ابوسعد: منور بوجود أهله
صب طارق القهوة ومد الفنجان لعمه
ابوسعد:عطه ابوك؛ومده طارق لابوه
ابومشعل:والله ما اخذه عطه لعمك ؛وأخذه ابوسعد
———— • • • • • ————
أبوسعد:سلمت،اقول ابومشعل عسى عيالك ما بهم خلاف
ابومشعل:والله ما أدري وش أقول لك يا أخوي مشعل دخل غيبوبة و وطلال حالته ما تسر
طارق وهو منصدم:وشش وش قاعدين تخربطون انتم مشعل بغيبوبه؟وطاحت الدله منه وثواني وطاح طارق وهو ماعاد تشيله الارض
ابوسعد فز ومسك طارق:وش بلاه ذا؟!! ؛ولف لاخوه:مادروا للحين؟
ابومشعل فز لطارق:لا محد درا منهم للحين ،طارق طارققق تسمعني !
رفعوه على الكنب ورشو عليه مويه واخذوا عطر يبخونه وصحى
طارق وهو ماسك أبوه:يبه مشعللل مشعللل تكفى يبه ابي أشوفه تكفى يايبببه لايصير لمشعللل شي ليشششش ماعلمتني يايبه ليشش؟!
ابو مشعل صد بوجهه عنه:كنت بقولكم اليوم ماكنت بفجعكم بالليل ؛وقام يشغل سيارته ولحقوه طارق وأبوسعد وركبوا
الهنوف كانت بتدخل تسلم على عمها لكن وقفت عند الباب ومن الصدمه ماقدرت تدخل راحت داخل وهي تركض وتبكي وضمت امها اللي كانت بالصاله
ام مشعل شهقت:وش فيتس يمه علامتس يالهنوف
مها:بسم الله وش فيها ذي هنوفوه وش فيه ؟ انطقي خوفتيني
الهنوف:مشعل وطلال
ام مشعل باستغراب:ايه وش فيهم مشعل وطلال انطقيي
الهنوف:بالمستشفى
ام مشعل وقفت بصدمه:هااه؟! وش تقولين انتي مستوعبه اللي قاعده تقولينه؟الهنوف ركزي يا أمي
الهنوف:والله يمه والله حتى سمعت ابوي وهو يقول لعمي مشعل جته غيبوبه وطلال حالته ماتسررر
ام مشعل بكت :يمه عيالي ياربي لاتختبرني فيهم يارب استودعتك اياهم يارب احفظهم وابوتس وينه؟
الهنوف:طلعوا كلهم بيروحون للمستشفى
مها:يارب انك تشفي اخواني يارببب انك تحفظهم ؛وقالت وهي تحاول نواسيهم؛قولوا لا إله إلا الله وصلوا الضحى وادعوا لهم ؛وقامت راحت لغرفتها تصيح لحالها وهي باليالله مسكت نفسها قدامهم
~~~~~~ • • • • • ~~~~~~
<في المستشفى>
كان طارق يناظر لمشعل من ورا قزاز العناية المركزة ونطق: تكفى يا مشعللل تحمللل ماهقيتت انييي بيومم بشوفككك كذذذا ويين مشعلل القوييي الللي كلن يهاابه وييين مشعععللل الللي لما اقوللله تككفففى يقوللل احتتتزممم بييي واضرررب الارض ولاتسسسمممي ياااروحح طارققق ليتتتككك تششوف حااللتيييي منن بعدددكك ياامششععلل والله انننييي ما اسسوووى شييء بددووننككك اخخخخخ بسسس ليتننيي كنتتت مععكك وللاااا اننييي اشوووفك باللحااللله هذذذي ولا بييدديييي شيييي اسسسووويييهه
سعد مسك كتفه:وححدد الله ياطاررق وحدد الله وادع له هو بحاجة الدعاء ومششععللل تعررففهه انتت قويي ما شاء الله عليه وإن شاء الله انه بيقوم بالسلامه
لف طارق لسعد وحضنه وهو يسمح لدموعه اخيرًا ان تأخذ مجراها
سعد:ياطارق مايصير اللي قاعد تسويه لازم تقوي نفسك وتقوي اهلك ماينفع يشوفونك كذا امش معي غسل وجهك عشان نروح لطلال ولا تبين له شيء لان شوي تعبانه اعصاببه
طارق هز رأسه بالإيجاب ومسح وجهه وهو رايح يغسل وجهه وبعدها اتجهوا لغرفة طلال
طق طارق الباب
طلال:ادخل
طارق دخل وهو مبتسم:طالع من الشر يابو خالد ماتشوف شر قدامك العافيه
طلال عدل جلسته:ارحب يالامير الشر مايجيك وشلونك وشلون امي والبنات
طارق.الحمدلله بخير ويسلمون عليك
طلال:الله يسلمك وياهم وشلون مشعل
طارق:لا الحمدلله بخير واشوا منه امس وان شاء الله انه طيب
دخل سعد:سلام عليكم
الكل:وعليكم السلام
سلموا على بعض؛سعد:ها شلونك اليوم
طلال:بخير أبشرك متى بطلع؟
سعد:هوو هووه ماتدري ان المستشفى يبي الفكه منك سمحولك تطلع اليوم بس العصر مو الحين
طلال ضحك:يقلع بليسك وش رأيكم ننزل للكفي ابييي قهههوووههه
طارق بضحك:افطر اول بعدها ابشر
طلال:اعترف انت امي موصيتك علي!
