< عند حلا والهنوف >
الهنوف :حلا حصلتيه؟
حلا : لا
الموظفة : للأسف ما حصلناه إذا تسمحون اطلعوا لأن بنقفل
الهنوف تنهدت : تمام؛ ومسكت حلا وطلعوا
———— • • • • • ————
حلا:وش نسوي الحين
الهنوف بعد تفكير :هاتي جوالك بتصل
حلا مدته لها:خذي
الهنوف وهي تحاول تتذكر رقم اي احد من أهلها:يالله ماني حافظه ارقامهمممم
حلا:اتصلي على ماما
الهنوف:اوه صح؛وقعدت تدور بالأرقام؛وش مسميتها؟
حلا:ماما وش بسميها يعني؟!
الهنوف:وانا وش دراني حتى ماقدرت افكر من التوتر ههههههههههههه
حلا:امشي خلينا نروح للبقاله بأخذ لي شي اكله جعتت بعدين ليش محد فقدنا لهدرجه مالي حس ولا يبون الفكه مننا !
الهنوف:أنا اضن غاثتهم بسوالفي وبربرتي اللي ماتخلص لذلك ارتاحوا وماحسو فيني ههههههههههه نضحك على أحزاننا والله
جوالتس مافيه رصيد ولا نت أكلنا هواء امشي للبقاله بس ندور رصيد
حلا:يالله؛ومشو للبقاله
الهنوف:لو سمحت فيه كرد رصيد هنا؟
العامل:ايوه موجود
حلا:طيب عطني
العامل بسبب قصرهم قال :وين اهل انتم ؟
الهنوف:وش دخلك؟
حلا:مالك دخل
العامل وهو يأشر لهم يطلعون:يالله روح انت صغير
الهنوف:هيه خيرررر!
حلا:امشي هنوفوه فيه مليون محل غيره
الهنوف:والله إذا ماقصرت لسانك للعن خيرك وانا أخت مشعل ياحيوان
حلا وهي تدف الهنوف للباب تطلعها :الهنوف امشي معي العالم تناظرنا
الهنوف:طز فيهم وانت اخلص عطني الكرد
العامل الهندي بصراخ:انت مافيه يفهم رووح مافي يعطيي انت
الهنوف :العن خيرك طلعت نذل فكيني عليييههه
حلا سحبت الهنوف معها وطلعت :الهنوف فيه واحد من العمال كان يصورنا لو يشتكي علينا بنروح فيها
الهنوف:هاه؟ وش تقولين انتي وينه لا العن شكله الحقير الثاني بعد ؛وراحت بسرعه بترجع للبقاله
حلا وهي تلحقها توقفها :مو هناا طلع للبوفيه بس ها شوفي بلا هوشه بنأخذ الجوال ونتصل على أهالينا اول شي لان مافيه قريب إلا ذا البقاله وعيا يعطينا الكرد بعدها نحذف المقطع بس حاولي تأخذين الجوال بدون مايحس
الهنوف:تمام ؛ودخلوا للبوفيه
الكاشير :اهلاً وسهلاً وش حابين تاكلون
حلا وهي ميته جوع:برجر دجاج ونقت وبيبسي وبطاطس
الكاشير ناظر لـ الهنوف:وحضرتك
الهنوف بعدم مبالاه :نفسها
الكاشير :تمام؛حاسبته حلا وتعمدت تروح لطاوله قريبه من العامل واستغلت الفرصه لما قام يغسل ونسى جواله مفتوح على الطاوله خذته وطلعت برا ولحقتها الهنوف ومعها الأكل وتركض رجع العامل وماحصل جواله وشاف الهنوف وهي تركض :سرقوا جوالي !! ؛وراح يركض وراهم
حلا والهنوف شافوه يلحقهم وقعدوا يركضون
حلا:يمه الهنوف ناوينا ذا
الهنوف وقفت تنزل كعبها تاخذه بيدها:احح الكعب كسرني عجزت اركض
حلا:يمممهههه الهنوف لاتوقفييننن قرب الله ياخذه
الهنوف :يا ماما وش ذا اليوم اتصلتي عليهم
حلا :ايه بس محد يرد
الهنوف:حلااا مالنا إلا المسجد ندخل ونقفل علينا بس بالأول لازم نضيعه بالحواري
حلا:الهنوف مو منجدك مره مظلمه وتخوف مستحيل بعدين اشكالها مشبوهه
الهنوف:حلا مب وقت خوف انتي شايفه اللي ورانا !
حلا بدت تصيح:ياربي اني استودعك نفسي والهنوف اللهم اجعل من أمامهم سدًا ومن خلفهم سدًا فاغشيناهم فهم لايبصرون؛وسمو ودخلو للحواري وكل ماشافو لفه دخلو فيها لين ماعاد يسمعون احد وراهم وجلسوا يأكلون ويجلسون
حلا:الهنوف شكلنا ضعنا كم حاره دخلنا للحين
الهنوف :اربع او خمس اهم شي افتكينا منه
حلا ناظرت للجوال:لنا 3 ساعات ولا احد اتصل او رد
الهنوف :حلا اقربي مني بدون ماتناظرين وراك وبدون صوت
حلا لفت وراها وصارخت:ييمممههه كـ. . كـ. . كلاب ظـ. . ظالـ. . لـه
الهنوف:اسكتي فضحتينا ؛قامت الكلاب تنابح وكل مالها تقرب أصواتها وتعلى
حلا:الهنوف تكفين امشي ماينفع نجلس هنا ولا بنموت بيأكلونا الهنووفففف؛وصاحت وفجاه سمعوا صوت ركض
حلا:جاء الله ياخذه الهنوف امششييي ! ؛وقاموا يركضون إلى ان حصلوا مبنى واضح انه مو سكن عمال ونظيف يوحي ان فيه احد ودخلوا للحوش وقفلوا الباب
مهنا:عارف انت جيت؟ ؛وانصدم من شاف بنتين وقرب من حلا وضمها:اوه رشا هذي انتي
حلا صارخت :وجع ! ياحقير الله ياخذك شلون تتجرأ تلمسني !!
