love like the galaxy { myanmar translation } (Unicode & Zawgyi

အခန်း 6-2

အခန်း ( ၆ ) အပိုင်း ၂

အမေချန်ဟာ သူ့သားနှင့် ရန်ပွဲအချို့ဖြစ်ခဲ့တယ်။ ဒါပေမဲ့ အဲ့ဒါကလည်း အသုံးမဝင်သေးဘူး။ ဒါ့ကြောင့် သူမက မူလလက်ဟောင်း ''အစာ အငတ်ခံခြင်း'' ကို ပြန်သုံးခဲ့တယ်။ ပြောကြတာတော့ အရင်မင်းဆက်မှ မယ်တော်ကြီးများစွာက ဒီအကွက်ကို သားတော်မင်းကြီး နဲ့ ရင်ဆိုင်ဖို့ မကြာခဏ သုံးခဲ့ကြတယ်။

နှမျောစရာက အမေချန်က အရင်တုန်းက ခက်ခဲခဲ့တော့ အစောကြီးထဲက ဆာလောင်မှာ ကိုကြောက်ရွံ့တယ်။ ဒီနှစ်တွေမှာ သူမက အသားမပါရင် မပျော်ရွှင်တော့ဘူး။ သူမက နှစ်နပ်အပြီးမှာတော့ တောင့်မခံနိုင်တော့ဘူး။ စားဖိုဆောင်က အစေခံတွေ ပြောတာကတော့ အမေချန်က အစာပြန်စားပြီး ပထမဆုံးအနပ်မှာ သူမဟာ ကြက်ကင်တစ်ကောင်၊ ဘဲကင်တစ်ဝက် ၊ အမဲခြေထောက်နှပ် နှစ်ချောင်းနဲ့ ထမင်းဖြူ သုံးပန်းကန်စားခဲ့တယ်။ သူမက သမားတော်ကိုလည်း အစာခြေဆေး စပ်ပေးဖို့ ညွှန်ကြားခဲ့တယ်။

အမေချန်က ဒီမှာ ရုန်းကန်နေပေမဲ့ တုံမိသားစုမှာ အခြေအနေက ပိုမိုဆိုးရွားနေတယ်။ ဝမ်းကွဲမောင်တုံ ကလည်း အထိန်းသိမ်းခံထားရတယ်။ အပြင်က တုံမိသားစုရဲ့ ဆိုင်တွေနဲ့ စတိုခန်းတွေကလည်း ချိတ်ပိတ်ခံလိုက်ရသည်။

တစ်ဖက်မှာတော့ တုံလွီရဲ့ လုပ်ဆောင်မှုတွေက အရမ်းကောင်းတယ်။ သူမက အမေချန် ''တစ်ယောက်တည်း တိုက်ခိုက်ခြင်း '' မဟုတ်ဟု ပြသရန်အတွက် တစ်ခါတည်း ဝမ်းကွဲမောင်တုံရဲ့ အပြင်ဆောင်က အစေခံ ကိုယ်လုပ်တော် အယောက် ၂၀ ကို ရောင်းပစ်လိုက်တယ်။

ပြီးတော့ သူမက အမေချန်ကို အခြေအနေကို ပြန်လှည့်နိုင်ဖို့အတွက် မြောက်များတဲ့ ငွေပမာဏကို စုဆောင်းပေးခဲ့တယ်။ အမေချန်က ဒါဟာတကယ့်ကို နှစ်ပေါင်းတစ်ရာလောက် ကျင့်ကြံပြီးမှ ရလာတဲ့ တူဇနီးကောင်းလေးလို့ ခံစားရတယ်။

နောက်ဆုံးရသတင်းကတော့ ဒီရက်တွေမှာ အဒေါ်တုံက နေ့တိုင်းလာပြီး ကြာရှည်စွာ ငိုကျွေးလေ့ရှိတယ်။ ဒီနေ့တော့ အမေချန်ဟာ ညစာစားပြိီးနောက် သေရည် နှစ်ခွက်လောက် သောက်ခဲ့တယ်။ သေရည်က လူကို သတ္တိရှိစေပြီး အဝတ်ဖြတ်တဲ့ ဓားငယ်လေးက်ို ယူကာ သားကို ဖိအားပေးဖို့အတွက် ထပ်ပြီးသွားခဲ့တယ်။