love like the galaxy { myanmar translation } (Unicode & Zawgyi

အခန်း 18-1

အခန်း ( ၁၈ ) အပိုင်း ၁

နှစ်သစ်ကူးပြီး နောက်နေ့တွင် စကားများမှု အပါအဝင် အရာအားလုံးဟာ အဆင်ပြေသည်။ ကိစ္စဖြစ်ပွားချိန်တွင် ရှောက်ရှန်းသည် စာရေးနေသည်။ စာတစ်လုံးရေးလိုက် စာအုပ်ကိုကြည့်လိုက် ပုံတစ်ပုံဆွဲလိုက် စာအုပ်ကိုကြည့်လိုက်နှင့် ပင်ပန်းပြီး နဖူးတွင် ချွေးစို့နေသည်။ ဒီရက်ပိုင်းတွင် သူမသည် စကားလုံးတွေဟာ အရုပ်စာနှင့် နီးစပ်မှန်း သတိထားမိသည်။ စကားလုံးတိုင်းဟာ ပုံကြမ်းသေးသေးလေး တစ်ခုလိုပဲ။

ရေဆိုလျှင် ရေစီးဆင်းနေသလို ကောက်ကောက်ကွေးကွေး စုတ်ချက်အချို့ ဖြစ်သည်။ မြစ်ဆိုလျှင် ရေဘေးမှာ အိမ်တောင်နှင့် သစ်တောရှိတာ ဖြစ်ပြီး စားဆိုလျှင် နှာခမ်းနှင့် လည်ချောင်း ပုံစံ မျဥ်းကြောင်းရှေ့တွင် ပန်းကန်လုံး သေးသေးလေးရှိတာ ဖြစ်သည်။

သူမက စုတ်တံကို ချလိုက်ပြီး စားပွဲဘေးက သစ်သားပေလိပ်ကို ဖြန့်လိုက်သည်။ ထိုဟာက အရင်ရက်က ချန်စုန့်သူမကို စျေးက ယူလာပေးသည့် စိတ်ဝင်စားစရာ ကောင်းတဲ့ ရိုးရာပုံပြင် တစ်ခုဖြစ်သည်။ ပေလိပ်တစ်ခုကို အနံသုံးလက်မရှိပြီး လေးငါး လက်မလောက် ရှည်သည်။ မျက်နှာပြင်က အရမ်းချောမွေ့ မနေပဲ ဘေးဘက်မှာ အထစ်လေးတွေတောင် ရှိသေးသည်။

ပြည်သူတွေ သုံးသည့်ဟာက သေချာပေါက် အိမ်တော်ထဲက ဝါးပေလိပ်တွေလို ပြောင်ချောမနေပေ။ မထင်မှတ်ပဲ ရှောက်ရှန်းက ဒါကိုကြည့်လေ သဘောကျလေ ဖြစ်သည်။ ဘာကြောင့်လဲဆိုတော့ သူမက  အဲ့ဒီအပေါ်က စကားလုံးတွေကို ၉၅% လောက် သိသောကြောင့်ဖြစ်သည်။ သူမစိတ်ထဲမှာလည်း နည်းနည်းတွက်ချက်လိုက်သည်။

မိတ္တူစာအုပ်၊ ဂန္တဝင် စာအုပ်၊ မျိုးရိုးစဥ်ဆက် စာအုပ်နဲ့ ပညာရှင်တွေ အရာရှိတွေကြားမှာတော့ ယခင်အသုံးပြုတဲ့ ပုံလိုစကားလုံးမျိုးကို အသုံးပြုနေကြသေးသည်။ သို့ပေမဲ့ ပြည်သူတွေကြားထဲမှာတော့ အရာရှိငယ်လေးတွေ အလုပ်ဆောင်ရွက်ချိန်မှာ သူမရင်းနှီးသည့် စကားလုံးပုံစံက ရေပန်းစားနေပြီ ဖြစ်သည်။

ပြီးတော့ ဒီစကားလုံး ပုံစံမျိုးက အချိန်ပေါင်းများစွာနဲ့ ကာလတွေ ကွာခြားနေရင်တောင် နိုင်ငံထဲက  ပြည်သူတွေ အကုန်လုံးက အခက်အခဲမရှိ ပြောင်းလဲနိုင်တယ်လို့ ခန့်မှန်းလို့ရသည်။ ဒါပေမဲ့ သူမကတော့ အရင်စကားလုံး ပုံစံမျိုးကို လေးလေးနက်နက် သင်ယူရဦးမည်။ ဘာပဲဖြစ်ဖြစ် ဒါက သက်ဆိုင်ရာ စာပေတွေကို ဖတ်ရာမှာ အသုံးဝင်သည်။