အခန်း ( ၂၁ ) အပိုင်း ၂
သခင်မရှောင်းက စိုက်ကြည့်ပြီး ပြောသည်။
''အဲ့ဒါ မြို့စားလီက ပညာရှိတဲ့ သခင်ကို ခိုလှုံခဲ့လို့''
'' တကယ်လို့ အာဏာရှင် သခင်ကို ခိုလှုံခဲ့ရင်ရော!
အရင်နှစ် စစ်ဘုရင်တွေ အတူတကွ ပုန်ကန်ခဲ့ကြတုန်းက အဲ့ဒီကိုယ့်ဟာကို ဘုရင်အဖြစ် ကြွေးကြော်ခဲ့တဲ့ သူတွေဘေးမှာလည်း အခြွေအရံတွေ မနည်းရှိခဲ့တယ်။ သူတို့ရဲ့ မိသားစုဝင် ဆွေမျိုးတွေ နောက်ပိုင်းဘယ်လို ဖြစ်သွားလဲ?''ချန်ရှီက အညံခံလိုက်ပြီး ထပ်ခါထပ်ခါ ပြောသည်။
''ဟုတ်ပါပြီ။ ဟုတ်ပါပြီ။ ဟုတ်ပါပြီ ! ကိုယ်မင်းရဲ့ အဓိပ္ပာယ်ကို နားလည်ပါတယ်။ သားယောကျာ်းလေးက ကောင်းကောင်း သင်ကြားပေးသင့်တယ်။ မဟုတ်ရင် လမ်းကြောင်းမှားပြီး ပေါ့ပေါ့တန်တန် အသုံးမကျပဲ ဖြစ်ရင်တော်သေးတယ်''
''အိမ်မှာ ပါးစပ်တစ်ပေါက် တိုးပြီး ကျွေးမွေးရရုံပဲ။ စိတ်ဓာတ်ပျက်ပြားပြီး သစ္စာဖောက် တစ်ယောက် ဖြစ်လာမှာပဲ စိုးရတယ်။ ကိစ္စသေးရင် အိမ်ကို ပျက်စီးစေပြီး ကိစ္စကြီးရင် မျိုးနွယ်တစ်စုလုံးကို ငြိစွန်းစေမယ်။ သမီးက...သမီးက..''
သူက ဆက်မပြောတော့ဘူး။ နောက်က စကားတွေက အရမ်းကို ရက်စက်ပြီး သိက္ခာမရှိဘူး။ ဆွေမျိုး အချင်းချင်းသာ ပြောနိုင်သည်။ သမီးတွေက နောင်မှာ လက်ထပ်သွားရမှာပဲ။ ချန်မိသားစုကို ထိခိုက်စေလည်း ဘယ်လောက်မှ မဆိုးနိုင်ဘူး။ နန်းတော်ထဲဝင်ပြီး ဖျင်၊ ဖေး မလုပ်သရွေ့ ၊ အရေးပါ အရာရောက်တဲ့ နယ်စား အိမ်တော်ကို လက်မထပ်သရွေ့ ဒီငြိမ်းချမ်းတဲ့ ကာလမှာ လေပြင်းမုန်တိုင်း ရှိမှာမဟုတ်ဘူး။
( ဖျင်၊ ဖေး = နန်တွင်းထဲရှိ ကိုယ်လုပ်တော် အဆင့်များ )
''စကားကတော့ ဒီလိုပေါ့။ ဒါပေမဲ့ ကိုယ်တို့ရဲ့ သွေးသားအရင်းအချာ။ သူ့ကို ဒီလိုဆက်ဆံတာ ကိုယ်မခံနိုင်ဘူး!''
သခင်မရှောင်းက ခင်ပွန်းရဲ့ မျက်နှာကို ကြည့်လိုက်ပြီး ခင်ပွန်းဟောင်းက သူမဟာ ကျောက်တုံးလို အသည်းနှလုံးမျိုးရှိပြီး ယောကျာ်းလေးတွေထက် တင်းမာတယ်လို့ ပြောခဲ့တာကို သတိရလိုက်သည်။ သူမက ပြောလိုက်သည်။
YOU ARE READING
love like the galaxy { myanmar translation } (Unicode & Zawgyi
Romancecredit to original owner Guan Xin Ze Luan