អន្ទាក់បេះដូង

ភាគទី«៨០»

...

   «ឈ្មោះកូនខ្ញុំត្រូវផ្តើមពីអក្សរ"ប" ក្រៅពីនេះខ្ញុំមិនអោយដាក់»
   «តែម៉ាដាក់រួចហើយ ឈ្មោះត្រូវតែស្រដៀងម៉ា»
   «បើម៉ាចង់ដាក់ឈ្មោះខ្លាំង បង្កើតកូនខ្លួនឯងហើយដាក់ឈ្មោះទៅ តែនេះកូនខ្ញុំម៉ាគ្មានសិទ្ធ»
   «អាបៃ!!!!»
...
   ម៉ាស្រែកខឹងសង្រ្គឺតធ្មេញ! វានេះឌឺសម្បើមណាស់ មិនស្គាល់ភ្លើងក្តៅឬយ៉ាងមិចបានជាចង់មកប្រលែងលេងជាមួយភ្លើង។
   «កូនប៉ា...កូនប៉ាៗមករកប៉ាណាកូន»បៃប៊លមិនខ្វល់ មិនអើពើជាមួយម៉ា ចូលមកបីកូនតូចរួចរលាក់តិចៗ និយាយផងប្រលែងផង ។កូនគេខ្ជូតៗគួរអោយស្រឡាញ់ តែបែរជាដាក់ឈ្មោះអាល់ហ្វីន ឈ្មោះអត់សេរីសួស្តីទាល់តែសោះ។
   «អោយអាល់ហ្វីនមកម៉ា!!!»
   «កូនប៊ី...ឈ្មោះប៊ីលីល្អទេកូន! ប៉ាថាឈ្មោះនេះពិរោះណាស់»នាយលឺសម្តីម៉ា តែមិនខ្វល់ ប្រលែងលេងជាមួយកូនវិញ តែកូនង៉ែតមិនទាន់យល់ភាសាត្រឹមសម្លឹងមុខប៉ាៗភ្លឹសៗ។
  «អ្នកណាឈ្មោះប៊ីលី?»ម៉ាសួរ!បៃប៊លហៅអ្នកណាថាប៊ី ហៅចៅទួតគាត់ឬ? មិនព្រមទេ ឈ្មោះប៊ីអត់ហុងស៊ុយទាល់តែសោះ។
   «ហៅកូនខ្ញុំ! ខ្ញុំគិតថាដាក់ឈ្មោះប៊ីពិរោះណាស់»ប៊ីស្រដៀងទាំងនាយ និងទាំងបៀវ ប៊ីលីទោះមិនស្រដៀងទាំងអស់តែមានអារម្មណ៍ថាឈ្មោះនេះស្លូត ឯកូនក៏ត្រូវតែស្លូតដូចឈ្មោះដែល។
   «មិនបាន!!! ខ្វះឈ្មោះដាក់ឬយ៉ាងមិច? គ្រាន់លឺឈ្មោះនៀគក៏ដឹងថាមិនល្អបាត់ទៅហើយ»
   «ទាល់តែឈ្មោះស្រដៀងម៉ាទើបល្អឬ?»
   «បើមែនវាយ៉ាងមិច?»
   «អីចឹងក៏បង្កើតកូនខ្លួនឯងទៅ»
   «បៃប៊ល!!!!»ម៉ាញ័រសាច់ចង្អុលមុខចៅ មិចក៏វានៅទន្ទេញពាក្យដដែលៗអីចឹង តិចថាទ្រាំមិនបានប្រដៅម្តងចោទថាចាស់ខូច!
   «សម្រេចថាប៊ីលី! ម៉ាអូខេឬអត់?បើអត់ក៏អត់ទៅ»
   «...»ម៉ាខឹងតែមិនដឹងគួរធ្វើបែបណា គ្រាន់តែឈ្មោះកូនសោះក៏ចង់ឈ្នះជាមួយមនុស្សចាស់ដែល អន់ចរិកពិតមែន? ម៉ាមិនស្តីតែចូលទៅជិត មើលមុខបៃប៊លចំៗ មុននឹង...
   ផាច់!!!
   «អ៊ូយ...ម៉ា?»ផ្លាច់កណ្តាលមាត់ដែលប៉ិនឌឺម៉ាពេក បែកឈាមគែមមាត់។
   «លើកក្រោយកុំមកឌឺយើង!»ម៉ាចង្អុលមុខចំៗអោយ អោយដឹងថាម៉ាជាម៉ា មិនមែនពួកម៉ាកដែលលើសលួសសម្តីមិនបាន ហើយមកផ្គើនបែបនេះទេ ។
   គ្រាំង!!!
   ហើយក៏ឈប់ឈរត្រង់នេះ ខ្មើតចេញទៅវិញបិទទ្វាគ្រាំងមិនអាសូរ។
    «...»ម៉ាចេញទៅបាត់ បៃប៊លក៏លើកដៃអង្វែលផ្ទៃខ្លួនឯងថ្នមៗ ឈឺគួរសមដែលនឹងណា មួយកំផ្លៀងរបស់ម៉ារកកលចង់វិលមុខម្តងៗ។
   «...»បន្តិចមក កាចតូចក៏លបៗចេញមក ។ឃើញកូននៅគេងលេងលើពូក ឯបៃប៊លវិញកំពុងអង្អុយនៅតុសម្អាងផ្អៀងផ្អងមើលផ្ទៃមុខចុះឡើង។
