فلاش باك قبل 7سنين
كانو متجمعين الكل في بيت الجد عبد المجيد بحكم شغلهم ودواماتهم أن كل واحد كان بمدينه قبل العيد بيومين ويكملون تجهيزات العيد مع بعض
في المطبخ الساعه 4PM
ام مشعل:رحاب روحي نادي مشعل يبدل الغاز خلص
رحاب :ابشري خاله
عند جلسة الرجال كانو حاطين فرش بالحوش وراشين الأرض عشان تبرد كانو جالسين بحلقة قران ويقرون
رحاب جت وجلست لين وقفو قرايه :مشعل خالتي تقول تعال بدل الغاز
مشعل :طيب
وقام يدخل ولحقوه رحاب ومشعل
رحاب:وش تبي انت روح
طارق ناظرها وطنشها: مالك دخل ماجيت عشانك جيت اساعد مشعل
رحاب دخلت لمجلس النساء تساعد البنات يرتبون الصاله عشان يحطون السفره والفطور
بالمطبخ كان مشعل يبدل الغاز بحكم أنه أكبر واحد من الأولاد اللي يقدر يساعدهم بهذا الشي وخلص
ام سعد :مشعل خذ الأطفال الصغار لاعبهم برا عن المطبخ لا يحوسون الفطور علينا وقل لعمك ولا سعد يجيب الاغراض اللي ناقصه
مشعل : ابشري خاله ، يلا الحقوني اول واحد يفوز علي بالكوره هو اللي بياخذ اللي يبيه من البقاله ،قامو الاطفال يلحقونه للشارع يلعبون كوره
عند الرجال
ابو سعد: هلا بسعد شيكت على العزبه
سعد:ايه يبه وترا رتبت السور حق الضحايا
الجد عبد المجيد : على طاري الضحايا مابقى شي على العيد لازم نجيبها قبل العيد بيومين عشان نفتك من همها ونتفرغ للأشياء الباقيه
ابو مشعل: ايه أنا وأبو سعد بنروح بكره العصر إن شاء الله ندور على ضحايا
الجد عبد المجيد: إن شاء الله على خير ،نسيت اقولكم ترا الليلة عقب التراويح جارنا عبد القاسم مسوي جمعه وعازمنا عليها لحد يتأخر عليه
الكل:ابشر
عند النساء
ما بقي شي ويأذن المغرب
ام سعد:رحاب الجوهره اخلصو تراها ثلاث صحون اللي باقي يجيبوها بسرعه وتعالو مابقى وقت بياذن
جو الجوهرة ورحاب وأذن وبدو يفطرون
عند الرجال
اذن المغرب
بدو يدعون:ذهب الظمأ وابتلت العروق وثبت الأجر إن شاء الله
ليلة العيد كانو الكل مبسوطين وفرحانين وبدت مشاوير التجهيز للعيد
ابو مشعل طلع وشغل سيارته:كلكم جاهزين نمشي؟
ام مشعل:اصبر باقي نورة ماجت
ابو مشعل:روحي رحاب نادي عمتك خليها تستعجل عشان يمدي نرجع بدري
رحاب:ابشر
ونزلت بتناديها الا هي طلعت
رحاب :ياحليلك ياعمه ماتعبتيني طلعتي على طول
نورة:اقول امشي بسرعه مالي خلق ابوك يهزأنا الحين ههههه وركبوا السياره وانطلقو للمول وماهي الا لحظات ووصلوا نزلو وتقسموا لمجموعتين وبدوا كل وحده تتقضا من فساتين للاكسسوارات والخ.. انتهوا من التسوق ورجعوا للبيت
ببيت الجد عبد المجيد
بما أنه ليلة العيد اكيد بيلعبون بالالعاب الناريه والطراطيع
كانو العيال متجمعين ويطرطعون بالشارع كان طارق اخذ الالعاب اللي تنور بالسماء وكان يحاول يشغلها وماهي الا لحظات وناداه أبوه
ابو مشعل : طارق ياولدي نزل الاغراض من السياره ودخلها
طارق : ابشر يبه ، وما انتبه للالعاب انها اشتغلت بيده
وماهي إلا لحظات ويسمعون صراخه ويقومون الكل ويركضون للشارع وشافو طارق يده تنزف جاء ابو مشعل
ابو مشعل : وش فيه وش صاير
طارق:يبه يدي تالمني
ابو مشعل أخذ طارق وتوجه للطوارئ
بالمستشفى...
