love like the galaxy { myanmar translation } (Unicode & Zawgyi

အခန်း 10-2

အခန်း ( ၁၀ ) အပိုင်း ၂

''ဒါဆို ဖြေးဖြေးသင်ပေါ့´´

သခင်မရှောင်းက ပြောတယ်။

''မင်းအဖေက ငယ်စဥ်ကတည်းက လယ်ယာအလုပ်တွေနဲ့ အလုပ်ရှုပ်နေခဲ့တယ်။ နောက်ပိုင်းမှာလည်း ထပ်ပြီး တိုက်ပွဲတွေ မရပ်မနား တိုက်ခဲ့ရတယ်´´

''ကိုယ့်ခြေထောက်ပေါ်  ကိုယ်ရပ်နိုင်တဲ့ အရွယ်ရောက်မှ စပြီးစာပေသင်ယူခဲ့တယ်´´

''အခု သူက ပြည်နယ်ပေါင်းစုံက ညီလာခံကို တင်လာတဲ့ စာလွှာတွေ အကုန်လုံးကို အခက်အခဲမရှိ ဖတ်နိုင်နေပြီ´´

ချန်ရှောက်ရှန်းက စိတ်ထဲမှာ ' ဒုက္ခပဲ ´ လို့ပဲ အော်လို့ရတယ်။ သခင်မရှောင်းက ထပ်ပြီး ပြောလိုက်တယ်။

''ဒီရက်ပိုင်းက မိသားစုကိစ္စတွေ အကုန်လုံးကို မင်းလည်းမြင်ပြီးသွားပြီ´´

''ငါနဲ့ မင်းအဖေက အရမ်းကို ဖိအားပေးရန်လိုတယ်လို့ ခံစားနေရလား´´

''သမီးက ဘယ်လိုလုပ်ပြီး ဒီလိုတွေးမှာလဲ´´

အဖွင့်စကား ပြောပြီးတော့ ရှောက်ရှန်းလည်း ပြန်ဖြေရဲသွားတယ်။

''တုံအိမ်က အဖွားရဲ့ စောင့်ရှောက်မှုကို အားကိုးပြီး အဖေရဲ့ ခန္တာကိုယ်ပေါ်မှာ သွေးစုပ်တဲ့ မျှော့တစ်ကောင်လိုပဲ ကပ်တွယ်နေတယ်´´

''တစ်ခု နှစ်ခု ကူညီရတာက ကိစ္စသေးသေးလေး။ သူတို့က အပြင်မှာ ပြည်သူတွေကို အနိုင်ကျင့်သေးတယ်လို့ သမီး အဖေပြောတာကြားတယ်´´

''နောင်မှာ သူတို့က ပြဿနာ အကြီးကြီးလုပ်ရင် ဘယ်လိုလုပ်မလဲ´´

သူမက ဒီရက်ပိုင်းမှာ ကြားရတဲ့ ရှေးခေတ်လေသံကို ကြိုးစားပြီးသင်ယူထားတယ်။ သူမက အရူးလုပ်နိုင်လိမ့်မယ်လို့ ခံစားရတယ်။

အခြားအိမ်တော်က မိခင်သာဆိုရင် သမီးကို သင်ပေးချင်လျှင်တောင်မှ ဒီလို အကြီးတွေရဲ့ အရုပ်ဆိုးတဲ့ကိစ္စကို ပြောင်ပြောင်တင်းတင်း ပြောမှာမဟုတ်ဘူး။ ဒါပေမဲ့ သခင်မရှောင်းက ငယ်ရွယ်စဥ်မှာ ကြီးမားတဲ့ အခက်အခဲနဲ့ ကြုံတွေ့ခဲ့ပြီး သူမဘဝမှာ အမုန်းဆုံးက ကလေးကို လူ့လောကအခက်အခဲတွေကို မသိစေပဲ ပျိုးထောင်တာဖြစ်တယ်။