" ကောင်းကောင်းလေး ဘယ်လိုနေသေးလဲ ဒယ်ဒီ "
လွင်ပြင် စိုးရိမ်တကြီးမေးလိုက်ရင်း ခုတင်ပေါ်လှဲနေဆဲ ညီမဖြစ်သူဆီသွားရန်ပြင်လိုက်ချိန် ဒယ်ဒီက သူ့လက်ကိုအသာ လှမ်းဆွဲထား၏။
" သမီးငယ် ဘာမှမဖြစ်ပါဘူး အခု အိပ်ပျော်နေတာမို့ နိုးလာမှကြည့်ပေးမလား သားကြီး "
" ဒါပေမဲ့ ဒါပေမဲ့ ကျွန်တော် အတည်ပြုရမှဖြစ်မယ် ကောင်းကောင်းလေး အခြေအနေကို သားသိချင်တယ် "
ပြောရင်း သူ ကောင်းကောင်းလေးအနား လျှောက်သွားလိုက်သည်။
သွက်လက်လှသည့် ညီမငယ်လေး၏ခေါင်းတွင် ပတ်တီးဖွေးဖွေးလေး ပတ်ထားရကာ ခုတင်ထက်တွင် ငြိမ်သက်စွာအိပ်စက်လျှက်...
မလိုက်ဖက်လိုက်တာ
ကိုကိုတို့ကောင်းကောင်းလေးက ခေါင်းမှာ ဘီးကုပ်လေးပဲ ပန်နေကျကိုကွာ
တောင်းပန်ပါတယ် ကောင်းကောင်းလေးရယ်
ကိုကိုက တစ်ယောက်တည်းရှိတဲ့ ဒီညီမလေးကို ကာကွယ်ပေးခဲ့ရမှာကို...
ကိုကိုပြန်လာခဲ့ပါလို့ ဖုန်းဆက်တိုင်းခေါ်နေတာကို ဒီအစ်ကိုမိုက်က လျစ်လျူရှုခဲ့မိတယ်...
အပြစ်ကင်းစင်စွာ အိပ်မောကျနေသည့် ညီမငယ်လေးကိုကြည့်ရင်း သူ့မျက်ဝန်းတို့က စိုစွတ်လာရ၏။
" သမီးငယ်လေးက လမ်းမကိုမကြည့်ဘဲဖြတ်သွားမိတော့ ကားက အချိန်မီဘရိတ်အုပ်နိုင်ပေမဲ့ ကားလမ်းပေါ်လဲကျပြီး ခေါင်းနည်းနည်းထိသွားရုံပါပဲကွယ် "
ကောင်းကောင်းလေး အိပ်ပျော်နေ၍ ခပ်တိုးတိုးသာ ရှင်းပြလာသည့် မေမေ့စကားသံအဆုံး မီးတောက်အလား ပူလောင်နေသည့်သူ့ရင်က ရေနှင့်ငြိမ်းသတ်လိုက်သည့်နှယ် ပူလောင်မှုတို့လျော့ကျသွားရ၏။
" တကယ် တကယ်ပဲ ကောင်းကောင်းလေး ဘာမှမဖြစ်တာ သေချာရဲ့လား မာမီ"
သူ့အမေးကို မာမီက ခေါင်းတဆက်ဆက်ညိတ်ပြရင်း
" သေချာပါတယ်ကွယ် မမြတ်က ဆေးရုံရောက်ကတည်းက တစ်ကိုယ်လုံးလည်း စက်တွေနဲ့ စစ်ဆေးကြည့်ပြီးပါပြီ ပြင်ပဒဏ်ရာလေး နည်းနည်းရသွားရုံပါ ကောင်းကောင်းလေး အသက်အန္တရာယ် မရှိပါတော့ဘူး "
YOU ARE READING
Cupid's Compass (Completed )
RomanceCover- edited from Google Start Date - 22.2.22 End Date- 31.12.22 အချစ်ပါ... ဖို, မပဲဆိုငင်ပြီး ဖို, ဖိုချင်း မ,မချင်း တွန်းကန်ရအောင် သံလိုက်မဟုတ်ဘူး ရူပဗေဒ သဘောတရားတွေနဲ့ ကန့်သတ်နေရအောင် Loveက magnetမှမဟုတ်တာ အချစ်လား ရေလို ထည့်တဲ့ပုံစံခွက်အတိုင်း...
