نرجع للواقع
بدوا يجهزون للمخيم
في بيت ابو مشعل
ام مشعل:الهنوف مها وحده منكم تجيب جوالي نسيته على طاولة المطبخ
الهنوف:ابشري يمه الحين أجيبه ،أخذت جوال امها والقهوة وطلعت للصاله وعطته امها
ام مشعل:خليني بدق على طلال ماكلمني من زمان غريبه حتى تأخر بالعاده بعد كل شهر يجي يزورنا
الهنوف:والله غريبه بس كأني سمعت مشعل امس يكلمه
ام مشعل:بكلمه الحين ،ودقت عليه اكثر من مره ولا رد،غريبه مايرد لايكون صاير فيه شي مو من عادته مايرد
الهنوف:لاتشيلين هم يمه يمكن مشغول شوي واكيد بيرجع يتصل فيك إذا فضى
بعد دقايق دخل مشعل ومعه أغراض
قامت الهنوف تدخلها بس حصلت شنطة غريبه
الهنوف:مشعل وش ذي الشنطة ،رفعت رأسها إلا شافت طلال بدت تصيح وتضمه: ياهلا والله اخبارك وينك من زمان عنك وحشتنا وخوفتنا عليك ليش ماترد على امي
طلال وهو يضمها ويسلم عليها:هههههه مامداني دخلت مع الباب إلا دقيتوا وبعدين أنا متقصد اني ما اكلمكم الاسبوع ذا عشان إذا أفاجئكم
الهنوف:ياحلوها من مفاجاه الحمدلله على السلامة،واخذت شنطة طلال تدخلها
ام مشعل:وش ذي الشنطه حقت مين
الهنوف لفت لطلال وهي مبتسمه: ادخل
طلال:السلام عليكم،وراح يركض لامه
ام مشعل جلست تبكي:الحمدلله على السلامه ياولدي كيفك وش اخبارك وش فيك ماكلمتني خوفتني عليك واسأل اخوانك عنك يقولون ما كلمناه
طلال:الله يسلمك بخير ياقلبي انتي كيفك معليش يمه ماكان قصدي أخوفكم علي وترا أنا اللي قلت لهم مايقولون لك وابشرك اني أخذت اجازه وببثركم كل يوم عندكم
ام مشعل:بخير يا روحي انت الله يهديك ياولدي
طلال:دوم ان شاء الله ،وين مها وطارق
مها جت تركض :طلالللل الحمدلله على السلامه اشتقت لك مره ليش تطول علينا شلونك
طلال:ياهلا بمهاوي بخير كيفك انتي وكيف دوامك عسى مو متعبك
مها:والله بخير بعد شوفتك دوامي كويس مع انه في ضغط بس الحمدلله ماشيه أموري
ام مشعل:اجلس ياولدي تقهو من زمان عن قهوتنا
طلال:اي والله من زمان اشتقت لها ولجمعتنا غريبه ابوي ماجاء للحين؟
ام مشعل:لا قال بيجتمع هو وعمامك اليوم ويتغدا معهم
طلال:والله اني مشتاق له حيل كلمني قبل كم يوم وقالي انكم بتطلعون للمزرعه
مشعل:ايه قلنا عشان نغير جو ونتجمع بعيد عن ضغوط الشغل ومنها نستأنس ونستغل الشتاء بما انه بيخلص
طلال:اي والله اجل أنا بقوم ابدل وانام شوي تعبان
الهنوف :زين أنا بقوم ارتب غرفتك شوي بس واناديك وقامت
ام مشعل :تغد ياولدي على ماتخلص ترتيب الهنوف،وقامت هي ومها يجهزون الغداء
انتهى>>>رايكم بالبارت
أنت تقرأ
جيتي مثل الغيث والدنيا صحوه
Misterio / Suspenso> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