دخل ابو مشعل ومعه طارق واتجهوا للريسيبشن
ابو مشعل:السلام عليكم
الموظف:وعليكم السلام اسم المريض والإصابة
ابو مشعل:طارق خالد ال...... كان يلعب بالالعاب الناريه وانجرحت يده
الموظف:سلامته تفضل للغرفه اللي نهاية السيب يمين
راحو ابو مشعل وطارق ونظفوا له الجرح وسووله غرز وتوجهوا للبيت راجعين ووصلوا وبدو يرتبون للعيد ومن عادات ليلة العيد مستحيل احد ينام كانوا مجتمعين بالحوش اللي تجهز التوزيعات واللي تنسق الورد واللي تكلم محلات الحلا
يوم العيد الصباح
صحوا الرجال وبدوا يتسبحون ويتجهزون لصلاة العيد
العيال عند الحمام يكرم القارئ يحجزون الأدوار
طارق : أنا بعد مشعل
ذيب:لا أنا اللي بعد مشعل
مشعل يناظر فيهم ويضحك عاجبه وضعهم وهو مريح
طارق:لا والله تخسي أنا اللي بعد مشعل
سعد :لا انت ولا هو انا بعد مشعل
طارق ماقدر يقول شي واستسلم للأمر الواقع درا أن ما باليد حيله تسبحوا وخلصوا
بدو يكشخون كان ذياب لابس ثوب كحلي وشماغ ابيض
وطارق كان لابس ثوب بني وشال ابيض مع ازرق
ومشعل لابس ثوب اسود وشماغ احمر
سعد كان لابس ثوب زيتي وشال بني
وتوجهوا للسيارات وكل واحد يمر أهله ياخذهم لمصلى العيد مشعل وطارق كانوا مع بعض بالسياره بحكم انهم اخوان
عند البنات ..
كانوا بالغرفه مشغلين اغاني ويحطون مكياج
كانت الجوهرة تسوي شعرها بني و طوله متوسط ومكياجها سموكي وفستانها ازرق مكشوف الكتوف وقصير لتحت الركبه
أما رحاب كان مكياجها خفيف وروج احمر وشعرها قصة walf ومتوسط الطول وفستانها احمر بدون اكمام و طويل
ومها كان مكياجها خفيف وروج بينك وشعرها اشقر ستريت قصير وفستانها لونه اسود قصير حركة الـV
ومشاعل كان مكياجها حلو وفستانها بينك وشعرها ويفي وقصير ولونه اسود وفستانها ابيض وفيه ورود بينك
أما الهنوف مكياجها خفيف وروج احمر وشعرها طويل اسود وفستانها اسود قصير فوق الركبه
ولميس وميس كانو حاطين مكياج خفيف جداً وشعرهم قصير وفساتينهم بُنيه
رحاب كانت تحط بلاشر وتغني مع الأغنيه: الله على ذا الليل لو كان ما جابك اشتاقلك بالحيل لايطول غيابك وتكمل
دخلت ام سعد:منهو ذا اللي مشتاقه له ،اقول اخلصي بسرعه يلا وانتم بعد قومو البسوا عباياتكم لا تاخرون اخوانكم على صلاة العيد يالله قوموا
البنات قاموا وهم يضحكون على شكل رحاب وهي مصدومه ومتفشله وأخذوا عباياتهم وطلعوا
كانوا العيال متجمعين عند الباب ويصورون ويضحكون ويطقطقون على بعض
طلعوا ام مشعل وام سعد وام ذيب
ام مشعل:مشعل وين سيارة ابوك ليش جاي بسيارتك ما راح تكفي ام ذيب بتجي معنا
مشعل : ماعليك تقسموا مجموعتين مجموعه معنا ومجموعه مع سعد إن شاء الله بتكفي ابوي اخذ سيارته وأخذ عمامي كلهم معه بسياره وحده
ام مشعل:زين خل البنات معك أجل بما أن سيارتك صغيره بتكفيهم ولا حنا مو مكفيتنا بنروح مع ذيب نتوسع هههههههههه
ضحك منها مشعل ودخل داخل البيت عشان البنات ياخذون راحتهم وهم يركبون ولحقه طارق
ركبوا كلهم مابقى إلا مها والهنوف ورحاب
طارق :ركبتوا كلكم ؟
مها: لاباقي أنا والهنوف
طارق:مشعل امش ركبوا خلاص
وطلعوا بيركبون الا شافوا الهنوف و مها باقي ومعهم رحاب
