صحت واخذت جوالها تتصل بأختها وتنهدت وهي عاقده حواجبها من انتهت المكالمه بدون رد وقامت للحمام تغسل وجهها وتبدل طلعت وتقدمت للتسريحه ومشطت شعرها وهي تلمه على فوق واخذت جوالها ونزلت:صباحوووو الخير
ابو سعد:صباح النور ياهلا بأخر العنقود
رحاب سلمت على راس ابوها وامها وجلست وهي مبتسمه
سعد:مروقه اليوم شعندتس
رحاب وهي تطالعه:ولا شي؛وجلست تفطر
ابو سعد:خلصت فطورك انت
سعد وهو ياخذ كوبه ويقوم:ايه بنتظرك بالسياره
ابو سعد:زين وانتي ماعندتس دوام اليوم
رحاب:لا عندي اوف
ابو سعد:زين ماكلمتكم الجوهره اليوم
ام سعد:لا ب..
قاطعها رحاب:اتصلت فيها بس ماترد
ام سعد:يمكن مقفلته ولا نايمه
رحاب:لا مو مقفل بس يمكن نايمه بتصل عليها بعد شوي
ابو سعد قام:زين؛وطلع
مشاعل لفت عليها:دقيتي عليها صدق
رحاب:ايه ماترد
مشاعل:من زمان اتصل عليها ويقفل الخط وهي ماردت
رحاب:كيف؟
مشاعل:مدري كيف بس مستحيل انها ماترد علينا
رحاب:وش قصدتس
مشاعل:يمكن مغيره رقمها؟
رحاب:بس الشريحه حقتي شلون تغيرها بدون ماتقولي على الاقل ترجعها لي ،وبعدين ليش بتغير رقمها وشريحتي شغاله؟
مشاعل:مدري عنها انا لا تقعدين تسأليني!
رحاب ضحكت:يووه منتس ماينهرج معتس
مشاعل طالعتها بنص عين
رحاب طقتها في كتفها وضحكت:يممه تخوفين
مشاعل:ايه انتبهي مني
ام سعد قامت:ياكثر هرجتسن اخلصن قومن
~~~~~~~~~•••••~~~~~~~~~~
دخل لدوامه وتوجه للمكتب يوقع حضوره وهو متأخر قبل احد ينتبه له وتقدم للباب بيطلع
حمدان:وش عندك هنا؟
مشعل وهو يدق تحيه:جيت أشيك على النظام
حمدان:نظام وش؟
مشعل:أ..
قاطعه من جاء الوليد وهو يدق التحيه:مرحبا حمدان عن أذنك بس ؛ولف لمشعل؛احتاجك بشغله
حمدان طالعهم يدقون التحيه:روحوا
مشى مشعل والوليد جمبه:جيت بوقتك
الوليد عقد حاجبه:ليش وش صار؟
مشعل:بغى يقفطني متأخر للمره الثانيه
الوليد وهو يدخل للمكتب ودخل وراه مشعل:وش بلاه مناشبك هذا مب طبيعي وش مسويله انت؟
مشعل:أنا ادري عنه؟
الوليد:اتركنا من طاريه تعال شف الملف هذا
مشعل:بخصوص؟
الوليد: . . .
-في بيت مشعل-
مشت للصاله وهي تحاول تذكر رقم اي أحد من أهلها وتنهدت من عجزت تذكر وشغلت التلفيزيون وجلست تتابع إلى ان يجي مشعل من دوامه وقامت من دخل عليها:السلام عليكم؛ولف للمطبخ؛كويس ماطبختي؟
الجوهرة:لا بقوم اسوي بعد شوي
مشعل:لاتسوين بنطلع نتغدا برا
الجوهره:تمام؛ودخل يبدل ملابسه وطلع حصلها جاهزه ومشوا
<شقة نورة>
النارا:أحسن
تركي وهو يطالعها:ماصدقت على الله هذي غرفتي بتبقى مثل ماهي ماراح تأخذينها
النارا:تركي انت مسوي بيت وش كبره مناشبني على غرفه؟ماما شوفييه الاناني
نورة:مالي دخل تفاهموا بينكم
تركي:شفتي حتى امي معي
النارا:لا والله باخذها يعني باخذها وعينك تشوف بعدين وش قلت الأدب هذي أنا أختك اللي اكبر منك إذا ناسي
تركي:يالليل هذا والله البلشه خلاص خذيها
النارا قامت وهي تصفق بوناسه:يسسس ؛وصعدت
تركي:ويين اجلسي مابعد تزوجت وين رايحه
النارا:بروح أضف عفشك وارتب غرفتي
تركي وهو يطالعهم بصدمه:لا صدق هذي مستعجله على طلعتي من البيت هيييه اصبري باقي اسبوع على زواجي احد يفهمها ولا برقد بالشارع اليوم لو ما وقفتوها
الكل ضحكوا
-بعد اسبوع-
<بيت مشعل الساعه 1:30PM>
قامت وهي تلبس عبايتها:مشععللل قوم يالله ودني لاهلي بتجهز معهم!
