အခန်း ( ၃၃ ) အပိုင်း ၂
သူမ စကားမပြောတာကိုတွေ့တော့ ယွမ်ရှန်က နွေးထွေးစွာ ပြောသည်။
''ပြီးတာတွေလည်း ပြီးသွားပြီ။ ဒီတစ်ခေါက်ကလည်း လုံးဝမှားတာတော့ မဟုတ်ပါဘူး။ နောက်ဆိုရင် မင်းတို့ ချန်အိမ်တော်နဲ့ ပွဲတော်ရှိတာကလွဲလို့ မင်းကိုတမင်သက်သက် ဒုက္ခလာပေးမှာ မဟုတ်ဘူး´´
ရှောက်ရှန်းက မကျေမနပ် ခေါင်းငြိမ့်လိုက်ပြီး ခုကျမှ မေးလိုက်သည်။
''ဒါနဲ့ .. ရှင်ဘာလို့ ကျွန်မတို့ အိမ်ရှေ့မှာ ရှိနေတာလဲ? "
သူမတို့ အိမ်တော်က မြို့လယ်ခေါင်မှာသလို ဘေးဘက် ဘယ်ညာမှာ နေထိုင်တာကလည်း ကြွယ်ဝတဲ့ မိသားစု ဒါမှမဟုတ် အသစ်လာတဲ့ စာပေ၊ စစ်တပ်အရာရှိတွေ မဟုတ်ဘူး။ မထင်မှတ်ပဲ ယွမ်ရှန်က အဖြေမပေးပဲ လှည့်ပတ်ပြောသည်။
''တကယ်တော့ ငါဒီနေ့ မင်းနဲ့ ပြောစရာ ကျန်သေးတယ်။ အစတုန်းက အမေက နှစ်ရက်နေရင် ချန်အိမ်တော် သခင်မကို ဇီးပန်းပွင့် ရှုစားဖို့ ဖိတ်ခေါ်ချင်တာ။ မထင်မှတ်ပဲ….´´
''ဇီးပန်း ရှုစားဖို့ ? ရှင့် အမေက ဘယ်တုန်းကမှ သာမာန်ကိစ္စတွေကို ဂရုမစိုက်ဘူး မဟုတ်ဘူးလား´´
ရှောက်ရှန်းက စပ်စုသည်။ ပြောရရင် သခင်မယွမ်ကလည်း မြို့တော်ရဲ့ အံ့သြဖွယ်ရာများထဲမှ တစ်ခုဖြစ်သည်။ ပထမအဆင့် အမတ်ကြီး၏ တရားဝင် ဇနီးမယား၊ မိဘအိမ်တော် ခင်ပွန်းအိမ်တော်က မျိုးရိုးစဥ်ဆက် အာဏာရှိ မျိုးနွယ်ဖြစ်သည်။ ဘာဖြစ်မှန်း မသိမှန်း လောကကြီးမှ ရှောင်ဖယ်ကာ တာအိုကျင့်ကြံနေသည်။
ဧည့်သည် မတွေ့ဘူး။ ဧည့်မခံဘူး။ နန်းတော်ရဲ့ ပွဲတော်များကိုတောင် ဖျားနာမှုရဲ့ ခေါင်းစဥ်အောက်မှာ မသွားဘူး။ မဖြစ်မနေ နန်းတော်ဝင်ပြီး ဆုတော်လက်ခံရသည့် အခမ်းအနားမျိုးကလွဲလို့ သူမကို တွေ့ဖို့ အခွင့်အရေး မရှိလုနီးပါးပဲ။ အထီးကျန်စွာ နေထိုင်မှု အဆင့်က လောကအပြင်ဘက်က နတ်မင်းတွေနှင့် ယှဥ်လျှင် နည်းနည်းပဲလိုတော့သည်။
နည်းနည်းချဲ့ကားပြောရလျှင် ယွမ်အိမ်တော်ရဲ့ အနီးကပ်ဆုံး အပြင်ဧည့်သည် လက်ခံသည့် ပွဲတော်ကြီးဟာ အကြီးဆုံး သခင်လေးယွမ်၏ တစ်နှစ်ပြည့် မွေးနေ့ပွဲဖြစ်သည်။ ဒီနှစ်များတွင် ဆွေမျိုးသားချင်း နည်းနည်းကိုသာ ဧည်ခံတဲ့ မိသားစုစားပွဲ ငယ်လေးကလွဲလို့ ယွမ်ရှန်ရဲ့ ဆံထိုးအခမ်းအနားကိုတောင် ဆရာ၏ အိမ်မှာ ကျင်းပတာဖြစ်သည်။ ယွမ်ရှန်က မျက်နှာကို တင်းလိုက်သည်။
YOU ARE READING
love like the galaxy { myanmar translation } (Unicode & Zawgyi
Romancecredit to original owner Guan Xin Ze Luan