခင်မရှောင်းသည်   ရှောက်ရှန်းအတွက် ဆရာ မရှာခဲ့ဘူး။ များသောအားဖြင့် သခင်မချင်စုန်းနဲ့ ရှောက်ရှန်းဟာ အားလပ်ချိန်မှာ စကားလုံးတွေကို သင်ယူကြသည်။ ဒါပေမဲ့ နေ့တိုင်းကို မပြီးဆုံးနိုင်ဘူး။

တစ်ခါတစ်ရံမှာ သခင်မရှောင်းက ရှောက်ရှန်း စုတ်တံကိုင်တဲ့ပုံကို အထင်ကြီးပုံပြပြီး ဒါတွေသင်ပြီးသွားရင် သူမက အခြေခံ ဂန္တာဝင် စာပေ၊ ကွန်ဖြူးရှပ်စာပေ၊ တာအိုစာပေ၊ နိုင်ငံရေးစာပေ၊ ရှီကျင့် ( သီချင်းစာအုပ် ) ၊ ချုစီ ( ရှေးဟောင်း ကဗျာစာအုပ် ) ၊ စီမာဖူ တို့ကို အလွတ်ကျက်မှတ်ရမည်။

အမွှေးနံ့သာ လုပ်ခြင်း၊ ပန်းထိုးခြင်း၊ အိုးထဲ မြှားပစ်ကစားခြင်း၊ ခြင်းကစားခြင်း အကုန်လုံးကို သင်ယူရမည်လို့ပြောသည် ။ ဒါမှ သူမက အရည်အသွေးမြင့်တဲ့ အထက်တန်း မိန်းမပျိုလေး တစ်ယောက်လို့ သတ်မှတ်နိုင်သည်။ ရှောက်ရှန်းက သဘောမတူဘူး။ သူမက အနာဂတ်မှာ ကိုယ့်ထမင်းကိုယ်စားဖို့ ဆုံးဖြတ်ထားပြီး သူမသင်ယူချင်သည့် အရာတွေက ဒါတွေ မဟုတ်ဘူး။

စာဖတ်သင်တာက တော်သေးသည်။ ဒါပေမဲ့ ဒီအနုပညာတွေက….။ ပြီးတော့ စာဖတ်သင်တာကလည်း သင်ယူတာကို မနှောင့်နှေးစေဘူးလေ။ သူမက နှစ်ရက် သည်းခံပြီးတဲ့နောက်မှာ သူမနောက်ဆုံးတော့ သည်းမခံနိုင်တော့ပဲ ပြောလိုက်သည်။