طلال شغل العرض النجدية وبدوا يلعبون العرضه
طارق راح وجاب السيوف وأعطاها الشيبان ومشعل وذيب
ومشعل وسعد دخلوا بالنص يلعبون بالسيوف وطارق يوثق ويصورهم للذكرى انتبه سعد ورجع عطا السيف لذيب وراح لانه عارف طارق وش بيسوي
طارق صورهم بسناب وعدل على الصوت وغيره ونزلها ستوري وقفل جواله كأنه ما سوى شي
————— • • • • • —————
البنات كانوا يحطون العشاء للرجال
دقت الهنوف على مشعل ولا رد جواله كان طافي
ودقت على طارق : الو وينكم ما تردون من اليوم ادق عليكم ولا أحد يرد
طارق : هلا وش فيه
الهنوف : العشاء جاهز تعالوا خذوه
طارق: زين ؛وقفل
طارق راح لمشعل وسحبه: تعال ساعدني اجيب العشاء؛ وراحوا
مشعل:احم احم طريق ياولد
الجوهرة وحلا سمعوه وتغطوا وطلعوا تحت انظارهم
مها:ادخل مافيه احد
مشعل:زين ؛ودخلوا
طارق:اوه يالريحه بالمخيخ
مها:بالعافية قل ما شاء الله
طارق:ما شاء الله بس ليت الطعم على قد الريحة ؛ودخل يدينه بجيوب ثوبه وأكمل؛بسألتس منهم اللي تو طلعوا
دقه مشعل وهو معصب ماعطاه طارق وجه
مها:اقول اسكت لاطراق على وجهك الحين ياقليل الحياء تناظر البنات
طارق:وراتس علي الحين
مها:بريء ما شاء الله
طارق بطقطقه :ههههههههههه فديت المعصبين أنا ولك اروحلك فدوه
مها:هههه بايخه!!
طارق بصوت خفيف وهو يشيل صحن العشاء مع مشعل همس لها :شوفي الاستوري بسرعه ترا بمسحه قبل لا اتصفق
مها ابتسمت وهي عارفه حركاته وهمست :ياويلك ههههههه ؛واخذت جوالها تفتح الاستوري بعد ماطلعوا ودمعت ضحك الهنوف والجوهرة راحوا لها وقعدوا يناظرون في جوال مها
الجوهرة:هههههه ياربي مب صاحي
الهنوف:ههههههههههههه ياويله من مشعل وذيب لو شافو الاستوري ودي اشوف مشعل وهو فاتح الاستوري
ام مشعل:يامها الهنوف تعالوا
مها:هلا يمه يلا دقيقه وجايه ،يلا هنوفوه روحي لامي وبجي
الهنوف:زين لاتطولين ترا اعرف حركاتس
وطلعوا يرتبون الصاله والسفره للعشاء
ام حلا قامت تغسل:كثر الله خيركم
ام سعد:عافيه وين رايحه تو الناس ما شبعنا من شوفتكم
ام حلا:والله ودنا نجلس اكثر لكن تعرفين المسافه طويله والساعه 10PM الجايات اكثر ان شاء الله
ام مشعل:الله يعينكم ويستر عليكم
ام حلا:يالله مع السلامه؛وطلعت ولحقوها بناتها واخرهم حلا بعد ماودعت رحاب
~~~~~~ • • • • • ~~~~~~
ركبوا عازم وتركي واخذوا اهلهم وراحوا
مشعل وذيب وطلال راحوا يرتبون المجلس والفرش عشان الشيبان ينامون واخذوا فرشهم وطلعوا للحوش
مشعل:ياعيال شرايكم نلعب ببجي
ذيب مسكه:بالله فكنا منها يكفي ذيك المره اخذتوني طقطقه
سعد:هههههههه يارجال تكبر وتنسى
طلال:ذيب ماعليك بخليك بفريقي ضدهم بروم وشوف كيف باخذهم رايح جاي وبخليك حريف
ذيب:اجل تم
مشعل:يالله أنا وسعد مع بعض ضدك انت وطلال؛وبدوا يلعبون
طلال:ذيب ارجع لاتروح يمهم يكفي كل شوي معطيهم كلات
ذيب صارخ:ايييه اخيرًا ذبحت مشعللل
مشعل فز من صراخه:عمى هههههههه شفيك شوي شوي على حلقك وش فيك كل ذا حقد!
ذيب:رفعت ضغطي كل شوي مسحب فيني
طلال رفع صوته:سعد يابزر بدون نيدات!
سعد:هههههههههه ماقلت من اول طيب مالك حق الحين وبعدين ماني اصغر عيالك تصارخ علي!
