النارا:اووه وش اقول ووش اخلي رقصت ليييننننن تعبت الله يوفق عرساننا يارب
الكل:اللهم امين؛واتجه عازم للفندق ونزلوا
———— • • • • • ————
توجهوا لجناحهم وفتحه لهم عازم
دخلت العمه نوره:الله بتجي الحين احلى نووممهه بعد التعب ذا كله
عازم وهو ينزل شماغه:اي والله
النارا تخصرت:لا عاد على طول بتنامون ! طيب ترا أنا جوعانه
عازم:يالله وراتس تو تقولين لنا ورا ماقلتي قبل نوصل
النارا:تو حسيت بجوع :)
عازم :تركيي
تركي وهو تو يدخل :سم؟
عازم عطاه بطاقته:رح جب عشاء
تركي:معقوله عازم حب اكل المطاعم فجأة عجيب
عازم طقه بكتفه:توكل لا تخمد الحين بدون أكل
تركي ركض يطلع:امزح خل اروح قبل يهون؛وقفل الباب
ضحك عازم:مب صاحي ذا الولد
النارا:عساس انت الصاحي يعني وهربت لغرفتها تبدل ملابسها
عازم:مصيرتس تطلعين هههههههههههه
النارا من ورا الباب :مب خوف منك ببدل هههههههههههه
عازم :عرفتي تلعبينها هين
النارا:هههههههههههههههههههههههههههه
~~~~~~ • • • • • ~~~~~~
<عند تركي>
وصل للمطعم واستلم الطلب وطلع راجع للفندق (المطعم كان بالجهه المقابله للفندق بينهم طريق رئيسي)صادف بنتين ووراهم رجال يركضون
البنات اتجهوا له وراحوا ورا ظهره:تكفى الحقنا
تركي:وش فيكم؟
احد البنات تكلمت:تكفى احنا في وجه الله ثم بوجهك احنا ضيعنا اهلنا وذولا من اليوم يلاحقونا تكفى ساعدنا
تركي وهو حاط يدينه قدامهم :دامكم جيتوني والله مايلمسونكم
احد الأشخاص اللي كانوا يلاحقونهم:ابعد عنهم
تركي:من انت عشان تلاحقهم!
الشخص:أنا أعرفهم انت شعليك ؟اقولك ابعد
تركي بحده:وش تبي منهم؟
الشخص:وش يخصك ابعد!
تركي:البنات ذولي جوني وتخسي تقربهم
الشخص دف تركي عنهم وتقدم للبنات
تركي بحده سحبه من ياقته:قلت لك تخسي تقربهم بس الظاهر تبيها شر انت
الشخص:إذا فيك خير مد يدك ؛وجه تركي لكمه بوجه الشخص لدرجة انه تراجع من قوة اللكمه وقعد يمسح الدم اللي كان نازل على كل وجهه ولكن سرعان ما تقدم لـ تركي:تمد يدك علي أنا أوريك ؛ولف للي كانوا معه ولكن ماحصلهم
ضحك تركي باستهزاء:ههههههههههههههههههه يالهطف حتى اللي معك سحبوا عليك
الشخص:تخسي ؛وسحب تركي وبدا يوجّه له لكمات لكن تركي كان اقوى منه وسحبه بالأرض ضرب
احد الأشخاص المارين بالشارع شافهم وراح يبعد بينهم وقام الشخص الاول وشرد
تركي:نعم؟ شتبي انت تفرق!
الشخص :وانتم وراكم تهاوشون بنص الشارع وش مشكلتكم؟
تركي:مشكور اخوي ممكن تروح؟
الشخص:الله يهديكم ؛وراح
تركي لف للبنات:تعرفونه؟
البنات:لا مانعرفه
تركي بتهديه للوضع:ماعليكم لا تخافون اهدوا دامكم عندي والله مايجيكم شي
الهنوف:تعورت؟
تركي وهو ماسك حاجبه:لا مافيني شي
الهنوف:إلا شف وجهك كله دم
حلا فتحت شنطتها وطلعت لصق الجروح واتجهت للأكياس وطلعت مويه وتقدمت باتجاه تركي :معليش تسببنا لك بمشاكل انت بغنى عنها تسمحلي انظف جرحك؟
تركي:إذا هذا رد جميل مايحتاج
حلا:ماقصدي كذا اعتبرها اعتذار؛وبدت تنظف الجرح بمويه وختمتها بلصق
فتح تركي الكام على وجهه وانصدم من شكل اللصق وضحك:ههههههههههههههههههه كل ذا الشنب واخرتها لصق أطفال عز الله راحت هيبتك يالشنب
حلا ابتسمت بفشله:كله لصق عادي
تركي وقف وعدل ثوبه ولم الأكياس ومشى ولحقوه البنات؛تركي:وش قصتكم انتم وليه ذولا يلاحقونكم؟
الهنوف:مب لازم تعرف انت بتساعدنا ولا تحقق معنا؟
تركي لف لها :كلهم الاثنين وش يضمن لي ما وراكم شي ؟
الهنوف:اجل مشكور مانبي منك مساعده ؛ومشت ومسكت يد حلا تسحبها
لحقهم تركي :يابنت تعالي
الهنوف:خير تلحقنا؟
تركي:اذكري الله يابنت الناس بساعدكم
حلا:بالله؟ اجل ليش جايبنا للفندق؟
تركي ضرب راسه:لا تفهموني غلط الأكياس اللي معي كنت بدخلها لاهلي جوا ونسيت انكم معي
الهنوف:زين بننتظرك تحت هنا
تركي:وإذا رجعوا لكم ؟ عمومًا اللي يريحكم؛ومشى
حلا لفت لـ الهنوف: امشي بس واضح انه ولد حلال ويخاف الله ولا مافزعلنا؛ولحقوه يركضون
تركي توجه للمصعد ووقف ينتظره ينزل فجاه خبطه احد بظهره ولف:انتم؟
حلا:معليش اسفه حقك علي
تركي:لاحول ولاقوة إلا بالله انتظروني هنا ماينفع اهلي يشوفونكم؛وطلع للمصعد من فتح ودخل لجناحهم وحط الأكل بالصاله وطلع وارسل لعازم رساله كان محتواها انه بيودي ملابسه للمغسله ويرجع ؛ونزل تحت
تركي:تعرفون مكان بيوتكم؟
الهنوف:ايه
تركي:حلو اجل مشينا ؛وطلع ولحقوه تركي اشر لهم يركبون
الهنوف:نعم؟ وين بتودينا!