طارق:هههههههههههه وش دراك يالله افطر ؛وقدم الطاوله له
طلال اكل لقمتين:الحمدلله مقدر أكمل الله يكرم النعمه
سعد:والله ان تبشر بالفطور الزين والقهوة :وطلع يستلم الطلب من المندوب
طارق:والله مايقصر سعد الله يسلمه
طلال:هوب هوب معقوله ذا طارق الصراحه صادق ماقصر والله
رمى طارق علبة المناديل على طلال:ليتك تكرمنا بسكوتك بس
مات طلال ضحك هو وابوه وأبو سعد
دخل سعد:وهذا الفطور ووصل ياويلك ماتاكله كله
طلال:ههههههههههههه شفيكم ياعيال قلبتوا امي كلكم
سعد وطارق:موصيتنا عليك تحسبك ورع للحين
وضحكوا من الصدمه انهم تكلموا مع بعض
طلال وهو يأكل:مو صاحين قسم بالله
وبدوا يفطرون
~~~~~~ • • • • • ~~~~~~
بعد اسبوعين وماصار اي حدث جديد
<في المستشفى >
سعد كان جالس يقرأ قران
مشعل فتح عيونه:انت وين وش جابني هنا؟!
سعد فز ومسك يد مشعل:يا سِعد سعد اليوم ارحب يامشعللل ارتاااححح ولا تتحرركك ؛ودق الجرس وجو الممرضات
مشعل:من أنت وليش ماني قادر أشوف زين
سعد:مشعل أنا سعد ولد عمك ودرع جمبك
مشعل:ليش إنا بالمستشفى وش صار
سعد:بقولك بعدين كل شي بس انت ارتاح الحين ؛وطلع جواله يدق على طارق
الممرضه:لو سمحت تفضل معي برا
سعد:لحظه بس
الممرضه :تمام انتظرك ؛وطلعت
رد طارق وصوته مليان نوم:هاه هلا سعد
سعد:طارق مشعللل صحى ياطارررقققق تعال المستشفى
طارق فز من سريره وصقع اصبعه بالطاوله ونط وهو يمسك اصبعه بألم :آآيييي بذمتك ياسعد انت صادق!
سعد:اي والله يالله أنا بسكر أكلمك بعدين ؛وقفل الخط وطلع للممرضه
سعد:هلا
الممرضه:شدراك ان اسمي هلا تعرفني؟
سعد:لاحول ولاقوة إلا بالله لا يا بنت الأجاويد ما أعرفتس كنت اقصد انه تكلمي وش تبين
الممرضه:لهجتك غريبه اتس اول مره اسمعها
سعد ضحك:هذي لهجة اهل نجد ليش انتي من وين
الممرضه:من الشمال بس ولدت هنا وعشت بالرياض نروح للشمال بالإجازات
سعد انتبه ان عمه وطارق جو وقال:ايه ماكننا رحنا بعيد عن موضوعنا
الممرضه:اوه معليش كنت بقولك انه مشعل عنده فقدان للذاكرة مؤقت يعني بينسى بعض الأشياء وان شاء الله انها ماراح تطول معاه وبالنسبه للنظر فهو عشان تاثير الضربه اللي براسه وايضًا الغيبوبه لها تاثير وكلها يومين إلى أربعه وباذن الله بيرجع يشوف زين
سعد:زين متى يقدر يطلع؟
الممرضه :يمكن 5ايام او اكثر على حسب حالته
طارق:سعد
سعد:يعطيك العافيه
الممرضه:الله يعافيك أستاذ سعد؛وراحت
سعد ماعطاها اهميه ورد على طارق:ارحب
وسلموا على بعض
ابومشعل:شلونك يا سعد وشلون مشعل
سعد:أبشرك كلنا بخير يالله لك الحمد والحمدلله على سلامة مشعل
ابومشعل:الله يسلمك ياسعد والله ما ادري شلون نرد جميلك
سعد:لاوالله ياعمي لاجميل ولا شي إذا ماوقفت مع عيال عمي من أوقف معه
ابومشعل:نقدر نشوف مشعل؟
سعد:تو عطوه مهدىء ساعه ساعتين بالكثير وندخل خلوه يرتاح الحين
جو ذيب وابوه:السلام عليكم
الكل ردوا السلام
ابوذيب:شلونه مشعل عساه طيب؟
ابو مشعل:ابشرك انه طيب وصحى اليوم كان سعد عنده
ابوذيب:الله يجعله شلونكم انتم
الكل اختلفت ردوده(بخير؛الحمدلله بخير)
أنت تقرأ
جيتي مثل الغيث والدنيا صحوه
Mistero / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
