جيتي مثل الغيث والدنيا صحوه

Part 28

الجوهره:ههههههههههه ايه يالله 1..2..3...قولي
ذيب:بنروح لـ ألمانيا
الجوهره لفت له ومسكت يده بيدينها الثنتين:صدق؟!
ذيب: هههههههههه ايه
جلست الجوهره تهوجس كيف تصارحه وهي ماسكه يده للان
—————•••••—————
ذيب:فكي يدي خليني اسوق زين
الجوهره عدلت جلستها زين وفكت يده:معليش
ذيب:عوافي
وبعد لحظات وصلوا المطار وعبوا بياناتهم وخلصوا الإجراءات حقت المطار واعلن المطار عن بوابة رحلتهم ووقت انطلاقها اخذوا اغراضهم وطلعوا يصعدون الطياره
الجوهره مسكت ذيب بظهره وجلست تصيح وتنط لف لها ذيب ومسك يدينها :وش فيتس تو كنتي مبسوطه
الجوهره:ذيب خلاص كنسل السفره
ذيب:مقدر لان السفره للبزنس وشهر العسل وش فيتس انهبلتي؟
الجوهره:تكفى ذيب الطياره تخوف اخاف تطيح فينا
ذيب ضحك وسحبها معه بقوه:هههههههههه بلا دلع امشي معي بس؛وصعدوا السلم ولما قربوا من باب الطياره طاحت الجوهره مغمى عليها تجمعوا الطاقم حق الطياره والهلال الأحمر وقعدوا يفحصونها وطلع عندها هبوط بالضغط وركبوها الطياره من بدت تصحصح وجلسوا بمقاعدهم
الجوهره شدت على يد ذيب وهي تحس انها بتستفرغ وخايفه اعلن كابتن الطياره عن الاقلاع وبدت تتحرك الطياره معلنه انطلاق الرحله خارج البلاد
الجوهره:ااففففف ذيييببب خاييفففه
ذيب حط راسها على كتفه:نامي لما نوصل بصحيك ارتاحي؛ وفعلاً بعد لحظات نامت
غلا كانت تراسل ذيب:ذيب وينك لك يومين صاير ترد متاخر وماترسل إلا إذا ارسلت ؟
ذيب ابتلش لا تشك غلا:هلا حياتي مسافر تعرفين شغل وكذا
غلا:منجدك وين؟
ذيب:لالمانيا
غلا:حلو عاد اجوائها حلوه؛وفتحت موقعه واكملت؛متى سافرت؟
ذيب:اليوم
غلا:توصل بالسلامه ياروحي عاد استأذنك بروح أكمل دراسه بااي
ذيب:باي بالتوفيق
غلا:وياك؛وقامت تجهز لخطتها
<عند مشعل>
قام متأخر على دوامه وفتح جواله يشوف الساعه ومسك راسه :اوووف الساعه 8:20AM تأخرت على الميدان ؛وقام اخذ شاور بسرعه ولبس بدلته ونزل بسرعه سلم على راس امه وطلع لسيارته متجه للدوام دخل وصادف حمدان ودق تحيه له بما انه اعلى رتبه منه
حمدان:وش عندك متأخر؟
مشعل:خلني استريح وأعلمك ياولد العم
حمدان:ولد العم برا الدوام أنا هنا اللواء حمدان
مشعل بصوت خافت:والله مايحصلك طيب
حمدان:وش قلت؟
مشعل:اقول ابشر حضرت اللواء حمدان
حمدان:زين استريح وألحقني للمكتب
مشعل:ليشش؟
حمدان تكتف:عشان تكتب خطاب تأخير
مشعل:أنا تأخرت عشان الكفر بنشر علي
حمدان:مشها على غيري مريت بيتكم وماكان بالكفر شي
مشعل بتفشل مسح على راسه:الصراحه رجعت البيت متاخر وراحت علي نومه
حمدان:زين بتكتب خطاب عشان ماتروح عليك نومه ثاني مره؛وترك مشعل وراه
مشعل وهو يشوف حمدان بعد عنه:الله يقلعك ياحمدان ؛وراح لمكتبه
<في بيت ابو مشعل الساعه 9:30AM>
طارق:الهنوف حلا جاهزين؟
الهنوف طلعت من غرفتها وحلا معها ونزلوا :ايه جاهزين
طارق :امي ومها ماراح يجون؟
الهنوف :لا
طارق:اجل بسم الله مشينا ؛وأخذ مفاتيحه وطلع ولحقوه الهنوف وحلا
الساعه 1:30PM
طارق اتصل على امه :السلام عليكم يالغاليه شلونتس
ام مشعل:وعليكم السلام يأهلا بخير وينكم
طارق:قريب لاتسوون غداء بجيب معي
ام مشعل:زين ياوليدي
طارق:مع السلامه
ام مشعل:ياهلا؛وقفلت الخط
مها دخلت وسلمت على امها وأبوها:مساء الخير
الكل:مساء النور
مها:كيفكم
الكل :بخير
ابو مشعل:ليه مارحتي مع البنات تتسوقون
مها ضحكت : ههههههههه أنا والغاليه مخلصين ومجهزين
ابومشعل:سنعات ما شاء الله عليتسن
مها:ههههههههههههههههه يالله بروح ابدل واجيكم
دخل طارق ومن بعده حلا والهنوف:السلام عليكم
الكل:وعليكم السلام
