في بيت ابو سعد
بدأ سعد يشيل الأغراض بالسيارة
ابو سعد:شلت كل الأغراض؟
سعد :ايه يبه بقي كم شي بسيط بطلبهم
ابو سعد:متأكد مانسيت شي؟ترا عمامك متزهلين بنا
سعد:ايه يبه متأكد بس باقي الماء إذا وصلنا هناك ان شاء الله بطلبه ويوصلونه
ابو سعد:زين ترا مطولين بالمزرعه خذوا ملابس دافيه تكفيكم
سعد:ابشر يبه
ام سعد طلعت:سعد
سعد:سمي
ام سعد:سم الله عدوك ياحبيبي مر على بيت عمك ابو ذيب يقولون باقي كم غرض ماكفت سيارتهم يأخذونها
سعد:ابشري يمه اجهزو انتم على بال ما اجيب الأغراض واجي عشان نمشي ومانتأخر
ام سعد: زين ؛ودخلت تتجهز
<في بيت ابو ذيب>
ابو ذيب كان جالس بالملحق ينتظر ذيب يجي
دخل سعد:صبحك الله بالخير يا عمي
ابو ذيب :هلا صباح النور يالله حيه انزل تقهو
سعد: الله يبقيك ياعمي والله اني مستعجل تقهوى معك العافيه،وكمل وين الاغراض اللي تبوني اوديها معي ؟
ابو ذيب اشر باصبعه:شفها ياولدي اللي مصفوفه جنب الباب
سعد :زين ؛ووقف السياره قريب من الاغراض ونزل شالها وقال:ها ياعمي بقي شي ثاني أساعدكم فيه
ابو ذيب:لا سلامتك ياولدي
سعد : عن أذنك مع السلامه؛وركب سيارته
ابو ذيب:في أمان الله ؛وراقب سعد لين راح من انظاره
<في المزرعه>
وصلوا عائلة ابو سعد وعيال ابو مشعل
راح ابو سعد لقسم النساء ينزل عائلته واتجه لقسم الرجال
~~بقسم الرجال~~
سلموا على بعض وبدوا ينزلون الأغراض ويرتبونها
ابو سعد دخل المجلس يرتاح شوي وياخذ قيلوله
مشعل وطارق كانوا يتساعدون بالمطبخ (يجهزون أغراض الغداء من بدري عشان ما يحتاسون بعدين)
طلال وسعد وذيب كانوا يركبون الإضاءة للجلسة الخارجيه
طلال اخذ السلم ورقا فوق السطح يركب الأسلاك:سعد عطني اللمبات
مد سعد اللمبات وقال:خذ
اخذها طلال وركبها وخلص ونزل :ذيب بالله جرب شغلها بشوف ضبطت
ذيب شغلها وانصدم من ألوانها اللي كانت مشكله:شدعوه عرس مصاريه
طلال وسعد ماتوا ضحك
طلال وهو يمسح دموعه :عز الله جبتها من اللي شاري اللمبات؟
جاء مشعل :الظاهر كمال لان ابوي قاله يشتري الاغراض الناقصه واللي نحتاجها للعزبه يالله الله يعينكم نزلوها وانا بروح اجيب غيرها الله يعين
طلال:قم ياسعد الله لا يهينك نزلهم وانا دخت من الألوان
قام سعد وركض للسياره وشبك بلوتوث أغنيه مصريه وقاموا العيال كلهم يرقصون ويغنون معها
طارق لبس نظارته وتلثم وأخذ شماغ مشعل وربطه على خصره وقام يهز ويرقص
~~جهة النساء~~
الجوهرة سمعت صوت الأغنية ورقت للسطح تشوف وش السالفه ولحقتها رحاب
الجوهرة طلت من فوق السور وشافتهم وطاحت وهي تضحك وطلعت جوالها وقعدت تصورهم
رحاب:وش يضحك وش اللي قاعده تشوفينه لا يكون اللي ببالي وطلت :ههههههههههههههه مب صاحين ! بس تصدقين ماتوقعت انهم فله كذا ليت اقدر اروح لهم
الجوهره وهي تحاول تعرف من هو : شوفي اللي يهز يهز احسن مني هههههههههههه وبعدين وش اللي ليتني اقدر اروح لهم خير وين عايشين حنا
رحاب :ههههههههههههه امزح معتس شدعوه !! والله رقيص الولد
الجوهره : اسكتي قبل احد يسمعنا يالله مشينا ننزل قبل احد يشوفنا ؛ونزلو
ام سعد: وين رحتوا تعالو ساعدوني نرتب المكان قبل لايجون خالاتكم
الجوهره: ابشري من عيوني ؛وراحت ترتب أغراض المطبخ والصاله ورحاب زينت القهوه والشاي وجهزت البسبوسه
دخلو ام مشعل وبناتها ومعهم القهوه والحلا وسلموا على بعض وبدوا يرتبون الجلسه على دخول ام ذيب وبناتها
انتهى<<<<<
[معليش ياحلويني قطعت عشان رمضان وهيك يعني ولكن عدنا والعود احمد وان شاء الله ان البارت ينال على إعجابكم ويحوز على رضاكم اكتبولي توقعاتكم لأحداث البارت الجاي بقراها كلها بإذن الله ولاتنسون تقيمون البارت 🤎🤎]
Tik Tok:olom_410
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
