جيتي مثل الغيث والدنيا صحوه

Part 24

‏حلا وهي مو مقتنعة :اوكي؛ ولفت لـ الهنوف بسرعة وأنطقت؛ عندي حل أضمن لنا نروح لمركز الشرطة
‏الهنوف : قلت حقك بيجيك بس موب الحين
‏حلا : قصدي نقول لهم اننا ضايعين
‏الهنوف : اوه فكرة بس تعرفين وين؟
———— • • • • • ————
حلا:لا بس نسأل اللي يمشون هنا
الهنوف:تمام ؛وبدوا يسألون
<عند الجوهره وذيب>
وصلوا للفندق نزل ذيب وفتح الباب وقعد يساعد الجوهره تنزل ودخلوا للفندق واتجهوا للمصعد ؛ذيب:مبروك لنا يا غلا
الجوهره :غلا؟
ذيب تدارك الموقف:ايه يالغلا ولا ماعجبك الدلع؟
الجوهره:الله يبارك فيك لا بس سمعته غلط معليش
ذيب:خايفه مني؟
الجوهره وهي كانت تحس انها مو مرتاحه له :لا بس متوتره
ذيب:يالله وصلنا اطلعي؛طلعت الجوهره وهي تحاول ترفع الفستان عشان تمشي لانه كان طويل ومثقل عليها
ذيب بحده:نزلي الفستان رجولك طلعتت
الجوهره بخرشه:ساعدني طيب ماني قادره امشيي
ذيب زفر بكرّه:إن لله ؛وساعدها إلى أن وصلوا للغرفه وطلع الكرد وفتح الغرفه ودخلها ودخلت الجوهره بعده وجلست بالصاله اما ذيب نزل عقاله وشماغه والبشت وطلع
الجوهره:وين؟
ذيب:بجيب العشاء وكم غرض وجاي تبين شي ؟
الجوهره ابتسمت بخفه:سلامتك
طلع ذيب للصيدليه ياخذ أدويه
الجوهره قامت وراحت للغرفه وبدلت ملابسها ولبست بجامه ومسحت الميكب وانسدحت بالسرير
<<بعد مرور ساعه >>
ذيب جاب الأكل وطلع للغرفه فتح الباب ودخل للصاله وماحصل الجوهره
ذيب تنحنح:الجوهره؟ ؛ ماردت عليه دخل للمطبخ يدورها وماحصلها وراح يدورها بالغرفه وحصلها بالسرير :اووه مب علي الحركات ذي ؛وقرب منها وحصلها نايمه فعلاً وكان باين عليها تعبانه طلع من الغرفه وسكر الباب وراح للصاله يأكل وبقى لها اكل وبعد ماخلص دخل ينام لان وراهم سفر
~~~~~~  •  •  •  •  •  ~~~~~~
<في القاعه>
انتهى الزواج والكل ودعوا بعضهم وطلعوا
ام مشعل طلعت جوالها ودقت على طارق:الو طارق وينك
طارق:يالله مسافة الطريق وانا عندكم
ام مشعل وهي ماسكه العبره:طارق الهنوف مب فيه
طارق:هاه ؟كيف مب فيه؟
ام مشعل:مدري من بعد العصر وهي مختفيه
طارق:يوم جيتوا مب كلكم مع بعض؟
ام مشعل:إلا بس الحين مالقيناها
طارق:يمكن راجعه مع مشعل
ام مشعل:مدري بس قلبي مب مرتاح بلغ تكفى ياطارق
طارق:يمه اهدي ان شاء الله مافيها شي
ام حلا وهي تتكلم مع ام مشعل:ام مشعل حلا معكم؟
ام مشعل:لا ليه مب عندكم؟
ام حلا:لا من زمان أناديها وادورها مالقيتها قلت يمكن مع البنات
طارق سمعها وسأل امه:من هذي؟
ام مشعل:حلا بنت خالتك
طارق:لا حول ولاقوة إلا بالله؛وقفل الخط وتأفف وقال احد يضيع بناته؟ بيجننوني ذولا ألقاها من مشعل ولا منهم واتصل على مشعل ؛طارق:الو مشعل الهنوف رجعت معك؟
مشعل:لا ليه؟
طارق:أختك ضايعه يامشعل وحتى حلا بعد وش ذا اليوم النحس !
مشعل:وينك انت الحين ؟
طارق وهو يغير طريقه:بروح مركز الشرطه بقدم بلاغ وانت رجع امي والبنات
مشعل:زين ؛وقفل الخط
مشعل:يالله يارب ان تستر عليهم وعلينا من ذا اليوم ؛وتوجه لاهله
طارق اتجه لمركز الشرطه ووصل وقف سيارة ودخل للمركز ؛طارق:السلام عليكم
العسكري:وعليكم السلام امر
طارق:مايامر عليك عدو بغيت اقدم بلاغ
العسكري:عن ايش بالضبط؟
طارق:فيه بنتين مفقودين
العسكري:كم لهم مفقودين؟ متى آخر مره شفتهم فيها
طارق:ماشفتهم لان وحده اختي والثانيه من قرايبنا لهم فوق6 ساعات على كلام اللي شافوهم ؛وقعد يشرح له التفاصيل
العسكري:للأسف لازم يمر على وقت اختفائهم 24 ساعه وقتها تقدر تقدم بلاغ غير كذا مانقدر لأنهم فوق السن القانوني
طارق عصب :شلون اقولك مفقودين لهم اكثر من 6 ساعات !!