تركي تكتف:امرك غريب بالله فكري معي شلون بوديكم بيوتكم ؟
الهنوف بسرعه:بالسياره
تركي:اجل اركبي!
ناضرت الهنوف لحلا اللي تضحك على الصامت وبعدها ركبوا بصمت وحرك
حلا:تكفى ياولد الناس خاف الله فينا واعتبرنا احد خواتك ترانا واثقين فيك ثقه عمياء
تركي:ماعليكم والله ماني مسوي لكم شي ؛وبعد لحظات وقف
الهنوف بخوف: ليش موقف هنا؟
تركي نزل بدون مايرد واتجه للمطعم
حلا دفت الهنوف بكتفها :هنوفوه ملامحه مب غريبه يشبه لاحد احسها مألوفه
الهنوف وهي تناظره:لا اول مره اشوفه
سكتوا من جاء تركي وركب ومد لهم الكيس
الهنوف:ايش هذا؟
تركي:أكل
الهنوف بهمس:شفيه ذا يرد بدون نفس!
تركي:وش بيني ارد على السؤال ذا نزلت المطعم وكنتو تناظرون والحين تسألين؟
حلا ضحكت:هههههههههه ياربي منك هنوفوه موتيني
الهنوف وهي تناظر حلا باستحقار :مايضحك
حلا غصت بالأكل
الهنوف بخوف عليها:خذي كولا اشربي
تركي فتح المويه ومدها لحلا:خذي اشربي لاتموتين علينا وتبلشيني
حلا وهي تمسح فمها وتكح :ابشرك ما راح اموت الحين مطوله
تركي:زين بس ؛كان بيسألها وسكت
حلا:بس وش؟
تركي:لا خلاص؛وحرك
حلا:اخلص وش عندك
الهنوف:رد عليها ولا بتموت من الفضول
تركي:انتي وش تخصصك؟
حلا:ليش؟
تركي:واو يالغموض سؤال بس لان شفت اللصق مرتب
حلا:تمريض
تركي:حلوو
حلا :وانت؟
تركي:طب وجراحه؛وفجأه وقف
الهنوف:بسم الله ليش توقف وش صاير ؟
تركي:تفتيش!
العسكري:اثباتاتكم
تركي طلع اثباته ومده له
العسكري:اللي ورا؟
حلا طلعت إثباتها والهنوف بعد وأخذها تركي واعطاها العسكري اخذها العسكري وأبعد عنهم
تركي لف لهم:بيسأل الحين وش اقربلكم بقول اوبر وانتم قولو اني أوبر زين؟
الهنوف:بالله تبينا نكذب ونثق فيك؟
تركي:اوثقوا فيني لو مره! أصلاً لو كذبتوني كلنا بنروح للتحقيق والتوقيف ؛ولف قدام من رجع العسكري
العسكري:الأسماء مو متطابقه ولكن فسرولي؟
تركي:طلبوا أوبر وجاني الطلب وقبلته
العسكري لف للبنات:صادق؟
البنات:ايه طلبنا أوبر
العسكري:تمام ؛وعطاهم الإثباتات ومشو
تركي مد لهم بطايقهم:اخيراً وثقتوا اوصفولي بيوتكم
الهنوف بهمس لحلا:حلّوي بنخليه ينزلنا بعيد شوي عشان ما يعرف بيوتنا ويسبب لنا مشاكل لاتنسين اننا مانعرفه!
حلا بنفس الهمس:بكيفك بس أنا بخليه ينزلني عند باب البيت ماني ناقصه مجنون الحاره
الهنوف طقتها وبهمس:الله يقطع بليستس ماتخطيت
حلا ضحكت
تركي:ياهوه وش فيكم خلصوني ردو
-انتهى🦋✨-
أنت تقرأ
جيتي مثل الغيث والدنيا صحوه
غموض / إثارة> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
