جاء اليوم اللي بيطلعون فيه للمزرعة
في بيت أبو مشعل
صح أم مشعل وقامت تتوضأ تصلي الفجر طلعت من الحمام يكرم القارئ واتجهت للسرير تصحي أبو مشعل : أبو مشعل قوم صل الفجر ترا أذن
وقام يتوضى أم مشعل خلصت صلاة وجلست على سجادتها تدعي: يا رب إنك توفق عيالي وتجعل قلوبهم على بعض يا رب إني استودعتك إياهم من فتنة الدنيا ومشاكلها ومشاغلها اللهم احفظهم بعينك التي لا تنام
وأبو مشعل : آمين بس ورا ما تشمليني بالدعوة ولا أنا شايب خلاص ما مني فايدة
ام مشعل استحت : محشوم وأبو مشعل يا رب إنك ما تحرمني من أبو مشعل وتحفظه وطول بعمره وتخليه ذخر لنا يارب العالمين
ابو مشعل: آمين ويخليك لي ولا يحرمني منك يا أم عيالي
أم مشعل نزلت جلالها وطلعت تصلح الفطور
الهنوف صحت متأخر وفاتها الصلاة وصحّت مها تصلي وقامت تصحي اخوانها طقت الباب ومحد تكلم وفتحت الباب وشغلت الأنوار: طارق طلال مشعل قوموا يلا أفطروا ورانا أشغال كثيرة نخلصها
طارق : هنوفوه الساعه 6 الصبح طفي النور واطلعي رجاءاً
الهنوف : أقول قوم
طلال اخذ الخداديه اللي بجنبه ورماها على الهنوف :طفي النورررررر خلينا ننام
الهنوف :طيب وراحت تركض تجيب مويه ورجعت طفت المكيف وبدت تكب عليهم وانحاشت
طارق:اااااا برد
طلال:المويه بارده ياحيوانننن
مشعل:كان متغطي ومو طاق لهم خبر
طارق فز وناظر طلال شافه غرقان مثله وناظر مشعل اللي متغطي
طارق:شكله الحيوان مشعلوه اللي كاب المويه
طلال:حتى أنا شاك فيه وصارخ:مشععلللل
مشعل فز بقوه:وش فيه وش صار
طارق خاف من فزته وقام راح له يمسح صدره:بسم الله عليك مافيه شي
طلال:ماكان قصدي والله اسف
مشعل عصب:من اللي كاب علي موييه
طلال:مو انت ؟اجل من
طارق :عرفت من ،وقام يمشي بسرعه لحقوه طلال ومشعل
طارق بصوت عالي:الهنوففف
الهنوف نزلت ركض للمطبخ وسوت نفسها تساعدهم بالفطور وراحت خلف ظهر امها
طارق دخل المطبخ:وين الهنوف؟
ناظرت ام مشعل له وشافتهم الثلاثه مبلوليين وماقدرت تمسك نفسها وضحكت :وش فيكم كذا!!
لفت مها وشافتهم وفطست ضحك على اشكالهم:ههههههههه من مسوي فيكم كذا بس الصراحه تستاهلون محد قالكم تطولون بالنوم
مشعل وهو باليالله ماسك ضحكته ويحاول يبين نفسه معصب :من غير الهنوف وينها الملقوفه هنوفوووه
طلعت الهنوف تطل عليهم من ورا امها:هههههههههههه ياحليلكم ما كأنكم اللي قبل شوي كيس نوم صحيتكم وما صحيتوا قلت اصحيكم بطريقتي الخاصه
ثلاثتهم :بطريقتك الخاصه اجل ،وراح لها طارق يحاول يمسكها
ام مشعل:والله ماتمسكها هههههههههه روح يلا اطلعوا كلكم بدلوا يالله عشان تفطرون وترا اليوم بنطلع للمزرعه جهزولكم كم لبس تبدلون فيهم وحنا بنجهز الفطور اعجلوا لاتتاخرون
انتهى <<<<
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
