عند العيال
مشعل : القوة لا بارك الله بالضعف
ذيب: كفو والله
سعد : قيم ثاني يالله الأول بس تحميه
مشعل : صامل للحين هههههههه
سعد : يالله يا ابن الحلال
طارق : ايش رأيكم ناخذ الخيول ونطلع جوله برا المزرعة
ذيب : عن نفسي تم
سعد : وأنا تم
مشعل : ما عندي مشكلة
طلال : ماني جالس لحالي معكم؛ وراحوا للإسطبل
طارق وهو يطلع خيله سمع صوت عند مكان مظلم ظن أنه فار ولا حرامي وراح شوي شوي يمه سمع صوت طق وراح اتجاهه شاف الباب مقفل وقرب عشان يفتحه دق جواله ؛طلال: وينك؟
طارق : قريب شوي وأجيكم
طلال : أعجل علينا ولا بيفوتك جدول
طارق : زين بجيكم؛ وقفل جواله
رحاب سمعت صوت أحد وبدأت تطق أقوى وتنادي : افتحوا الباب افتحوه!!
طارق لف وراه ورجع يفتح الباب وحاول ما قدر ورجع ورا وقام يركض باتجاه الباب: ابعدي عن الباب!
بعد محاولات المرة الأولى والثانية إلا فتح الباب
اركض رحاب وأحضنته وهي ميتة من الخوف من الظلام وتبكي
طارق انتبه ليدها وعرف أنها رحاب وكان يبعد بس شاف انها خايفه بادلها الحضن ليهديها وهومايعرف يهدي احد إلا بالحضن
طارق:مافيه شي وراتس تصيحين الحين اهدي
رحاب ضمته بقوه وهي تصيح وتكتم شهقاتها:أنا اسفه من زمان وانا أتعمد أفشلك واكرهك بدون سبب بس ان.ن.ت
طارق وهو يشد عليها:اشش أنا يارحاب احبتس تعرفين وش معنى أحبتس أنا أبيع الدنيا ذي كلها واشتريتس رحاب أنا بسوي كل شي لاجلتس أنا مقدر أعيش بدونتس ترا ولا شي مصبرني على ذي الدنيا إلا انتي يارحاب انتي دنيتي وبس بسألتس سؤال واحد وابيتس تريحيني لاني والله ثم والله اني تعبت وانا افكر فيه
رحاب بعدت عنه ونزلت رأسها:وشو سؤالك
طارق وعيونه تدمع:تحبيني ؟مثل ما أنا احبتس تكفين يارحاب ريحيني وريحي هالقلب ؛واشر على قلبه وأكمل ؛اللي تعب من جفاتس
رحاب رفعت رأسها ولأول مره تحط عيونها بعيونه وهي مصدومه وشهقت:انت مريض قلب؟!! ونزلت دموعها
طارق مسح دموعه ولف وجهه وتلطم:لاتتهربين من السؤال رحاب تبادليني مثل الشعور؟
رحاب:طارق
طارق لأول مره يسمعها تناديه:عيونه وقلبه
رحاب:أنا ما أتهرب من سؤالك بس
طارق:بس وشو!
رحاب بتردد:أنا أنا ما أكرهك
طارق وهو مبسوط بس يبيها تقول الكلمة:مافهمت وش جوابتس الحين؟
رحاب نزلت رأسها:يعني ماعندي اي مشاعر تجاهك شعور عادي بس انت ماجاوبت على سؤالي؟
طارق:وصل جرحتس يارحابي لكن تمونين على هالقلب جرحتس عسل على قلبي ؛وصد
رحاب مسكت ذراعه:طارق أنا احبك ؛ومسكت فمها شلون نطقتها بدون ما تفكر
طارق مسكها من كتوفها:هاااه؟ عيديها تكفين يارحاب عيديها!
رحاب:هااه؟ولا شيء جاوب على سؤالي!
طارق:أي سؤال؟
رحاب بحده:طارقوه!
طارق بتهرب من الجواب:العيال ينادوني ؛وصد
رحاب:اجل بسأل الهنوف
طارق لف لها ومسك فمها:يالله اسكتي لحد يدري اساسًا محد يدري إلا انتي انتي اول احد يدري
رحاب نزلت دموعها:طارق أنا اسفه والله العظيم ماكان قصدي ااذي قلبك جعلني قبلك
طارق مسح دموعها وضمها:جعلني اخذ ضيمتس يارحابي
جعلني أنا وقلبي فدالتس
يالله ادخلي قبل احد يشوفتس استودعتس الله
رحاب:انتبه لك وانتبه لقلبك ياروح رحابك ودخلت
~~~~~~ • • • • • ~~~~~~
الجوهرة: معقولة بنات للحين مقفول عليها الباب يمكن صادقه
مها : تلقيناها نايمة عند امتس الحين وساحبه علينا
دخلت رحاب
الجوهرة : أخيرًا شرفتي
رحاب : ما نمتوا للحين
الهنوف : شفتوا أنها تسوقها علينا
الجوهرة : لا مانمنا قعدنا نتابع مسلسل وما جانا نوم
رحاب دخلت : أنا بروح انام تصبحون على خير
الهنوف :رحاب
رحاب : هلا؟
الهنوف : اجلسي بنات اسمعوني خصوصًا رحاب
الجوهرة : اخلصي وش فيتس تهرجين بالقطارة؟
الهنوف : تذكرون الترند اللي صورتهاأنا ورحاب
البنات :ايييه
الهنوف ناظرت لرحاب وبكت: نزلته ستوري عام بالغلط كنت أحسبه Private والله و
مها :و وش؟
الهنوف : وشافوه اخواني بالغلط و الله ما دريت رحاب سامحيني
رحاب انصدمت :هاه!
الهنوف : و الله بالغلط رحاب أنا غبية أصًلا ما انتبهت
الجوهرة : حصل خير احذفيها وانتهينا خلاص بالغلط وش نسوي
وقاموا البنات يشيلون الأغراض وراحوا ينامون باقي الهنوف ورحاب بالمطبخ
رحاب : الهنوف
الهنوف : سمي
رحاب : سامحتس عشانتس ما كنتي قاصده
الهنوف نطت بفرح وحضنتها وباستها:اخيرًا طاح الحطب
رحاب:هههههههه بقولتس شيء لحد يدري وحكتلها
الهنوف : يا الخفيفة ههههههههههه و الله وطلعتوا كل واحد أخف من الثاني
رحاب : ههههههههههه اسكتي فضحتينا لحد يسمعنا الحين ؛وطلعوا ينامون
انتهى—>رايكم بالبارت؟✨🦋
وش توقعاتكم للبارتات الجايه عشان بآخذ افكار🏃🏻♀️🏃🏻♀️
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