مهنا بعد عنها وغض بصره وخاف :ا.ا.اسف حسبتك زوجتي
الهنوف:وجع جعلها الكسر واضح انك راعي بنات الله يأخذك ؛ومسكت حلا وطلعوا يركضون للشارع العام
حلا وهي تصيح :الهنوف تحرش فيني يا الهنوف !!
الهنوف وهي تضمها :والله مايروح مننا وحقك بيجيك لو بعد حين وعععدد
الهنوف وقفت تاكسي:لو سمحت عادي توصلنا قاعة ****
صاحب التاكسي: No speak Arabic
الهنوف اشرت له يروح:يبيني أترجم له فاضيه أنا يالله اذاكر عربي
حلا ضحكت
الهنوف:ايه اضحكي جعل مايضحك غيرتس
حلا:تدلين القاعه؟
الهنوف:الصراحه لا ما اعرف إلا اسمها
حلا:حلوا رحنا فيها لو سرقنا مادرينا
الهنوف:ياختي لاتتفاولين ان شاء الله بنوصل بالسلامه
~~~~~~ • • • • • ~~~~~~
<عند الرجال>
وصلوا للقاعه ذيب وطلال ومشعل وطارق وبدأ الزواج رسميًا كانوا الكل فرحانين ويلعبون إلا مشعل اللي طلع برا وهو يحس انه يختنق داخل طلال وذيب كانوا أكلين الجو بالعرضه والكل معجبين بلعبهم إلى ان دخلوا طارق ومشعل اللي كانوا متقنين للعرضه بقوه ولعبنهم متناسق والكل مندهش منهم
<عند حلا والهنوف>
حلا:يارب وربييي ذااا اليوووممم كانه فيلم رعبب ممبب يوم زواج
الهنوف بحزن:ليت حظ الجوهره مب مثل حظنا
حلا:ياررروووحييي ياجوجو كان ودي اشوفها وابارك لها ؛وناظرت للساعه واكملت؛وقت زفتها الحين؛وتنهدت
الهنوف جلست على الرصيف:اااخخخخخ يارب افرجها علينا أنا تعبت خلااصص!!
حلا جلست جنبها وضمتها:هنوفي ترا انتي اللي قويتيني لاتضعفين الحين !
<في القاعة عند الحريم>
قامت ام مشعل ترقص وبناتها معاها
مها:الهنوف وين؟
البنات:ماندري
رحاب:بروح أدورها انتي روحي مع امتس؛وقامت تدورها وشافت خالتها ام حلا:خاله ماشفتي الهنوف؟
ام حلا:لا حتى حلا ماشفتها من اليوم إذا حصلتيها قوليلها تجيني
رحاب :تمام؛ وراحت تدورهم ما حصلتهم وطلعت تأخذ جوالها تتصل عليهم اتصلت على الهنوف جوالها مقفل واتصلت على حلا وردت: الو وينكم أنتي والهنوف؟
حلا : رحاب! أخيرا دقيتي رحاب؟ رحاب ردي
رحاب : حلا الو؛ ورجعت اتصلت لكن الجوال طافي ورجعت داخل على وقت زفة الجوهرة
حلا : افففف طفى مو وقته
<بالقاعه>
كانت الجوهرة تمشي على نفس أوتار الزفة وهذا اللي زاد طلعتها حلاوة غير ابتسامتها اللي كانت تجذب إلى أن وصلت لـ الكوشة ميس اتصلت على ذيب يدخل ودخل هو وأبوه وأبو سعد وسعد والكل تغطى عنهم وبعد لحظات ودعوا الجوهرة واخذها ذيب وطلعوا وكانوا العيال كلهم بالموكب إلا مشعل اللي رجع للبيت بوقت الزفة وبدل ملابسه وطلع لتغيير مزاجه
< عند حلا والهنوف >
الهنوف :مت بررددددد
حلا : حتى أنا الشكوى لله مالنا إلا ندعي
فجأة وقفت سيارة ونزلت القزاز : أهلين يا حلوين تبون فرة؟
حلا : توكل العن خيرك هنا!
مجهول: واو يا العصبي
رفعت حلا عليه الجوال وحرك بسرعة
الهنوف : كفوا ما ينفع فيهم إلا كذا وقفي تاكسي مالنا حل إلا هو يا يوصلنا يا يسرقنا على قولتك أرحم من الموت في الشارع من البرد
حلا وهي مو مقتنعة :اوكي؛ ولفت لـ الهنوف بسرعة وأنطقت؛ عندي حل أضمن لنا نروح لمركز الشرطة
الهنوف : قلت حقك بيجيك بس موب الحين
حلا : قصدي نقول لهم اننا ضايعين
الهنوف : اوه فكرة بس تعرفين وين؟
-انتهى🦋✨-
توقعاتكم لمصير حلا والهنوف وليش للحين محد دور عليهم؟
أنت تقرأ
جيتي مثل الغيث والدنيا صحوه
Mystery / Thriller> رواية تجمع مابين أجواء الديرة والحب الشريف العفيف والأكشن تبتدي قصة الأبطال من طفولتهم وتجمعاتهم في صغرهم وكبرو وكبرت معهم مشاعرهم اللي كانت متبادله للبعض والبعض الآخر لا وتصادفهم مشاكل وصدف هل بتستمر مشاعرهم أم لا ؟ . . . هذا ما ستعرفونه من قرا...