طارق ناظر لرحاب وهو مستانس مع انها متغطيه الا انه عرفها :وحدة تركب قدام انا بروح مع ابوي أجل
الهنوف:أنا بركب قدام
مها:لا أنا قدام
الهنوف:ياحليلك يامها تحلمين واجد أنا قلت قبلك ،وركبت قدام
دق ذيب على مشعل : شكلها ماكفتهم السياره ترا فيه مكان خلهم يجون
مشعل:زين أجل بقولهم وقفل الخط
ناظر لمها:ذيب يقول فيه مكان بالسياره إذا ما فيه مكان روحوا معه
مها:زين بس بالرجعه ترا بجي معك
ونادت رحاب معها وراحوا يركبون مع ذيب وراحوا لمصلى العيد وخلصوا صلاة العيد وتفرقوا للسيارات
مها ركبت مع مشعل قدام أما الهنوف ركبت ورا هي و الجوهرة ومشاعل وميس والباقي مع ذيب
مها :مشعل بشبك بلوتوث بجوالك عشان اشغل اغاني
مشعل فتح جواله وعطاها وهو عارف ليش ماشبكت من جوالها مها شغلت أغنية وبدت تصور مشعل ستوري سناب لما خلصت اخذ جواله وشغل أغنية غالي وبدأ يغني معها ويناظر المرايه وماهي الا لحظات ولكنها عند الجوهره كأنها ساعات ووصلوا نزلوا البنات ودخلوا وبدوا يجهزون القهوه والحلا والبخور أما الجوهرة كانت معهم ولاهي معهم بدت تأخذها الهواجيس جتها رحاب
رحاب : اخيراً لقيتك ماما لها ساعه تناديك بالمجلس وين البخور؟
الجوهرة :يوه نسيت يالله لحظه بس واجيبه قعدت تكلم نفسها وتضرب رأسها أنا بقره وشلون نسيت اسوي البخور وجلست تحوس بالادراج تدور البخور والفحم أما البنات قد خلصوا القهوه والحلا والشاي وراحوا يستقبلون الضيوف والجيران
عند العيال
راحوا للعزبه عشان يذبحون الخرفان
مشعل دق على طلال ماهي الا ثواني ورد: طلال انت بالبيت صح بالله وانت جاي الله لا يهينك جب السكاكين معك نساها سعد
طلال:زين بس وينها؟
مشعل:سعد يقول حاطها بالمطبخ الخارجي (المطبخ الخارجي مايستخدمونه من زمان فصار مستودع)
طلال :زين أجل أنني جايكم بسرعة قرنديزر
مشعل:هههههههههههههه وقفل الخط
وصل طلال ومعه ذيب وبدوا يذبحون الخرفان مابقي الا واحد وقال طلال:أنا برجع استقبل الضيوف وباخذ معي وحده من اللحم الباقي عددكم جيبوها وركب سيارته وراح
مشعل:يا طارق جب الخروف اللي عندك
طارق كان لاهي بالجوال وفتح الباب وانحاش الخروف
مشعل:ياطارررققققق الخروفففففف
طارق :الخروف انـ...سعدددد ياسعد الخروف والله إن يذبحني ابوي بداله
ذيب وسعد راحو يركضون يحلقون الخروف ومشعل اخذ السياره وراح من قدام الخروف عشان يحجرون له ويمسكونه الخروف شاف نفسه انحشر لف باتجاه سعد وبدأ يركض سعد شاف الخروف يركض جهته لف ورا وراح يركض وطارق ميت ضحك ويصورهم
دق ابو مشعل على مشعل :الو وينكم ماكانكم تاخرتوا اخلصو ترا الضيوف بدوا يجون
مشعل:إن شاء الله جايين مع الطريق
ابو مشعل:كفو ولدي يالله استعجلوا وقفل الخط
مشعل :سعد رح يسار خله يدخل السور عشان يمدينا نقفل عليه ونمسكه
لكن سعد ماسمعه من قوة الركض والخروف وراه وذيب يركض ورا الخروف ومشعل يمشي وراهم طاح سعد من الركض ولف مشعل لين وصل جنب الخروف ويفتح الباب ويمسك الخروف
مشعل:ههههههههاي اخيراً مسكتك
ذيب:السيارررره مشعلللللل
مشعل ناظر وراه الا السياره تمشي متجهه للغرفه اللي واقف عندها طارق ويناظر بالجوال :طاررررق
قام سعد وراح يركض للسياره ويركب ويوقفها وينزل يركض لطارق:انت غبي السياره كانت بتصدمك وانت تناظر الجوال
