جيتي مثل الغيث والدنيا صحوه

Part 38

طارق همس لذيب:الحقني برا !
ذيب بتوتر:ليش؟
طارق:تعال وتعرف ؛
وطلع ولحقه ذيب وبعدهم بشوي لحقهم طلال بدون مايدرون
——•——•——•——•——•——
<بالمجلس>
ابو سعد:والله مدري شلون بقولك لكن البنت وافقت والله يوفقهم موعدنا الأسبوع الجاي
حمدان دق جواله وطلع يكلم برا
مشعل فز:الاسبوع الجاي مقدر عندي مهمه بالجنوب ماتقدرون تقدمونها؟
<عند طارق>
اخذ ذيب معه ورا المجلس
ذيب:هاه شعندك جايبنا هنا؟
طارق:ذيب شف والله لو ماتترك الجوهره بحالها مايحصلك طيب
ذيب:وش دخل الجوهره الحين أنا مطلققههها!
طارق بحده:ذيب لاتقعد تستغفلني شفتك امس بالليل وانت رايح لها لا ووين ببيتهم صدق انك ماتستحي وترا سمعت كل شي لا وأزيدك من الشعر بيت تراني اعرف انك للحين ماتركت حركاتك القديمه لاتسوي نفسك ماتعرف وش اقصد
ذيب باستغراب:وش؟
طارق:تبيني اقول طيب تراني ادري انك للحين تكلم ذيك أللي اسمها غلا ومأخذ الجوهره عشان تقهر مشعل وترا لو ماتترك مشعل والجوهره بحالهم والله واللي رفعها سبع لأعلم عمي عن عمايل ولده

<في المجلس>
ابو سعد:ابد الرأي عندك متى تبي تملك
مشعل:بكره
دخل حمدان :مشعل تقدمت المهمه وصارت بكره وترا حتى أنا بروح معك تو كلمتي الوليد وقالي
ابو سعد :اجل الليله تملكون

<نرجع لطارق وذيب>
ذيب أنصدم ومسك فم طارق وبخوف ان احد يسمعه:خلاص بسوي اللي تبيه بس اسكت لاحد يسمعك
طارق ابعد يد ذيب:زين ؛
وهو راجع للمجلس صادق طلال :وش عندك هنا؟
سحب عليه طلال ومارد وراح لذيب:اللي سمعته صدق؟
ذيب لف لطارق:كله منك من باقي ما درى؟
طلال مسك ذيب من ياقته:اللي ماترضاه على خواتك لا ترضاه على بنات الناس وتقعد تلعب عليهم واذا تبيها
أنا بساعدك تعدل غلطك بس لو تفكر بس انك تأذي مشعل وتخرب حياته والله ان تندم وتمنى ربي ماخلقك!
ذيب دف يد طلال عنه:وشلون كيف بتساعدني؟ والشيبان مانعيننا من ان نتزوج من برا عايلتنننا
طلال:بقولك بعدين انت تبيها الحين ولا لا؟
ذيب:ايه ابييها
طلال:اجل موضوعك عندي وأعتبره منتهي
مشينا قبل احد يشوفنا

