ذيب:يبه تراني جاي من سفر وتعبان بطلع فوق ارتاح؛وسلم عليهم وطلع لغرفته على طول
ام ذيب:لاحول ولا قوة إلا بالله وش بلاه الولد
ابو ذيب:مصيرنا بنعرف خليه بس يقوم
لميس وميس التزموا الصمت وهم مستغربين أسلوب ذيب اللي تغير فجأه
—————•••••—————
<بالمطار>
نزلوا وهم متأخرين على الرحله ولكن قدروا يلحقون على الطياره وركبوا
<عند الجوهره>
جلست تفكر وين بتهرب ولمين
دخلت عليها جمانه هي تناظر وراها مره وتناظر الجوهره مره لأحد يدخل عليهم ونطقت بهمس:هيه بنت!
الجوهره بنفس الهمس:هلا!
جمانه بهمس:تعالي معي بهربتس؛وسكتت اول ماتمالكها الخوف من شافت احد دخل عليهم بالغرفه وباين ضخم ورجعت ورا إلى ان وصلت لـ الجوهره
رشا بضحك وهي تشغل الانوار:هههههههههههه شفيكم وجيهكم مخروشه
جمانه بقهر قامت تفك الجوهره وتصارخ تهاوش رشا:الله يقلعتس خرشتيني وبعدين وشو ذا اللي على رقبتس ؟
رشا:أووه ذي أشياء مالها مكان قلت أحطها هنا بالمستودع
جمانه:اول مادخلتي كانها عضل مبينتك ضخمه حسبتس يزيد الله يخرشتس
رشا ضحكت:هههههههههههههههههههههههههههه يالله امشوا قبل يرجعون؛وقاموا جمانه والجوهره لحقوها وطلعوا
الجوهره بخوف كان واضح على وجهها:بس تعرفون مكان اقدر أأمن نفسي فيه قريب من هنا؟
رشا ناظرت لجمانه ورجعت ناظرت لـ الجوهره:ايه بس اسمعي مثل ما هربناتس وساعدناتس فيه مقابل
الجوهره:وش
رشا:ما تعلمين علينا لان لو علمتي علينا حنا بنودع
الجوهره بسرعه:طيب اهربوا معي
جمانه بصدمه:شلون نهرب من رياجيلنا ياويلي!
رشا لفت لجمانه بصدمه:جمانننه!
الجوهره:جمانه؟رياجيلكم؟
جمانه سحبت رشا معها وقالت لـ الجوهره بربكه:خلاص ساعدناتس اهربي!؛وراحوا وتركوها
بدت الجوهره تركض وهي مو عارفه لأي اتجاه رايحه ولا تدري هي وين
<في بيت ابو سعد>
ام سعد خلصت صلاة العصر واخذت جوالها اللي كان يدق:هلا
ام ذيب:السلام عليكم يا ام سعد
ام سعد ابتسمت من عرفت صوت اختها:وعليكم السلام ياهلا يا ام ذيب
ام ذيب:شلونكم
ام سعد:الحمدلله بخير انتي شلونتس
ام ذيب :والله الحمدلله بخير
ام سعد :الله يجعله وشلون البنات
ام ذيب: ابشرتس كلهم بخير والحمدلله على سلامة وصول عروستنا
ام سعد باستغراب:الله يسلمتس بس متى جو؟
ام ذيب:هو! اليوم ذيب جاء وقال ان مرته عندكم
ام سعد:ذيب جاء؟ الجوهره ماجتنا متاكده يا اوخيتي؟
ام ذيب:اي بالله يا ام سعد متاكده جاء وقالنا وطلع لغرفته يرتاح
ام سعد اول ماشافت ابو سعد وسعد دخلوا وهم راجعين من المسجد:مع السلامه يا اوخيتي أكلمتس بعدين؛وقفلت الخط
ابو سعد:السلام عليكم
ام سعد:وعليكم السلام
سعد جلس بعد ما سلم على أمه :وين رحاب ومشاعل؟
ام سعد:عند بنات عمك ابو مشعل؛وكملت وهي تلف لأبو سعد؛مازن ابو ذيب كلمك؟
ابو سعد:لا ولاحتى واجهته بالمسجد ليه علامه ابه شي؟
ام سعد:لا مابه غير العافيه بس تو كلمتني اختي ام ذيب وتقول ان ذيب جاهم
ابو سعد:والله اللي مرحبا
ام سعد:بس قالتلي كلامن مافهمته
سعد:وش يمه
ام سعد:تقول جاهم لحاله وقالهم ان الجوهره عندنا والجوهره مادخلت البيت انا من اليوم بالصاله ماعينت احد دخل
ابو سعد وقف ومسك عكازه ووقف جنبه سعد:وشو وش تقولين يامره متوكده من كلامتس؟
ام سعد:ايه متاكده ..
قاطعها ابو سعد وهو يقول لسعد:الحقني لبيت عمك ابو ذيب
<في بيت ابو ذيب>
بعد ما ذيب قالهم كل شي ؛ ابو ذيب مسك ذيب من ياقته:سود الله وجهك من ولد احد يضيع مرته لااا وجاي ومخليهااا بالخارجج عز الله انيي ماعرفت اربييكك قم قم اذلللففف عن وجههيييي ودور مرتك ولا ترجععع البيييت وتشوفك عيني إلا ومرتك قدامك!
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