الهنوف :مشعل وين؟
مشعل وهو نازل من غرفته:عيون مشعل
الهنوف وهي تلقط انفاسها :وش ذا الروقان عـ.عـساه دوم يارب تعال بعد الغداء أبيك بموضوع
وحطوا الغداء وتغدو واستنفروا يتجهزون
الهنوف:حلّوي روحي اجهزي وخلي الباقي علي
حلا:تمام؛وطلعت فوق تتجهز وبدت بتجهيز اللبس وكان فستان ازرق وبعده الميكب اللي ساعدتها فيه مها واخيرًا لبست فستانها وختمت طلتها بالعطر والبخور
الهنوف نادت مشعل وطلال يركبون الديكور لانه ما بيساعدهم الوقت ينتظرون العمال يجون وخلصوا بقرابت الساعه وراحوا يجهزون
الهنوف رتبت الصاله والحوسه وصعدت تتجهز فتحت الباب وشهقت ودمعت عيونها:حلّويييي قمر قمر قمرررر بسم الله عليتس الأزرق عليتس يمووت الله يكون بعون تركيي تهببلللييينننن
حلا:هنوفييي اخخخخ بس متوتره مره افففف احس بصيح
مها:وربي كف لو صحتي ميكبتس بيخرب بسبب الهنوف هنوفوه خذي اغراضتس وروحي اجهزي بغرفة امي
الهنوف اخذت أغراضها :ابوك يالطرده على مستووى باي قبل تاكلني ؛وطلعت وسكرت الباب
مها:مالومها شهقت بسم الله عليتس الرحمن آلرحيم عاد بروح البس وأجهز لاتطلعين ولا تفتحين الباب ؛وطلعت اخذت حلا جوالها وجلست تصور لامها وخواتها؛ام حلا :قمر يابنتي قمر ؛ندى:ياحياتي حلّوي الله يوفقتس؛جوهره:تجننين الله يحفظتس؛حلا :ودي انكم معي ☹️؛ام حلا:ان شاء الله يامي نحضر بزواجتس؛حلا:امين
الساعه 6:30PM جاء الشيخ وصارت حلا حرم تركي اخيرًا ولكن ابو حلا رفض رفض قطعي ان تركي يشوف حلا قبل الزواج وتركي ماحب يحرجه وسكت وانتهى اليوم على خير
<عند ذيب والجوهره>
وصلوا للأراضي الالمانيه
ذيب وهو يصحي الجوهره:جوجو الجوهره
الجوهره وهي تفتح عيونها بشويش:وصلنا؟
ذيب ابتسم :ايه يا خوافه
الجوهره طقت كتفه:اسكت بس؛وانتبهت للرساله ولكن مادققت فيها واخذت شنطتها ومسكت يد ذيب ونزلوا ذيب كان حاجز سياره تاخذهم للاوتيل اللي بيجلسون فيه ودخلوا للأوتيل وتوجهوا لجناحهم وبدت الجوهره ترتب اغراضهم وبدلوا ملابسهم بما انه مره برد ولبسوا لبس ثقيل وطلعوا يتقهوون فجاءه وهم جالسين بالكفي جت لذيب رساله فتحها ؛غلا مرسله صورة الكفي اللي هم فيه وكاتبه كم رقم طاولتك؟ جايبه لك شي معي
ذيب توتر وتنحنح:الجوهره أنا بطلع شوي اشوف إذا فيه مطعم كويس وقريب هنا ولا لا وبجي لاتتحركين
الجوهره كان ودها ترفض خايفه:تمام
طلع ذيب وارسل لغلا :وش دراك عن موقعي؟
غلا:هوووو حبيبي شفيك ؟ وينك بجيك أتفاهم
ذيب طالع للكفي وشاف ان الجوهره مشغوله بالقهوه ولاهي يمه :تعالي أنا برا عند الكفي
نزلت غلا بعد ماحاسبت التاكسي وضمت ذيب:اخيرًا حان اللقى
ذيب أبعدها عنه :وش كنتي تبين غلا ؟
غلا :ابييككك
ذيب:غلا مب وقتك قلت لك جاي عشان اشغال مب ترفيه !
غلا:شفيك فجأه تغيرت علي؟
ذيب:ماتغيرت ولا شي بس جيتي في وقت كنت مع احد شركائنا وعندنا اجتماع عشان كذا عصبت
غلا وهي تسوي نفسها مب داريه انه مع الجوهره ومتزوجها:اوكي بيبي بس اليوم أبيك لي ومعي اموواح وراحت بعد ماوقف لها ذيب تاكسي ركبت غلا وارسلت له رساله:موعدنا اليوم الساعه 8PM وانت عندي بيبي😆
رجع ذيب لـ الجوهره
الجوهره:ذيب شفيك طولت قهوتك بردت ؛ومسكت يده؛حتى يدك بردت
ذيب:شكل الجو برد بزياده خليني أوديك الأوتيل قبل تبردين وتمرضين وانا بروح اخلص الاجتماعات
وطلعوا للاوتيل واخذوا عشاء بطريقهم دخلت الجوهره لجناحهم وذيب طلع وراح للموقع اللي أرسلته غلا له وارسل لـ الجوهره :بتأخر مرره لاتنتظريني
الجوهره بدلت ملابسها اللي كانت كلها مويه بسبب المطر وجلست على جوالها وشافت رسالة ذيب وردت :ليش؟ ؛وجلست تنتظر رده لين نعست وهو مارد ثم نامت
-انتهى🦋✨-