love like the galaxy { myanmar translation } (Unicode & Zawgyi

အခန်း 43-1

အခန်း ( ၄၃ ) အပိုင်း ၁

လာတုန်းကလိုပဲ အနက်ရောင်သံချပ်ကာ စစ်တပ်ဟာ ဒီရေကဲ့သို့ စနစ်တကျ ထွက်ခွာသွားသည်။ တစ်ချိန်တည်းမှာပဲ ချန်မိသားစုမှ လူတွေအကုန်လုံးဟာ ကိုယ့်အိမ်တော်ရဲ့ အလောင်းတွေကို မီးရှို့ရင်း အလုပ်များနေပြီး မီးသင်္ဂြိုလ်ပြီးသည့်နောက်တွင် ခွဲခြားပြီး ပြန်ယူသွားရမည်ဖြစ်သည်။ ဓားပြတွေ၏ အလောင်းတွေကိုတော့ တောင်ကျစမ်းချောင်းမှ ဖြစ်သလိုမျောလိုက်ပြီး ကျီးကန်းနှင့် သားရဲကောင်များကို စားစေသည်။ ရှောက်ရှန်းက လူအုပ်၏ရှေ့ဆုံးတွင် ရပ်ပြီး ပုလွေမှုတ်ကာ မေ့လျော့ခြင်းမြစ်သို့ ဝင်ရောက်တော့မည့် အပြစ်မဲ့ဝိဉာဏ်များကို ပို့ဆောင်ပေးသည်။

ပုလွေ၏ သာယာသည့်တေးသံဟာ စတင်ထွက်ခွာနေသည့် သံချပ်ကာစစ်တပ်သို့ ရောက်ရှိသွားသည်။ နဂိုတက်ကြွဖွယ် ''ဝါးတေးသံ´´ သံစဥ်က ကောင်မလေးရဲ့ အသံနိမ့်ပြီး စည်းချက်နှေးခံလိုက်ရချိန်တွင် ဆောင်းရာသီ အေးစက်သော နေအောက်တွင် ဝါးတောအား ဖြတ်ကျော်လာသည့် လေပြေကဲ့သို့ အေးစက်ပြီး ဝမ်းနည်းစရာကောင်းနေသည်။ လင်ပုယီက ပြုံးလို့ စိတ်ဝင်တစား နားထောင်သည်။

ဒါပေမဲ့ ဘာကိုစဥ်းစားလိုက်မိမှန်း မသိပဲ ရုတ်တရက်အမူအရာက အရိပ်ထဲမှ လှပပြီး အထက်စိီးဆန်သည့် ကျောက်ပန်းပုရုပ်ထုကဲ့သို့ အတော့်ကို အေးစက်ပြီး ကိုယ့်ကိုကိုယ် အလိုမကျဟန် ဖြစ်သွားသည်။ အဲ့ဒီနောက် သူကကြာပွတ်ကို မြင့်မြင့်မြှောက်လိုက်ကာ သူ၏စစ်တပ်နှင့်အတူ မောင်းနှင်သွားတော့သည်။

သီချင်းတစ်ပုဒ်ကို မှုတ်ပြီးတဲ့အခါမှာ ရှောက်ရှန်းက ပုလွေကိုချလိုက်ပြီး မျက်နှာ၌ မျက်ရည်များ ပြည့်နှက်နေသည်။  မနေ့ကအထိ ရယ်မောပြောဆိုနေကြသေးတဲ့ ကောင်လေး၊ကောင်မလေးတွေ။ သူတို့ရဲ့ ဆွေမျိုးသားချင်း မိတ်ဆွေတွေက သူတို့ကိုထပ်ပြီး မတွေ့နိုင်တော့ဘူး။ ကိစ္စတွေက အဆုံးသတ်ကို ရောက်လာတဲ့ အခါမှာတော့ သူမဟာ သူမမလုပ်နိုင်တဲ့ ကိစ္စတွေအများကြီး ရှိသေးမှန်း နားလည်လိုက်သည်။

အသက်ရှင်ကျန်ရစ်တဲ့ အစေခံမလေးနှစ်ယောက်ဟာ သူမတို့ကို သတ်ဖြတ်ခဲ့တဲ့ ဓားပြစုစုပေါင်း ၁၁ယောက်ကို ခွဲခြားပေးခဲ့သည်။ ရှောက်ရှန်းက အိမ်ထဲတွင်ထိုင်ကာ အပြင်ဘက်မှ မြင်းငါးကောင်ဖြင့် အဆွဲခံထားရသော အလောင်းကို ကြည့်နေကြသည့် မိုးထိအောင်ဆူညံနေသော လူအုပ်၏အသံကို နားထောင်နေသည်။  အဲ့ဒီနောက် ထိုနေ့ညတွင် အံ့အားသင့်စရာ မရှိစွာပဲ ညစာများ အများကြီးကျန်နေတော့သည်။