في منزل عائلة خالد:
الساعه 7AMفي يوم كأي يوم كانت مزنة تجهز الفطور مع بناتها نزل خالد
خالد:صباح الخير
مزنه:ياهلا صباح النور
خالد:كيف اصبحتوا
الكل: الحمدلله
وبدوا يفطرون
مشعل:يبه ما ودك نطلع للمخيم بما أن الأجواء بدت تزين ناخذ اجازه اسبوع و نقضيها بالمخيم و نستانس
خالد:والله انها مب شينه بس بكلم عمامكم منها نجتمع ونشوف بعض وننبسط ولا شرايكم
طارق:ايه يبه والله فكره حلوه أنا بعد الدوام بطلع ادور مخيم لاتنتظروني على الغداء
مشعل :وانا بطلع معه بعد
خالد:لا يا مشعل انت بعد الدوام تعال ابيك بموضوع
مشعل:بس يبه أنا بطلع مع طارق ندور مخيم
خالد:أنا قلت تجيني ابيك ياولدي بشي مهم كلمتي ماتغير وانت يا طارق بعد الدوام رح للمزرعه وضبطها عشان نجتمع فيها مامعنا الا يومين
مزنه:اسمع كلام ابوك يا ولدي
مشعل:إن شاء الله يبه تبي شي أنا بطلع تاخرت على الدوام
خالد:سلامتك
قام مشعل وسلم على رأس أمه وأبوه وطلع
الهنوف:يبه السايق مو جاي الا متاخر وانا محاضراتي تبدأ بدري قول لطارق يوصلني
طارق:بس انا عندي محاضرات بدري بعد ماراح يمديني اوصلك والحق على دوامي كلمي اوبر أو اي شي
خالد:طارق ماانت اخوها على الفاضي وبعدين بدال لاتتاخر امش بدري بيمديك توصل اختك وتلحق دوامك مايضر لو تاخرت مره عشان اختك
طارق ناظر الهنوف وحصلها تضحك بصوت خافت :اممم اوريك،ابشر يبه توصي بشي أنا بمشي قومي الهنوف قاطعت كلامه الهنوف:يبه خله يرجعني بعد
خالد ناظر الهنوف:اخوك بيطلع بعد الدوام برا الرياض بكلم مشعل يجيك
طارق ناظر الهنوف وقعد يضحك ويطنز عليها:يلا لانتأخر
الهنوف :انتظرني بجيب عباتي واغراضي واجي
طارق اخذ مفاتيحه وسلم على أهله وطلع ولحقته الهنوف
وبعدهم بلحظات طلع ابوهم
في منزل عائلة حمد:
كانوا محاوطين طاولة الطعام
حمد:ترا اخوي خالد كلمني أنه بيسوي عزيمة وبنجتمع كلنا ابيك يا ذيب تأخذ عمال ينظفون المزرعة وساعد عيال عمك بترتيب المزرعة ولاتنسى تاخذ كمال قالي يبيله اغراض (عامل المزرعة)
ذيب:ابشر على خشمي أوامر ثانيه
حمد:سلامتك ياولدي هههههه
ذيب :لميس خلصتي اكل؟
لميس: اصبر وين بتوديني بدري تو الناس شدعوه الحارس أنا افتح البوابه
الكل ضحكو
ذيب :هههههههه وتنكتين بعد
هدى:يالله امي لميس روحي نادي اختك يالله لاتتاخرون وتاخرون أخوكم معكم
لميس:ماما ميس ماراح تداوم اليوم
حمد:ليش مو على كيفها روحي ناديها
لميس:تعبانه اليوم ماراح تقدر تداوم
هدى:لا إله إلا الله كله من الآيس كريم قايله لها لاتاكلينه ماتسمع الكلام الله يهديها
ذيب:يلا لميس مشينا
قامو وسلمو على رأس اهلهم وطلعو
عند طارق و الهنوف
طارق كان مشغل اغنيه ويغني معها داخل جو فجأة صارخت الهنوف :اااااااا
طارق خاف ولف لها :وش فيههه بسم الله
الهنوف:بصيح نسيت قهوتيي تكفى ارجع بسرعه طاررق
طارق:وجع استغفرالله بغيت اسوي حادث بسبتك ما فيه رجعه ولا قهوه (بيرد لها حركتها المستفزه)
الهنوف تكتفت وسوت نفسها زعلانه بعد لحظات وصلو لجامعتها ونزلت بدون ماتنطق ولا كلمه
دخلت وحصلت صاحباتها وسلمت عليهم ساره صديقة الهنوف:غريبه جايه بدري اليوم
الهنوف:ايه وليتني ماجيت واضح اليوم سيء من بدايته
ساره ضحكت :ليه وش صار
بدت الهنوف تقولها
عند طارق..