طارق :صدق تخاف علي؟
سعد: والله انك خبل صدق لو اني داري ماوقفتها
طارق :هههههههههه نمزح معك ياخوي وراك عصبت
ثم راحوا يساعدون مشعل وخلصوا وركبوا راجعين للبيت
ذيب :مشعل رح بدل وانا بدخل اللحم واجي
مشعل:زين تسوي والله انهلكت سعد تعال بدل عشان تساعدني نستقبل الرجال وانت ياطارق رح ساعد ذيب
طارق :ازهل
ودخلوا مشعل وسعد يبدلون وراحوا يستقبلون الضيوف اللي يصب القهوه والي يمشي بالبخور
في المطبخ عند الباب الخلفي
جاء ذيب بيدخل وتنحنح ومحد رد عليه والإضاءة كانت طافيه توحي أن مافيه أحد وراح جاب اللحم وبدأ ينزلهم واحد واحد ثم دخل عشان يدخلهم حس بحركه بالمطبخ بس ماعطاها اهميه لان محد رد وشال اللحم ودخل ونزلها على الطاوله وراح جاب الكرتون الثاني ودخله وراح يجيب الكرتون الثالث ودخل اول ما دخل الا شاف أحد ورجع الجوهره حست بحركة عند الباب نزلت السماعات وخلصت من البخور وبتطلع الا شافت الباب الخلفي فاتح راحت بتقفله و لمحت واحد طويل اسمر حسبته اخوها
الجوهرة:سعد وش بغيت؟
ذيب ناظر لها وماقدر يتكلم بما أنه خجول وصد بيطلع
الجوهره: يا هوه اكلمك وش فيك ما ترد؟
ذيب:معليش دخلت بالغلط ما انتبهت والإضاءة طافيه حسبت مافيه احد بالمطبخ
الجوهرة من سمعت صوته كان أحد كب عليها مويه بارده تصنمت مكانها، جات مها
مها:الجوهرة طولتي علينا من اليوم ننتظرك
الجوهرة: اااا تو خلصت البخور جايه وطلعت ولحقتها مها
ام سعد:وينك من اليوم تسوين بخور مره طولتي ما كاني قلت لرحاب تناديك تعالي شغلي السماعه
الجوهرة:اسفه يمه ،ابشري الحين اشغلها، وقامت شغلت أغنية راشد الماجد تهاني العيد
وبدوا يصورون ويرقصون ويتناوبون على الاغاني
بعد شوي جاء ابو مشعل وباقي إخوانه عشان يعايدون بناتهم وأمهم قبل لايجون الرجال
ابو مشعل سلم على أمه:من العايدين وكل عام وانتي بخير
ام خالد:من الفايزين وانت بخير يارب
بدوا يتبادلون المعايدات وطبعاً اكيد البنات اشغلوهم بموضوع العيديات وبدوا يوزعون العيديات والفرار الفرار طلعوا يستقبلون الضيوف
سعد دق على الجوهرة وماردت ودق على أمه وماردت دق على رحاب وردت
سعد:رحاب طلعيلي ثوبي بسرعههه
رحاب :طيب، وطلعت رحاب عشان تعطي سعد ثوبه نزلت كعبها وأخذته بيدها عشان تقدر تركض وبدت تركض لين وصلت الغرفه وأخذت ثوب سعد واعطته ثوبه ورجعت ركض وصلت للجلسه اللي بالحوش جلست تلبس كعبها لتكمل طلتها ولم تنتبه لتلك العيون التي تسترق النظرات من حين طلعتها من المجلس حتى ذهبت عن أنظاره خرج لقسم الرجال ولكن جاه مشعل وقال له
مشعل : رح خلهم يسوون قهوه ترا هذي قربت تخلص
وراح يقول لامه أو أحد خواته ولكن اول مادخل شاف ام سعد
طارق:كيفك ياخاله وكل عام وانتي بخير
ام سعد:هلا الحمدلله بخير انت شلونك وانت بخير وصحه وسلامه الحمدلله على السلامه
طارق:بخير دامك بخير الله يسلمك يارب خاله عادي تنادين لي مها ولا الهنوف ابيها تسوي قهوه
ام سعد:زين الحين اناديلك مها وراحت تناديها
مها:نعم؟!
طارق:مشعل يقول سوو قهوة
مها :طيب روح إذا خلصت بدق عليك وراحت تسوي القهوه
انتهى >>>>>رايكم بالبارتات؟ 😄
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