العسكري:لو سمحت لاترفع صوتك وتفضل برا ولا بوديك للتوقيف
طارق طلع بسرعه وجلس على الدرج اللي برا واتصل با ابوه :يبه رحت اقدم بلاغ عن البنات وماهم راضين يخلوني اقدم يقولون لازم تمر 24 ساعه
ابو مشعل:اي بنات؟
طارق تنهد:يبه اقصد الهنوف وحلا
ابو مشعل وقف وهو خايف:وش فيهم الهنوف وحلا انطق ياطارق؟!
طارق:ماقالولك! لهم 6ساعات مو محصلينهم
ابو مشعل:كيف لهم 6ساعات وتو تعلمني !
طارق:أنا مادريت إلا لما جيت أخذكم
ابو مشعل:لا حول ولا قوة إلا بالله عمك يدري؟
طارق:لا ماقلت له تعرف وش بيسوي لو درى
مشعل:يبه من تكلم؟
ابو مشعل:طارق
مشعل اخذ الجوال من ابوه:الو طارق وش صار معك؟
طارق انهار:عيو يامشعل عيو يخلوني اقدم بلاغ
مشعل:لاحول ولا قوة إلا بالله خلاص اهدأ انت الحين ان شاء الله بتنحل؛وقفل الخط
مشعل لف لاهله :يالله اركبوا؛وركب ومن بعده أهله ركبوا وتوجه للبيت
~~~~~~ • • • • • ~~~~~~
ابو حلا طلع من القاعه وتوجه لسيارته وطلع جواله يتصل با ام حلا:يالله اطلعوا أنا برا
ام حلا بفرحه:حصلتوا حلا؟
ابو حلا:كيف؟وش تقولين انتي؟
ام حلا بكت:عبدالله بنتك ضايعه وانت آخر واحد يدري ؟ عبدالله تكفى ابي بنتي
ابو حلا فز بخوف ونطق بحده:كيف ضايعه من متى؟تكلمي!
ام حلا:من جينا هنا ما شفناها
ابو حلا:حسبي الله عليكم يالحريم وش بيقولون عنا الرياجيل لو دروا الحين خليتونا كلمه بحلق الرايح والجاي اللي يسوى واللي مايسوى ؛وقفل الخط
ام حلا خذت بناتها وطلعوا للسياره ومشوا للبيت بدون ماينطق ابو حلا ولا كلمه وبعد لحظات وصلوا لبيتهم ونزلت ام حلا ومن بعدها بناتها ودخلوا بسرعه ولكن استوقفهم ابو حلا من نطق :أعطوني المفاتيح والجوالات الآن !!
ام حلا :عبدالله اهدى ترا ابداً مو وقتك
ابو حلا قرب منها:أنا قلت عطوني وانتم عليكم تنفذون؛وصارخ؛عطيني المفاتيح والجوال بسررعععههه
مدت ام حلا المفاتيح والجوال بسرعه وصعدت فوق بعدها تقدم لبناته ندى رمت جواله وراحت بسرعه بينما جوهره راحت بدون ما تعبره
ابو حلا:تعالي يالعاقه!
جوهره:نعم؟! أنا الحين صرت عاقه ؟..
قاطعها ابوها :جوهروه احترمي نفستس وعطيني الجوال دام النفس طيبه!
جوهره :تحلمم؛وراحت فوق
لحقها ابوها :قلت لك عطيني الجوال بس الظاهر ماتفهمين ؛وسحب يدها
جوهره سحبت يدها :فك يدي!
ابوحلا:والله لو ماتجيبين الجوال مايحصل لك طيب!!
جوهره:هو انت بقى فيك طيب اصلاً لو فيك ذرة طيب مامديت يدك علي ورحت تدور اختي اللي ماندري هي حيه ولا ميته الحين ؛وسحبت يدها منه وطاح جواله تحت وجوله وصعدت فوق من حست انها ماتقدر تمسك دموعها
ابو حلا اخذ الجوال وراح بعد ما تاكد انه قفل البيت كويس
~~~~~~ • • • • • ~~~~~~
<<عند القاعه>>
طلعت العمه نوره ومعها النارا لعيالها وركبت السياره
العمه نوره:السلام عليكم
عازم ابتسم :وعليكم السلام ياهلا باللي غطوا على الكل
نوره ضحكة:الله يحييك
تركي:عسى انبسطتوا
النارا:اووه وش اقول ووش اخلي رقصت ليييننننن تعبت الله يوفق عرساننا يارب
الكل:اللهم امين؛واتجه عازم للفندق ونزلوا
-انتهى🦋✨-
🤎Insta:0lom.1
🤎Tik Tok:olom_410