<بالمجلس>
مشعل:أنا استأذنكم؛
وطلع
شافه طارق ولحقه مسك ذراعه:هيه ولد شصار؟
مشعل:وافقت يا طارق وافقت اخخخخخ يالسعاده
طارق ضمه بفرح:مبروك يا مشعل مبروك بس بقولك شي بس ماتزعل
مشعل فكه باستغراب:وشو؟
طارق :كنت ادري انها موافقه من الصبح بس ماقلت لك ؛
وركض لبيتهم
مشعل لحقه يركض:وشلون كنت تدري ياحيوان؟!
طارق دخل للبيت وهو يضحك وصعد لغرفتهم وسكر الباب
مشعل وهو يطق الباب:اطلع ياطويرق ولا والله مايحصلك طيب!
الهنوف وهي تصعد فوق ومعها صحن فيه مكسرات وتاكل منه :وش فيكم صوتكم عالي؟ ايه نسيت اقولك مبروك !
مشعل:وشو؟
الهنوف شهقت وسكرت فمها بيدها
مشعل:وجع استغفرالله وشفيتس ؟مغير تشاهقين غصيتي ؟
الهنوف:لا يكون خربت المفاجاه قبل يعرف؟
طارق من ورا الباب:لا هو يدري بس مفيه مدري تاثير
الشمس هههههههههههههههههههههههههههه
مشعل:اوه الله يبارك فيتس تجهزتوا؟ ترا الملكه بعد شوي
الهنوف بصدمه :وشو ؟ تكذب!
مشعل:والله
الهنوف:وش معجلك؟ مايمدي نجهز افف منك افف
مشعل تنهد:لان لازم امشي للجنوب اليوم
الهنوف بدموع :شلون كيف كذا طلبتك يا مشعل لاتروح
مشعل ضمها وهو يمسح على ظهرها:ودي ما اروح بس لازم ولا معجبتس ان حمدان يفرض اوامره عليّ يالله روحي اجهزي مابي وجهتس عبوس بيوم زي ذا
الهنوف ابتسمت من بين دموعها:ابشر؛
وراحت لغرفتها
طارق فتح الباب:كذاب صدق بتروح؟
مشعل:اي والله ما مداني اتهنى كله من تحت راس حمدان الزفت هذا
طارق ضحك:ههههههههههههههه ياخي حمدان
هذا منتهي يالله خلنا نروح عشان يمدي نجهز
-اللي بالمجلس افترقوا يجهزون-
<الساعه 7:30PM في بيت ابو سعد بعد عقد القران>
كان مشعل بالمجلس لحاله ينتظر دخول الجوهره؛
دخل الجوهره وكانت لابسه فستان احمر وشعرها مفتوح
قام مشعل من شافها دخلت ومشى باتجاهها إلى ان حاوطها بين يديه :
ياهلا باللي له وسط عيني مكان ووسط قلبي
رفوف ولك بين حدب الضلوع العوج ممر
[منقول✨]
ياهلا يالجوهره ياهلا
الجوهره بكت:هلا فيك يا مشعل
مشعل فز بخوف عليها وحاوط وجهها
وهو يطالعها:افا يا الجوهره تبكين !وش بلاتس لا تبكين جعل ربي يبكي من بكاتس
دفنت الجوهره وجهها بصدره :كنت اخاف اني ارجع لذيب واعيش نفس الشعور مره ثانيه إلى ان شفتك قدامي وارتحت
مشعل وهو يشد على حضنها:هذا انتي معي وشله تخافين والله والذي رفعها بلا عمد انه مايمس شعره منتس لو على جثتي انتي الحين على ذمتي وتحت ظلي وابن ابوه اللي يقرب صوبتس ؛
ورفع وجهها وهو يمسح دموعها
الجوهره ضحكت بفشله من شافت ثوبه:طبع الميكب على ثوبك
مشعل ابتسم:يفداتس الثوب وراعيه ؛
وأخذ المناديل يمسح ثوبه
الجوهره: مشعل صدق بتروح لمهمه؟
مشعل وهو مشغول بتمسيح ثوبه:ايه كلها كم شهر وراجع بس المهم اخذتس من عيون اللي يبونتس مرجله وعناد مثل ما ياخذ البحار من جوف البحر درّه
الجوهره ابتسمت ونزلت راسها بخجل ورفعت راسها وهي تطالع لثوبه اللي للحين مانظف ونطقت بضحكه:ههههههههههههههههههههه اصبر يجيبلك جاكيت ؛
وطلعت ومشعل يتأملها إلى ان غابت عن أنظاره
<عند الجوهره>
طلعت لغرفتها وهي تدور جاكيت وابتسمت من حصلت جاكيت اسود واخذته وطلعت للمجلس
الجوهره:أنا جيت؛
لف لها مشعل وأخذ الجاكيت منها ولبسه وابتسم لها من شافها تقفل الجاكيت له وسحب يدها له ودخل يده لجيبه يطلع الاسواره ولبسها الجوهره ونطق:هذي ما أبيتس تنزلينها من يدتس لانها تزهاها ؛
وباس يدها
الجوهره ابتسمت بخجل:الله لايحرمني منك
قرب مشعل وهو يحضنها:ولا منتس انتبهي لنفستس بغيابي
الجوهره:وانت بعد انتبه لنفسك استودعتك الله الذي لاتضيع ودائعه
باس مشعل جبينها ؛
وطلع
الجوهره طالعته لين طلع ورجعت تتأمل الاسواره ودخلت
<الساعه 10:30PM في بيت ابو مشعل>
مشعل بالغرفه يرتب شنطته وقفلها وأخذ بدلته وطلع للصاله وحصلهم مجتمعين
طلال:ياشينك تعرفني اكره الوداع كان انتظرتني أسافر بعدين سافرت ؛
وضم مشعل
مشعل وهو ضامه:كلها شهور وراجع بإذن الله؛
وراح دق تحية لابوه وسلم على يده ورأسه :توصي على شي يالقائد
ابو مشعل:سلامتك وتوقع مع الخط
مشعل:ابشر؛
وراح يوادع امه
ام مشعل وهي تبكي:الله يحفظك يا ولدي تروح وترجع بالسلامه يارب
مشعل وهو يسلم عليها:امين يارب وياتس؛
وراح لمها اللي ضمته وانفجرت بكى:ترجع بالسلامه يارب لاتنسى تجيبلي هديه معك
مشعل وهو يضحك:ههههههههههههههههههه ماتكون مها إذا ماطلبت هديه ابشري
الكل:هههههههههههههههههههههههههههه
طارق دخل:الشعلي؛
وضمه
مشعل وهو يبادله الحضن :طروق انتبه لنفسك ولاهلي لا أوصيك
طارق بضحكه: هههههههه اي اهل تقصدهم اللي هنا ولا هناك
مشعل طق راس طارق وهو ضامه وضحك :هههههههههه اللي هنا واللي هناك ؛
وتركه
-انتهى🦋✨