مشعل ضحك بانتصار:ههههههه اجلد بدري عليكم تفوزون علي
طارق جاء ومعه براد شاي:ههههههههه وش فيكم أصواتكم عاليه عمي صحى بغى يهجدّكم
مشعل عدل جلسته وأخذ بياله يصبله شاي:فاتتتك ذيب ذبحني وقام يصارخ مالومه اول كل يجيبه
طارق:اسألك بالله ههههههه والله انه مخفه
ذيب قام:والله اني داري لأبو اللي يلعب معكم
طارق:والله ماتروح هههههههه روق بالمنجا ياخوي ؛ولف للعيال؛شرايكم نلعب كيرم
ذيب:ياولد بروح الحمام وبجي جيبوا الكيرم وابن أبوه اللي فوز علي
سعد:قم جبها
مشعل:كلام كبير ياذيب أجل أنا معك ضد طارق وسعد
وقام طارق يجيبها وجلسوا يلعبون
~~~~~~ • • • • • ~~~~~~
عند البنات سووا قهوة وأخذوا زود الحلا ورقوا للسطح وزينوا جلستهم
رحاب : الله من زمان عن جلستنا هنا والقمراء أخخخخ بس ايام
الجوهرة : أي و الله وجلسة جدي سوالفه وقصصه لنا الله يرحمك يا جدي
الكل : آمين
الهنوف بتغيير للجو الحزين شوي: إلا بنات شفتوا حلا يا حلوها ما شاء الله صدق اسم على مسمى ذرابة وسنع وجمال اخخخ بس
مها : ما شاء الله عليها صدق
الجوهرة:يووووه يا حلاتها صدق الله يخليها لأهلها
رحاب:احمم احمم ترا أغار
الجوهرة:يوووه جاتكم اللي تغار حتى على العصفور إذا عجبها
مها:هههههههههه
الهنوف: أقول بنات ايش رأيكم نسوي ذا الترند وورتهم ترند واقربي بين كتفي والذراع
رحاب: الله جوي الترندات أنا تم؛ وقاموا يصورون
الهنوف: واي يجنن
الجوهر وهي صبت القهوة ومدت الفنجان للهنوف :سمي
الهنوف قفلت جوالها وأخذت الفنجان : سم الله عدوتس
رحاب: هنوفوه أرسلي المقطع
الهنوف : أرسلته يمكن من النت ما وصلك(جاهلة أنها غلطت بالرسالة)
مها : أقول الجوهرة كيف التدريس احسه صعب وقروشه
الجوهرة : لا بالعكس حلو مرة وممتع ؛وبدأت تشرح لها
رحاب :هوهوه و الله وفتحتي لك باب يا مها وش يسكتها الحين
الجوهره:وش عليتس أنتي؟
رحاب :ولا شي بس مسكتي خط بدون ما تحسين
الجوهره انحرجت وغطت فمها: معليش والله
البنات ضحكوا
رحاب : خلاص آسفين تحنطت من الإحراج
الجوهرة بصوت شبه عالي : رحابوه والله ما خليتس ؛وقامت لها
رحاب قامت بتنحاش وتشربكت رجولها بالبطانية وطاحت على الهنوف
الجوهرة ضربتها : حقيرة أنا اوريتس
رحاب تضحك وتتتألم : احح خلاص توبة
الجوهرة وهي تضحكها :ههههههههه كان من أول
رحاب :ههههههههههه بموت ضحك مو قادرة اتنفس الجوهرة خلاص وقفي
البنات ضحكوا من أشكالهم وضحكهم
رحاب شافت ما في أمل : يدي اي يدي مكسورة الجوهرة يدي
الجوهرة بعدت عنها وهي مخروشة
رحاب قامت تركض وهي تضحك ونزلت تحت والجوهره والبنات لحقوها
الجوهرة : يا حيوانة
رحاب شافتهم قربوا منها طلعت برا البيت ودخلت باقرب حمام بالحوش وقفلت الباب
الجوهرة دورتها جوا وما لقتها : وين راحت
الهنوف : يمكن طلعت برا
الجوهره طلعت ولحقوها البنات يدورونها ما حصلوها
اسمعوا صوت صراخ و طق وراحوا يمه
الجوهرة : مين هنا؟
رحاب : أنا رحاب بنات تكفون افتحوا الباب بلا استهبال
مها : رحاب بلا عباطة أنتي اللي مقفلة على نفسك
رحاب: تستهبلون قاعدة افتحه ما يفتح!
الهنوف : عارفين حركاتك ههههههههه وراحوا عنها
رحاب ما زالت تطق: بنات مو وقتكم والله لا تروحون افتحوا لي بنااات حتى إنارة ما فيه بنات افتحوا بسرعة
~~~~~~ • • • • • ~~~~~~
انتهى—>رايكم بالبارت؟
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