مشعل وهو يتمتم:شوي بس
الجوهره وهي تجلس بطرف السرير وتسحب البطانيه عنه:قوووم تأخرنا ؛سحب البطانيه بقوه يتغطى وسمع صوت خبطه بالأرض وشال البطانيه عنه وجلس يطالعها طايحه بالارض وتطالعه:ايييي ياحيوان
مشعل ضحك:اسفف مادريت انك جالسه عليها قومي
مدت يدها تتحسس رجلها:يالله شلون بلبس كعبي الحين كسرت رجلي
مشعل ضحك وقام لها وهو يطالع لرجلها اللي تلونت بالأحمر:تعورتس؟
الجوهره:ايه
مشعل:تقدرين تمشين عليها؟
الجوهره وقفت وهي تطقه على كتفه:بدل وألحقني بسرعه لاتتاخر خلني الحق أتجهز ؛وطلعت
مشعل وهو يتكلم وراها:واضح تعورتس رجلتس؛وضحك
-بالقاعه-
كانوا جالسين يتصورون وناظرها تبتسم للمصوره اللي قاعده تصورها ورجع يناظر للكاميرا من قالتله المصوره يطالعها ولفت تطلع من دخلوا طارق ومعه مشعل وطلال:السلام عليكم
ردوا السلام
طارق وهو يكلم المصوره:تعالي لاتروحين نبيتس تصورينا
المصوره:نعم اخوي؟ بس أنا مصورة عرائس مو معازيم
مشعل:معازيم؟ حنا اخوانها
حلا طالعت المصوره اللي طالعتها وهي مصدومه:غريبه مافيه شبه بينكم معليش
طلال:اخوانها من الرضاعه عشان كذا؛وسوا حبتين ينتظرها تصورهم؛يالله
المصوره طالعته:قربوا من بعض عشان تطلع الصوره حلوه
حلا كانت تطالعهم وهي مبتسمه من تورطوا بطلال وحركاته اللي بوادي وتوجيهات المصوره بوادي
طارق سحبه:تعال تعال جمبي وامسك البشت كذا؛ودخل يده وحده والثانيه تركها برا البشت وماسكه فيها؛لاتتحرك لين نخلص
طلال من شاف الفلاش اشتغل غمض عيونه
المصوره:أتعبتني تراك افتح عيونك!
طلال:يالله هالمره جد بس بسرعه هاه
المصوره: ١.٢.٣؛والتقطت الصوره ؛وراكم كلكم بجهه وحده احد يروح جهة العريس
مشى مشعل جهة تركي وبدت تصورهم وبنص التصوير عطس طلال وتكركبت كشخته
حلا توترت بعد ماقروشهم طلال وأقلقها بتصرفاته الغريبه
طارق وهو يطالعه:نعتذر منتس شكله عنده حساسيه من الكاميرا مب معقول ولا صورة ضبطت وهو معنا، اطلع ياخوك خلنا نتصور صور تفتح النفس
وضحكوا
سعد طق الباب:ياعيال أخلصوا علي بسرعه مافيه إلا أنا اشرف على العمال وأرحب بالرياجيل اخلصوا علييي
مشعل تقدم يسلم على تركي وحلا وودعوهم وطلعوا
~~~~~~•••••~~~~~~
-بالسياره-
لف لها وهو ماسك كفّها ويغني مع الاغنيه من تذكر لبسها:
إنت ان شفت الخناجر
في دواعجك السواهي
لين لجت واستلجت
واستبدت موت احمر؛ولف لها من شافها تصوره وتضحك
وقعد يغني بقوه ويأشر عليها كأن الاغنيه توصفها ؛
داااخل بالله عليهااا
منها وفي جاهي
وين اودي قلبي الهيمان
لاااا قامت تغنجرر
الجوهرة وهي تمسك الدركسون وتضحك:يامجنون انتبه لسواقتك مابي اموت
لف مشعل ومسك الدركسون وهو يطالع للطريق
الجوهرة وهي تطالع للطريق اللي يودي لبيتهم:مشعل
مشعل:عيوني
الجوهرة:ابي اروح لبيت اهلي
مشعل طالعها وهو رافع حاجبه باستغراب:ليش
الجوهرة:من زمان عنهم ماشبعت منهم ابتلشت بحوسة العرس
مشعل:بكره اليوم تعبان
الجوهرة:مشعللل! بكره بتداوم وماراح توديني أعرفك
مشعل تنهد:زين بس نرجع سوا
الجوهرة:مشعل تستهبل صح؟ قول انك تستهبل
مشعل لف لها:لا ما استهبل كلها تجلسين معهم شوي ونمشي
الجوهرة بترجي وهي لافه له وماسكه ذراعه:بس يومين بليييز
مشعل:الشكوى لله زين
رجعت مكانها وابتسمت
نزلوا من وصلوا واشرت له بيدها وهي رايحه لبيت اهلها ورفع يده لها ورجع ركب سيارته وحرك
أنت تقرأ
جيتي مثل الغيث والدنيا صحوه
Misteri / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