طارق ما هان عليه يزعلها مهما سوت معاه واستفزته الا انه مايقوى زعلها منه ناظر ساعته وشاف انه لسى بدري معه وقت على الدوام
راح لكافي وأخذ له فطور وأخذ قهوه لها ولصاحبتها وتوجه لجامعتها
عند الهنوف ..
الهنوف جوالها دق وناظرت الا هو طارق عطته مشغول ودق مره ثانيه وطنشته دق مره ثالثه وخافت بس مابينت له: نعم شبغيت
طارق: تعالي أنا برا
الهنوف :ليش
طارق:اقولك تعالي تقولين ليش تعالي بسرعه لاتاخريني ، وماهي الا لحظات وجت الهنوف:شتبي؟!! الله قهوة ولا النوع اللي احبه افف منك تعبتني بحنيتك مهما سويت فيك ماتزعل مني ياحلوك الله لا يحرمني منك
طارق ابتسم على كلامها:ولا منك يالله لاتتاخرين على محاضراتك ،جت بتنزل بس حصلت قهوتين ومسكت كوب بتنزله
طارق:خذيه لك ولصاحبتك انا بروح اخذ لي قهوه بعد شوي مافطرت طيرتيني بدري عن الفطور
الهنوف ضحكت:كان ودي تطلعني بعد بس ماضبطت معي هههههههه يلا سيو انتبهلك يا احلى اخو
طارق بابتسامه:يالله مع السلامه يا احلى اخت بس مهاوي لاتدري هههههههه ،ضحكت الهنوف وراحت
الهنوف دخلت دورت ساره ماحصلتها اتصلت عليها:بسم الله وين رحتي سوير امداني خليتك خمس دقايق اختفيتي
ساره:هههههههههه ابد شفت بنت خالتي قلت اسولف معها لين تجين ،تحصلينا بالمبنى اللي عند المكتبه
الهنوف:ويع مالقيتي الا ذي تروحين معها يلا جايتك
ساره:ههههههههه يلا انتظرك
بعد 5 دقايق دخلت الهنوف:سلام عليكم
البنات:وعليكم السلام
الهنوف:كيفك جوهره
جوهره من غير نفس:بخير
ساره:يلا الهنوف مابقى شيء على المحاضره باي جوهره
جوهره:باي
وطلعو
ساره :الله امداك تروحين وتجيبينها وتجين مو انتي جايه مع السايق شلون طلعتي للكافي وبعدين قهوتين ليه يالمشفوحه هههههههه
الهنوف ضحكت ومدت لها الكوب : خذي هذي لك مارحت طارق هو اللي جابها
ساره:ياحيوانه حرام عليك طلع مو نفس كلامك عنه طلع حنون لا وجايب قهوه لي
الهنوف تقلد ساره : حرام عليك مو نفس كلامك عنه حنون وجايب لي قهوه يععععع هههههههههههه
ساره:ايه اضحكي ماكانك قبل شوي زعلانه ههههههههه وين تلقين وحده تضحكك نفسي وكملو يمشون و
وصلو للكلاس ودخلو
في الشركة الساعه 12PM عند مازن طق الباب
مازن :تفضل
خالد:السلام عليكم
مازن وقف وصافحه:وعليكم السلام ياهلا ومرحبا كيف حالك
خالد:ياهلا فيك بخير يا الله لك الحمد انت كيف حالك
مازن :والله بخير ابشرك
خالد:الله يجعله دوم جيت بكلمك بخصوص أن ودي أننا نجتمع ونستانس بعيد عن الشغل ونرتاح لأن صرنا ماعاد نتقابل الا بالشركه وكلها اشغال وش رايك ناخذ لنا اجازه اسبوع نتجمع فيها وننبسط
مازن:اي والله والله اني مشتاق لجمعتنا وسوالفنا من بعد ماتوفى ابوي الله يرحمه ماتجمعنا ولهينا بأمور الدنيا (لهم سنه)
خالد:أجل تم .... جاه اتصال من حمد
خالد:أرحب
حمد:البقى شلونك
خالد:بخير اسلم
حمد:سم الله عدوك ترا كلمت ذيب يضبط المزرعة عشان نتجمع فيها كلنا باهالينا خليهم ينبسطون
خالد:زين وانا قلت لطارق يروح للمزرعه زين خلهم يتساعدون وينجزون مع أن ذولا لا اجتمعو سوو اللي ماينتسوا
حمد بضحك:هههههههه بعدك للحين مانسيت سواياهم تذكر يوم ذيب بيركب على الخيل وطارق جاي تحت الخيل عشان ذيب يرقى على ظهره ويوصل للخيل
خالد ضحك وجلسو يسولفون ويتذكرون سوالفهم القديمه
طبعاً طلال ماتطرقت له بهالبارت لانه كان مسافر للخارج وماراح يصير له احداث :) أما مها كانت بالمستشفى وبرضو مافيه احداث
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