   «ឃ្លានមឹមៗនៅកូន?»បៀវដើរមកឈរក្បែរគ្រែ ចាប់ដៃកូនតូចកំពុងខ្វៃគ្រវៃលេងតិចៗ កូនមិនទាន់យំច្បាស់ជាមិនទាន់ឃ្លានហើយ ព្រោះទើបតែបំបៅទឹកដោះគោទាបភ្លឺនេះ។
    ផឹប...
   «អ៎េ...ធ្វើអី? លែងខ្ញុំ»ភ្លេចៗខ្លួនអ្នកខ្លះក៏ចូលមកអោបពីក្រោយ រើបម្រាស់ក៏មិនព្រមលែង នៅមានបន្លំថែថើបពីក្រោយទៀត។
   «អូនឯងខូចណាស់ ឃើញម៉ាមកក៏រត់គេចបាត់»
   «ខ្ញុំមិនបានគេចទេ»
   «ចុះចូលបន្ទប់ទឹកធ្វើអី?»ប្រាប់ថាមិនបានគេច តែឃើញម៉ាមកក៏រត់ចូលបន្ទប់ទឹកភ្លាម ទុកអោយនាយរងកម្មតែម្នាក់ឯង។
   «ខ្ញុំចូលទៅមានធុរៈ »
   «អៀនទេដឹង? ព្រោះពេលម៉ាចូលមក ពួកយើងកំពុង...កំពុង...»កំពុងអោបគ្នា នៅមានលបលួចស្ទាបអង្អែលសព្វសាច់សខ្ចីថែមទៀត ហើយម៉ាក៏ចូលមកទាន់ បៀវច្បាស់ជាអៀនមិនខាន។
   «លែង!!!»ម្តងនេះបៀវក៏ស្រែកដាក់ ទើបអ្នកខ្លះភ័យខ្លួនព្រមព្រលែង ឈប់អោបតាមសម្រួល។និយាយលេងក៏មិនបានដែល ឥឡូវនេះកាចណាស់!
   «...»បៀវក៏ងាក់មកសម្លក់ ទើបនាយលែងហ៊ានលលេងជាមួយ ញឹមៗដាក់ប្រពន្ធ។
   «បងនិយាយលេងទេបៀវ...»
   «...»បៀវមិនតប មិនស្តីរក ហើយឆុងទឹកដោះគោអោយកូន ទើបនាយលែងហ៊ាននិយាយតទៀត ។
...
   មួយស្របក់ ប្តីប្រពន្ធទាំងគូក៏ចុះមកខាងក្រោម។ បៀវបីកូន ឯបៃប៊ល ក៏លើករទេះក្មេងមកតាមក្រោយ។រាល់ដងបៀវក៏នៅតែក្នុងបន្ទប់ កូនក៏នៅខ្ចីខែ ណាក៏ពិបាកឡើងចុះ។តែពេលនេះកូនក៏ធំបន្តិចហើយ ហើយបៀវក៏រឹងមាំវិញដូចគ្នា ទើបអាចឡើងចុះបាន ។
   «ចៅបៀវ...មកអង្គុយក្បែរម៉ាមកចៅ»ម៉ាក្រលេកឃើញក៏ហៅបៀវមកជិត។ បៀវបីកូនមកអង្គុយជិតម៉ា ឯបៃប៊ល ដាក់រទេះគេងកូនក្បែរនោះ មុននឹងមកអង្គុយជិតបៀវ។
   «មើល! អោយអាល់ហ្វីន មកម៉ាបន្តិចមើល ម៉ាចង់បី»បៀវញញឹមហុចកូនទៅម៉ា ឯម៉ាក៏ទទួលចៅយកមកបី។
   «ប៊ីលីមិនមែនអាល់ហ្វីន!»មិនមែនជាសម្តីបៀវ តែជាសម្តីនាយកម្លោះបៃប៊ល ។គ្រាន់តែលឺម៉ាហាស្តីភ្លាម  នាយក៏កាត់សម្តីភ្លែត។ ក៏បាននិយាយគ្នារួចហើយ ថាកូនឈ្មោះប៊ីលី មិនមែនអាល់ហ្វីន។
   «ឯងមិនតមាត់យើងមួយថ្ងៃប្រកាច់ស្លាប់ឬយ៉ាងមិច?»
   «ខ្ញុំមិនចង់អោយកូនខ្ញុំជាប់ឈ្មោះនឹង បើម៉ានៅតែហៅបែបនេះ ជាប់ឈ្មោះកូនខ្ញុំមិនខានទេ»នាយតបទៅម៉ា តែភ្លេចមើលបៀវដែលកំពុងសម្លក់នាយ ទើបស្ងាត់វិញ។
   «មិនអីទេ ម៉ាហៅបែបណាក៏បាន»មួយឈ្មោះប្តីដាក់អោយកូន មួយទៀតក៏ជាឈ្មោះម៉ាដាក់អោយកូន តែសម្រាប់បៀវបែបណាក៏បាន។
   «អាល់ហ្វីន! អាល់ហ្វីនចៅម៉ា...អាល់ហ្វីនចៅសំណព្វចិត្ត...»